[align=center]
بعد أذنك السبيعية بس انا ماعندي خلفية عن انواع الخرفان حري و نجدي ونعيمي اي نوع الافضل وكم سعره في السوق تقريبا أحد يعلمني
[/align]

أشكر للجميع مرورهم الكريم الذي أثرى موضوعي وسيتم الرد على جميع الاستفسارات بكل شفافية ووضوح
ولكن بعد أسبوع من الآن لأني لن أتمكن من التواصل معكم عبر المنتدى لضروف خاصة...

مشكوره يابنت الغلبا علي الموضوع
قريت موضوعك وتذكرت اني المكان متوفر وكانه جازتلي الفكره
رحت للنعيريه والرياض ورماح وماحولها هذا اقرب ماعندنا حصلت
اسعار الحلال طايره بالعجه نصحني واحد من العيال بالتيوس
يقولي ان وفقك الله فيها فيها خير كثير
بس للاسف ماحصلت شي
بس شايب نصحني قبل فتره قالي كانك تبغا الصيدات الطيبه
امسك قروشك لغايه الصيف تلقا الرياجيل هي تدورك علشان تشتري منهم
وسلامتكم جميع
واللي عنده شي لايذخر علي اخوه

اخوي انا جربت ولكن هناك مشكلة والأن تعتبر اكبر مشكلة في الأقتصاد السعودي وهي الشعير يعني لاتتوهق الى اذا وفرت كمية من الشعير وخلطة مع بعض أنواع الأعلاف لتوفير الشعير ولكن بحذر لأن في بعض الأحيان كثرة هذا او ذاك تؤدي الى مرض او الموت لاسمح الله ..

لكن نصيحة من أخوك الصغير الغنم والأبل عموما فيها ربح كبير يصل لخمسين الف ريال سنوي لكن اذا كان هناك شعير واعلاف وبيطري متخصص خصوصا اذا كان اكثر من خمسين راس

الأسعار الأن لاأعلم ولكن قبل سنه ونصف اشتريت دنه كامله وطبعا في حدود 80 رأس مابين طيب وعادي وشي تعبان يعني انت وحضك والعمر على 3 و4 شهور اشتريته على 50 الف ريال الرأس بحدود 600 وشوي طبعا قبل عيد الأضحى بشهور وماتت منها حوالي 16 رأس بسبب قل الخبرة والحمدالله كلها بعتها بدون ما أدخل السوق كان البيع بحدود نصفها 1600 والأخر مابين 1300 و 1400 و1200 حتى الألف ريال ..
علما إن الشعير كان متوفر وتقدر تجيبه من الصوامع في الواسطة ولكن الحين صعب والأرض متوفرة للوالد الله يرحمه والعمال ايضا متوفرين ولكن قليلي الخبره


الشي الأخر حاول لاتشتري من السوق او اذا جيت تشتري اشتر دنه كامله يعني حاول تبحث احد عنده بدون مايدخل السوق ..
وأسف على الأطالة

أشكر للأخ شاب الأعمال الذي ذكرني لأنبه الجميع أن أخطر مشكلة تتسبب في مرض المواشي هي الدخايل عليها
فلا بد من وضع هذه النقطة في عين الإعتبار...

ذكر لي واحد في المدينة يبي يبع كل حلاله ورحت وشفتها واتفقنا ..
اذكر قبل مدة فيه واحد في موقع يبي يبيع 50 راس نعيمي رخال وخرفان وصلن 900 للرأس الواحد لكن مشكلة الشعير حالت بيني وبينها
شف النت يمكن تلقى شي مع أن في النت قليل تلقى الجاد ..
اما السوق اللي يدخله ماراح يبيع بسعر رخيص بسبب كثرة الطلب او اللي يبي يشرون

إلى جميع الإخوة الأفاضل أنا احتكرت التجارو عل تربية الضأن لماذا؟أولا البعض يقول بأنها مكلفة نعم لا أقول ليست مكلفة ولكنها مربحة وسأعلل الحكمة من اختياري تربية الضأن فإليكم هذا المثال البسيط( لو ولد ماعز وطلي بنفس اليوم وصبرنا على كلاهما لمدة أربعة أشهر على الأقل سيباع الطلي الذي أصبح خروف بحوالي 1000أو1200بينما الماعز يحتاج سنة وأكثر حتى يباع بنصف قيمة الطلي هذا . وأيضاً لاحضت أن الجميع تجاهل المنافع الأخرى من تربية الأغنام مثل انتاج السمن الذي لو يباع في علبة ماء الصحة الصغيرة لبيع ب500 ريال وكذلك لا ننسى انتاج الألبان ولا نتجاهل الإستفادة من الجلد ففي أحد المصالخ أعرف بأنهم يتفقون مع مصانع للدباغة فيباع الجلد بريال وعليكم الحسبة.

في السنة الماضية اشترى أحد الأقارب 25راس من الضأن قيمة الراس الواحد 700 ريال وفوق هذا كله توها انفطمت يقول راح أتعب عليها واصبر لمدة 3أشهر يعني حتى قرب حلول الصيف فأكيد لن تقل قيمتها ذلك الحين عن 1000 أو 1500.والله فكرة مربحة ولا تهموا الأكل في هذه الأوقات لأن الحب وغيره متوفر وراح ترد الضان القيمة بسرعة.