السلام عليكم حبيت اتأكد من خبر سمعته ان المسجلين بالضمان مايستلمون من حافز غير 1200 بحجة انهم يستلمون من الضمان فياليت اللي عنده علم يفيدنا ومن مسجل بالضمان ونزله حافز يالييييت يبلغنا كم نزله ربي ييسر امركم

[align=center]وعليكم السلام ورحمة الله وبركاته
انا نزل 1995 نقصوا ارباح اسهم انا يمشي لي ضمان
بس انه باسم امي وعادي حتى لو الضمان باسمك تنزل
كامله[/align]

وعليكم السلام
والله نزلت 2000 كامله لا نقصوا شي ولا هم يحزنون
واستلم من الضمان 800 وسلامتك

وعليكم السلام انتي سجلي والله يوفقك
الضمان من الاساس ماله دخل بالموضوع الضمان زكاة من بيت مال الزكاة وش دخل حافز فيه بس هالبطانة الفاسده تبي تلهف الفلوس ومتحججه باهل الضمان ولا بالعقل وين تروح الفلوس اللي يخصموها من كل للي بالضمان والتاهيل واللي لهم دخل ثابت في بطونهم ومسوين انفسهم خايفين على اموال الدوله الله حسيبهم نشكيهم لرب العالمين
المهم ياحلوين لااحد يكتب انا من الضمان واستلمت كامل ومثل كذا لان الرازق بالسماء والحاسد بالارض ياكثر الحسودين اللي مقهورين من اهل الضمان وكيف لهم ومن هالكلام ياسلام انت وانتي تاخذين من الدولة عادي واهل الضمان حرام عليهم ياخذون وش دخل الضمان الكل يستلم مو واقف عليهم وعلى بالهم اللي مشمولين مع الوالد بالضمان يخذون فلوس كل شهر والله ان ريحة الريال مايشمونه غير كذا مصروف مافيه ضمان بالاسم مالهم شيئ
وغير كذا شفت رد من وحده تقول انها اتصلت على الضمان تقول لهم ليه ينزل لاهل حافز اللي عندهم ضمان كامل قال لها من الشهر الجاي يبدا الخصم قسم بالله ناس حسوده لو بيدهم قطعوا النعمة عنا وخلوا كل شيئ لهم
الفضل لله سبحانة وتعالى اولا واخيرا الحمدلله على كل حال الله الرازق سبحانة وتعالى ويرزق من يشآء بغير حساب يعني لاتتسببون بقطع نعمة عن احد تجيكم العقوبة بالدنيا قبل الآخره غير الدعاوي من الناس
مدام منطبقه عليه كل شروط حافز الله يهنيه بالفلوس من الدولة مو منكم ياعالم افهموا بلاش حسد وغيره ترى موذنب اهل الضمان ولا هم اللي حطوا الشروط كل يوم يطلع احد يتطفل على مستفيدي الضمان لو هم من الضمان كان مارضوا ؟! الله حسيبهم

الله يجزاكم خيرا ويجعله من موازين حسناتكم شكراااااااجزيلا

اختي الاهم تحطين بالدخل الثابت اصفااااااااااااااااااااااااااااااااااااااااااار هاااااا لجل تنزلك كامله