وجهة نظر.افضل شي يتزوج ثنتين وحدة اصغر والثانية اكبر علشان يشبع احتياجات عاطفية موجودة عند الرجل

عند الكل وحدة تقوم بدور الام الحنون والمرأة الحكيمة اللي تعتبر زوجها مثل الطفل وتتقبل احيانا نزواته وتوجهه للافضل وتساعدة على الخير والثانية مثل الطفلة المدللة احيانا تدلع علية واحيان تشاكسة تزعل منه ويراضيها فرفوشة تدخل البهجة لقلبه كلام كثير بس قبل كل شي العدل ولا ينطق في مكانة

طبعا اتكلم عن وجهة نظر تحتمل صواب وخطأ

سؤال موجه للمراه هل تقبلين الزواج بشاب اصغر منك بالعمر ؟ اذا كان نعم ؟ نرجو توضيح الاسباب ؟ وكم الفارق العمري ؟

واذا كان الجواب لا ؟ نرجو توضيح السبب؟




لا أقبل الاسباب كثيييييييره يعني كل شي بيد الله والمسألة توفيق وندري ان الله من كبير عقله صغير والعكس
بس الافضل ان الوحدة تاخذ واحد اكبر منها عشان مايشوف نفسه عليها ولا يقعدون اهله ينطلون حكي طالع نازل عاد عارفين بعض حركات اهل الزوج خواته وامه احيانا يسوون شي ماله داعي والوحدة تروح لناس ماتدري وش
اطباعهم يمكن من الناس السخييفة فدرءا للمفاسد واتقاء الفتنة والنفسيات مع اهل الزوج تاخذ الوحدة واحد أكبر منها لو بشهوور وانا ضد ان وحدة تكون بأول شبابها تآخذ واحد كبيير يصير مهيص وعايش مراهقته وشبابه كله وشبعااااااااان ويبغى الاستقرار فتنحرم هي من الملذات والسفريات وكذا لانه ماله خلق وشبعااااااان طبعا هذي مو قاعدة بس انا اعرف ثنتين متزوجات رجال اكبر منهم باشواط حياتهم شوي مملة والازواج كل تفكيرهمم بالاولاد لاان ماجوهم الا بعد عمر والزوجه مالها ذيك الاهمية يهتم بعياله اكثر ع فكرة لما تزوجوهم ماكانوا كبار مره يعني بداية الثلاين والزوجات في 19كذا بس وش نقول وبعضهم دايم يفكر لو مت بتتزوجين
يعني حياتهم شوي نكد الله يعينيهم بس حلوو يكون بينهم سنتين ثلاث احس هذا الافضل كلهم شباب ومنطلقين في الحياة وكل تجاربهم سوا هذي وجهة نظري والتصويت شكله بس للرجال ولاكان صوت بلا

يقول أحدهم ..

وماذا إذا كان فؤادي يصغر بضعة أشهر ؟ أينقص وزناً ! أينقص عشقاً ! أيكره إن قيل إنكِ مني أكبر ؟

بلا إن قلبي يعشقك أكثر إذا قيل إنكِ مني أكبر

...

لا.. الاسباب كثيييييييييييرة

اكيد قسمة ونصيب .. والله يوفق عرسانــا

لكن أحد الأسباب أن (النفس) نوعا ما لا تتـــقــبـــــــــل ذلك .. والله الموفق .

وعليكم السلام ورحمة الله وبركاته

في هذا الامر بالذات لايوجد قانون يتبع من الكل ! هي قناعات وفكر بالأول والاخير وهي مصدر الاختلاف بين البشر.!

بإختصار بالنسبة لي مع التقارب العمري بين الزوجين بحد اقصى سنتين (ولايهم لمن الفارق)
وتظل توفيق من الله سبحانه وتعالى .

رغم أهمية الموضوع

في مرة من المرات تابعت برنامج خطوة على قناة أبو ظبي وكان عن نفس الموضوع تختلف الاراء كثيراً بناءً على رؤيتك للطرف الثاني من كافة الجوانب : نفسياً ، إجتماعياً ، عقلياً وهذا الأهم ~

مهما كان المستوى العلمي كبير لايفيد ولايبرهن فائدة التعامل والرقي الفكري إلا برؤية الشخص للطرف الآخر فمثلاً تغيير الرجل للمرأة بأن تلبس عباءة على الرأس لحمايتها لم َ لايتقبلها كما هي فكلها عباءة وتستر مالايحق لغيره أن يراه ، هنا يأتي التصرف بناء على التفكير .

( . ) إنتهى