السلام عليكم جميعا بنات وشباب
اخواني:
حاب استشيركم في شي مهم
بكره عندي مقابله في بنك الاهلي
بس انا قلقان انه حرام سألت واحد من المشايخ قالي انه الشيخ المنيع طلع في قناة العربيه واجازه امس الجمعه
وان شاالله انه بنك حلال
انتم ايش رايكم
واللي عنده فكره عن المقابله يخبرني
على فكره الوظيفه وظيفه مكتبيه يعني في الاداره
اتمنى من جميع عظوات المنتدى المشاركه في موضوعي الله يرزقكم الرزق الحلال
والله اني قلقااااااااااااااااااااااااااااااان مرررررررررررررره
لا تحرموني من رايكم
تحيااااااااااااااتي

شباب اشفيكوا
محد مل مقابله في بنك
وكلكم بخلاء في راييكم
والله عيب ما توقعتها

اخوي موظف في الراجحي <<<<<<< الي يبي شي يبشرر هههههههه

المهم وسئلتة عشانك قالي قبل لا اروحلهم قريت عن البنك وعن رأس ماله وعن نشطاته وجمعت معلومات كثيرة عن البنك وفعلا سئلوني وش معنى اخترت هذا البنك وش تعرف عن بنك الراجحي . طيب فية بنوك كثيرة لية اخترتنا ومن هالاسئلة
عاد فيلسوف ومعه معلومات عشانكم بنك سائد وبنك متطلع والدليل انكم رفعتو راس مال البنك في اقل من سنة وهاات يافلسفة وقالي بعد يبون واحد واثق من نفسة رزين شخصية كلامة مرتب ماتعتع والا يتمتم ولاتظن ان الي بيسوي معك مقابله صاحب البنك والا اخوة لا واحد موظف عادي ودائما يحاولون يكتشفون ردة فعلك بعد كل سؤال وشيل من راسك كلمة مدري والا ماعرف حتى لو ماتعرف انصب عليهم وصلبهم شرق
هذا الي اعفره وان شاء الله اكون استفدت ولو بالقليل

عاد انت اقرى عن البنك وتفلس قول انا ماجيتكم الا بعد ماحللكم المنيع هههههههه

بالتوفيق ان شاء الله ونسمع انك توظفت عشان تكون واسطة المنتدى

في وظايف للنساء في البنك الاهلي واذا في وين اقدم

ادخل على النت في قسم الدعاة او فتاوة الدعاة والمشايخ

بشر ياجداوي اهلاوي....ان شاء الله خير

اخوي جداوي الشيخ المنجد يعطيكياها كاش

الي الله كاتبه لك بيصير

وبالنسبه للمقابله انا سويت مقابلتين وكلها عاديه جدا

وزيك الوظيفه كانت مكتبيه ..

كانت اسئله عاديه .. والموظف يحاول يستفزك بالاتصالات الي تجيه

كل شوي يقاطعك ويقولك كمل ..

وبس ..

وعسى ربي يوفقك ..,

مشكورين يا شباب والله ما قصرتوا
واخص شكري لي دبلوم وعاطل واخوه
تحياتي