في رأيي المشكله المنطقه التي سيقام فيها المشروع
هل افكارهم تعودت على هالاشياء او مازالو تقليدين
االخوف انه الحضانة العادية مايدخلونهم في صغرهم فكيف يدخلونهم في معهد انجليزي ورسم

لو كانت بالرياض او جدة او الشرقيه ممكن تلقون عائلات يمهما هالشي لاطفائلهم وخصوصا كثير من العائلات في هذي المناطق ميسورة الحال

هذا رأيي وممكن خطأ او صح

بالتوفيق والرازق الله

شكرآ لمرورك بالعكس انا ابغاه في هاذي المنطقة بالذات لأن المواهب مدفونه واحنا نبغى ننمي مواهبهم للرسم وتعلم اللغه المهمه في هذا العصر الوظايف الان كلها تشترط الانجليزي فمابالك في جيلهم والاهل مايقصرون الروضات مليانه اطفال ولله الحمد وهذا يعتبر وقت ترفيهي لهم لتعلم اشياءغريبه عليهم

فكره ناجحه 100 بالميه اتمنى لك التوفيق

اتمنى لك التوفيق
وياليت تطبقين نفس الفكرة في الرياض

توكلي على الله انتي تقولين الاسعار بسيطة على مستوى الناس والمواهب مدفونة وانتي ادرى بمدينتك توكلى على الرزاق والله يفتح لك ابواب الرزق - جيزان كلها خير ولكن مدفون وللاسف المدينة مهملة ومشغولين بالبترول في الشرقية

:

وانا اخالف جميع الـردود ....

المشروع لن ينجح بمنطقة مثل جيزان و ابو عريش ....

الناس في جيزان مستواهم المعيشي بين متوسط واقل من متوسط .... خلونا نكون واقعيين وما نوهق البنت

اليوم اغلب الاسر تتمنى ان تكتفي فقط بالاساسيات ... مو عاد يعلموا اطفالهم الرسم ...

اختي خلينا نفرق بين الاساسيات والكماليات .... وهذا أمر مهم لمشروعك

فكري فيه بطريقة اخرى ...

هل مجتمع جيزان لديه القدرة الماليه التي يغطي فيها اساسياته وبعدها ينظر للكماليات ؟؟

ماذا سيستفيد الاب او الام من تعليم الطفل الرسم ؟؟؟ هذا هو السؤال الذي يحدد نجاح مشروعك من عدمه

لا تقولي مواهب مدفونه ... المواهب اللي راح تكلف صاحبها مبالغ تـزيـد من فـقـره لن ينظر لهـــا ... ولن يفكر بها ابــدا ...

الناس تصيح رواتبهم ما تكفيهم لاخر الشهر نقوم احنا نسوي معهد تعليم رسم للاطفال وانجليزي ؟؟؟؟؟

لا تقارني مشروعك بمشروع حضانه ... لان الحضانه قــد يلجأ لها الاب والام غصبا عنهم نظرا لظروفهم الوظيفيه .. هنا اصبحت الحضانه شي اساسي وليس كمالي ...

هذا رأيي والرأي لك اولا واخيرا ....

شكرآ لمروركم الاكثر من رائع وآرائكم تدل على اهتمامكم بالجيل النأشئ وقصدي من المشروع للاطفال لأن الاطفال الاكثر ذكاءآ ونشاطآ في هاذي المرحله والدافع الاكبر اني حصلت وظيفه وانقبلت مقدمآ بس سويت عندهم اختبار انجلش ولم اتوفق رد ياتسويقار ليش لأني لم ادرس الانجليزي الا في المتوسط وسنه وحده جونا 4 مدرسات اين التركيز وفهم اللغه اللي صارت الدرجه الثانيه بعد العربيه في الوظائف مانبغى المعاناه لاطفالنا وهم الآن بمقدورهم التعلم وانا معاك ماراح ينجح المشروع سنه بس مع التطور الملوحظ للي راح يتعلمون عندي راح يجعل الباقي يترغبون في التعلم وعلى فكره بنات اخواتي بيموتون ويتعلمون لغه وبعدين ماراح اخسر شي كثير لاني راح اعرض الفكره على روضه حكوميه راح استأجرها منهم راح اشتري بس ادوات الرسم وتعلم الانجليزي راح اصممه على الكمبيوتر مع الصور وامثله وجمل لكل حرف والله الموفق

تدري وين مشكلتنا اختي لمسة انثى ؟؟؟

مشكلتنا دوما اننا نرى الجانب المضيئ من التجارة .. ولا نضع في الحسبان اي خسارة اطلاقـــا

لا نرى ولا نضع معوقات المشروع .. احنا دوما نحسبها بالورقة والقلم كم بيدخل علي المشروع

لكن هل حسبنا بالورقة والقلم كم راح يخسرني ؟؟؟ ايش المعوقات ؟؟؟

اختي الله يعافيك ....

ليس معنى انك ما انقبلتي بالوظيفة بسبب الانجليزي معناته ان هناك نقص بالطرف الاخر

اليوم الانجليزي صاروا يدرسونه بالابتدائي ...

وسواء انتي علمتي الانجليزي او المدارس ففي كلا الحالتين مافي شخص راح يطلع بيرفكت بالانجليزي الا شخص عاش معاهم وتعلم من اهل اللغة ...

ركزي اختي ...

انتي بدأتي موضوعك انها مواهب مدفونه كالرسم .. والان ركزتي على الانجليزية لانك ما انقبلتي بالوظيفة ...

من اهم شروط نجاح اي مشروع هو نوعية العملاء الموجه لهم المشروع وعـددهــم وامكانياتهم الماديــه !!!

انا مابغى احطمك واقلل من همتك وعزيمتك ....

لكن بنفس الوقت مابغى اصفق لك واقولك براااافووو مشروع ناجح وبالاخير تخسري وتقولي الله لا يوفق من وهقني

رحم الله من اهدى الي عيوبي ... نلحق عليك قبل تتوهقي بالمشروع افضل من انك تدخلي المشروع وتخسري

خليني اقولك ع قصه ..

قبل فترة كنت اتصفح مواقع النت ... و حصلت واحد عارض طيارة للبيع ... جد ما امزح بكلامي .. فعلا كان عارض الطيارة للبيع وبقيمة 30 مليون دينار كويتي ...

بغض النظر عن صحة العرض او لا ... ولو افترضنا انه صادق لكن مكان عرضه للطيارة خطأ ..

عارضها بموقع اكثر واحد عنده 100 ألف ريال ....

والاخ جالس كل يوم والثاني يرفع بموضوعه ... ياخي مين بيشتري طيارتك واحسن واحد عنده 100 ألف ؟؟

اللي ابغى اوصله لك ....

ان المكان خطـــــــأ .... ونوعية الزبون اللي عرض عليهم الطيارة كمان خطــــأ ...

قبل افكر بالمشروع لازم افكر بالزبون للمشروع ... وكم عدد هالزباين يعني مو معقول اسوي مشروع يكلفني مبلغ واخرتها على عدد 10 عملاء فقط ...

مازلت اقول ان جيزان غير مؤهله لمثل هالمشروع ماديــا وثقافيــــا .... مافي احد يجيب طفله يتعلم رسم ... اطلاقـــا

لو قلتي جــــده / الرياض ... ممكن امشي معاك واقول فيه مجال للنجاح ... لكن جيزان وتعليم رسم ؟؟؟

مو تقليل بأهل جيزان لا والله لكن فعلا الامكانيات هناك لا تسمح بتعليم الاطفال الرسم والانجليزي ....

تدري ؟؟؟

لو فكرتي بشكل افضل راح تلاقي بجيزان شي مو موجود بأي مكان بالسعودية ... ومو مطلوب منك الا احد من اهلك الرجال يقوم بالموضوع فترة لانه موسمي ...

وراح تكسبي افضل من معهد الرسم ...

وفقك الله