وعليكم السلام هلابك اخوي

مبروك القبول المبدئي وبعدين انا مقدم في الرياض وماخذ الكشف الطبي في مدينه جده

يمديك تاخذه في اي مكان تسويه اهم شي يكون في المدينه اللي تبيها مستشفى قوى الامن لانه ما تسوي الكشف الا فيها


صراحه انا سويته في جده في شوي زحمه بس حسب ما سمعت من كم شخص يقولوا في الباحه تسويه كلها في يوم واحد

انا جلست اسبوع تقريبا لما خلصت في جده

واي خدمه نحن حاضرين تقبل تحيات ابو بدر

بيض الله وجهك ابو بدر على الافادة

موعدي للكشف الثلاثاء الجاي بمكة تعتقد اقدر اخلص كل شئ في يوم

واسف تحملني شوي يطولي بعمرك
كيف كان الكشف تعقيد وتدقيق ولا سهالات

[align=center]
السلام عليكم

عدنا والعود احمد
اليوم سويت الكشف الطبي في قوى الامن

جيت الصباح لموقعهم بالعزيزية والمندوب وصل الساعة عشر ونصف تقريبا
ينادي العسكري بالاسماء وتروح المختبر يسحب منك دم وياخذ وانتم بكرامة عينة بول
بعد كذا تروح قسم الاشعة ياخذوا اشاعة صدر وبطن ويسلموك الاشاعة ويعطونك موعد بعد خمس ايام

للحضور الى اللجنة الطبية بعرفات [/align]

عبدالماجد نبارك لك انك سويت اهم شي في يوم واحد والله في جده سحب الدم في يوم وانتظار من الصبح لما تقريبا 10 ونص

وبعدين قالوا اشعه اليوم الثاني وبعدين لجنه في الاسبوع اللي بعده


مواعيد اللجنه الطبيه يوم الاحد يوم الاربعاء من كل اسبوع هذا بالنسبه للي في جده بس اللي في مكه الله اعلم


اللجنه مو ذاك التشديد بس في في الطول واللي وزنه زايد مره يقولوا له نزل وزنك واللي طوله ناقص مره مافي امل

والله شفت ثلاثه قدام عيني والدمعه في العيون بس عسئ الله يفرج همهم


المهم نصيحه مني اذا في اسنانك الله يكرمك ويكرم الشباب جير او تسويس او شي روح سويه


لان بجده قالوا لكثير روح سوي تنظيف وبعدين تعال ولا روح سوي حشو للاسنان وتعال ولا سوي تلبيسه اذا عندك حشو

من زمان عادي

انا عندي ولا قال شي الحمد لله وبالنسبه للاختبار النفسيه حاول انه ما يرفع ضغطك بالاسئله الغبيه

مثلا يقول لك وش اسم امك وش تشجع كوره ولا ما تشجع كذا وليش انت زعلان وش رايك في مثلا الشي اللي يجيك منه ريح سده واستريح وش تفهم منه

يعني اشياء زي كذا

وخذ الامر وناسه ولا تشيل هم وخلي ثقتك بالله سبحانه وتعالى وصدقني ربي سبحانه ما ينسى عباده

واي شي تبيه انا تحت امرك اخوك ابو بدر والله يوفقك ويوفق الجميع

يجي من يفيدك

غالينا ابو بدر
يطولي بعمرك على الافادة
افدتني بكل تساؤلاتي والصورة واضحة الآن فالله يجزاك خير ويحقق مبتغاك