تكفون ابي رايكم

أمير الكلمة · #1 (**permalink**) 02-01-2012, 11:23 AM

أنا توني متخرج من الجامعة وحاصل على الهندسة رحت لوزارة الخدمة المدنية وقالولي على المرتبة السابعة الدرجة الثالثة وأنا مقبول نهائي في الابتعاث لامريكا و صراحة انا في حيرة من امري اطلب منكم المساعدة

بس الحقيقة أعرف لي واحد راح واخذ ماجستير ورجع والان هو يدور وظيفة

يقولي رحت للشركات قالولي عندك خبرة ويفضلون البكالوريوس على الماستر

وراح للجامعات وردو عليه ان حنا مبتعثين معيدين من عندنا وبيرجعون

وبالنسبة للخدمة بيعطونه الثامنة يعني مافرقت

وش رايكم ؟؟؟

عقرب سآم · #2 (**permalink**) 02-01-2012, 11:34 AM

امير انا والله مستعجل
بس بكتب لك بالمختصر المفيد
الهندسة إذا كانت كهرباء او مكنيكا او إلكترونيات تفضل الشركات البكلريوس
عن الماستر ..

عكس الهندسه المعماريه وهندسة الحاسب ., عادي دكتوراه او ماستر تمشى الحال ., وكل ما زاد في الشهادة
زاد في درجة ومرتبه الوظيفه

انت شوف متطلبات سوق العمل .,
وعليها قيس وضعك .. وش طموحاتك ..
وين انت تشوفها ..؟
تبغ شركات ..؟ او مناصب وحكومة .,,؟
شركات كفايه الهندسة .. وتخب عليهم بعد لنهم بيكرفوك يبغوا منك خبره وشهاده بس .
او شهادة وهم يدربونك .,
سابك اوارامكوا ما رح توظفك بالماستر .. او الدكتوراه إلا نادر .. ويبغ لك واسطه قووويه

اما
مناصب وظائف حكوميه .. آدرس وتعلم .. بعد ماترجع تحصل في الحكومة وظيفه..إما تعليمي او قطاع وزاري ..إلخ

الله يوفقك .,
معلش كتبت الرد وانا مستعجل ......
إذا رجعت شرحت لك اكثر

أمير الكلمة · #3 (**permalink**) 03-01-2012, 01:00 AM

لو سمحتم ابيكم تشاركوني في حل مشكلتي

مصدومه بالزمن · #4 (**permalink**) 03-01-2012, 03:05 AM

اللي فهمتو من موضوعك محتار بين الوظيفه والإبتعاث وصراحه كلها حلوه

محد يقدر يحدد لك ويقول إختار كذا وكذا ومحد يعرف قدراتك وإمكانيتك

يعني إنتا أدرى باللي يناسبك أكثر منا,والقرار فـ الأول والأخير بيدك

بس أنصحك باللي يساعدك فـ حيرتك الإستخاره صليها

وربي رح يرزقك التوفيق وإن شاء الله تتسهل أمورك

ويكون النجاح حليفك دائماً وأبداً

هذا كل مالدي أتمنى أكون أفدتك..

و

يجي اللي يفيدك أكثر مني..Up