السلام عليكم ورحمة الله وبركاته

شخباركم عساكم بخير

حبيت ابارك لكل المقبولين بالدفاع الجوي وعسى ربي يوفقكم يارب ويسهل عليكم دربكم ويجعل في كل

خطوه تخطيها حسنات يارب العالمين

انا بقولك لكم سالفتي كلها بالي صار وياي اليوم سواء بالديوان مراجعتي للبرقيه او الامن العام

وهاذي سالفتي بالديوان :

مشيت للديوان بعد صلاه الفجر مباشره حصلت عسكر واجد وباصات عند الديوان ممنوع دخول السيارات

جلست لين الساعه 8 ونص انتظر يفتحو البوابه قالو الامير مايقدر يقابلكم اليوم بسبب عنده جلسه وزاريه

وفضو الشارع على الساعه 9 وجاء الامير نايف على الساعه 10 ودخل جوه وزحمه العالم المهم بعد ما

طلعونا من الديوان رحت للامن العام دخلت على العسكري اللي في البوابه قالي عطني بطاقه الاحوال

عطيتوه وقالي ايش تبي قلتله ابي اقابل الفريق قالي الله اكبر مره وحده هههههه قالي طيب رح البس

شماغ وتعال ورحت للبيت ولبست ورجعت لهم المهم دخلوني جوه ودخلت وعطيت بطاقتي للي جوه

قالي ايش تبي امر قلتله ابي الفريق ضروري قالي للاسف ماهو موجود راح للديوان عنده جلسه وزرايه

قلتله طيب نائبوه قالي ماهو موجود قلتله طيب الملازم قالي للاسف ماهو موجود قلتله طيب متى يجو

قالي بكره يجو ليش ايش تبي بالضبط قلتله ابي يعفيني عن الطول واكلموه قالي كم طالبين الطول

قلتله 168 قالي وانت صغير مستحيل يقبلوك ياقلبي قلتلوه العبره ماهو بالقصر العبره بالحمايه وكان فيه

عسكر اثنين جو قالو ايش عندوه وقالهم وقعدو يضحكو علي مشان اني ابي ادخل على الفريق قالو

رح لبيتكم بس احنا ماقدرنا ندخل عليه تجي انت تبي تدخل عليه هذا فريق ماهو اي احد قلتله بعرف

لكن حاجتي عندوه وانا بحاجتوه قالو يحلمون انو تدخل عليه قلتله طيب متى يجي قالي بكره على

الساعه 9 قلتله اوك حلو وقت مناسب وطلعت وهم يضحكو يقولو نعنبو هالصغيرون

يستهينون فيني لكن راح نشوف مين يضحك بالاخير المهم طلعت واخذ بطاقتي اللي بالبوابه قالي اسمع

حبيبي انت ايش تبي بالفريق قالي مستحيل يدخلك الا الامير ثم قالي انا بقولك حاجتين وحطها في

بالك انك تجيب خطاب من الامير نايف بالموافقه على اعفائك من الطول وتدخل سلام سلام ولا انك

تنسى انك تدخل في اي قطاع عسكريه قلتله طيب ابي اقابل الفريق قالي انت صاحي ولا مجنون هذا

الفريق ماهو لعبه احنا نرتاع لما نسمع اسم فريق تجي انت منت خايف قلتله انا مانيب خايف الا من

اللي خلقني انا حاجتي عندوه ولازم اطلع بشى قالي انت باين عليك طيب وحنون حيل وانت شكلك جاد

تتكلم جد ولا تستهبل قلتله وربي هذا جدي وانا ماجيت اطالب بالفريق الا لاني ولد عندي حاجه ومحتاج

اطلع بشى قالي خلاص حبيبي بكره تعال وبندخلك عليه طوالي واذا تبي الملازم دخلناك راس براس

وبالتوفيق قلتله اوك ان شاء الله وطلعت من عندوه

.................................................. ......................................
وهاي سالفتي كلها من الديوان الى الامن العام

بس ابي رقم التويجري اللي بالديوان على فكره الديوان مرسلين لي انو اراجعهم لكن حصلت جلسه

وزاريه وان شاء الله بروح لهم .

لكن تكفون مابي ناس تجي تحطمني واتقول انا وانا يا انوه يعطيني وجهه نظره ومانبي كلام جارح ولا

كلام يحبط لاني مو عارف ايش اسوي بكره

وسلامتكم