وين وحوش الرياض اللي خلصو الفحص الطبي ابي شرح مفصل موعدي الثلاثاء القادم
والله يوفق الجميع وفالنا القبول النهائي يااااارب

السلام عليكم

امس كان موعدي الإربعاء كشف طبي لامن المنشات بقوى الامن بالرياض وهو ثالث يوم

اول يوم كان طول ووزن واشعة صدر وبطن وظهر

ثاني يوم كان تحليل الله يعزكم بول ودم

ثالث يوم وهو العيادات


طبعا دخلت الساعه 8 الا عشر تقريبا ومسكت سرى ثم جاء دوري وطلعت بطاقة الاحوال والاستمارة عطيتها اللي يدقق

ثم دخلني الى عند العيادات ثم انتظرت ثم جاء دوري ودخلت عند دكتور الانف والاذن والحنجرة ثم رجعت لمكاني وانتظرت

ثم قبل ماجاء دوري قال لي اللي يدقق بالاستمارة والبطاقة نزل فنيلتك طبعا كل واحد لازم ينزلها ثم دخلت عند الجراحه

ثم قال لي نزل السروال ثم كشف على الرجال (هههه) ثم قال خلاص على طول ماخذت 5 ثواني ثم لبست الفنيلة ثم

رجعت مكاني ثم انتظرت ثم دخلت عند حق الاسنان وقال لي تبسم وتبسمت وقال خلاص ثم رجعت لمكاني ثم انتظرت

ثم دخلت عند العيون وجيت عنده واختبرني عمى الالوان وهي ارقام ملونة والخلفية ملونة تحصلون موضوع مثبت عن

اختبار عمى الالوان المهم بعدها اختبرت نظر والحمدلله سليم ثم رجعت مكاني ثم انتظرت ثم قال لي نزل الفنيلة عشان

ادخل عند الباطنية ثم دخلت وحط السماعه على بطني قال خلك مرتاح ثم قال لي تعاني من أمراض مزمنه قلت لا

الحمدلله ثم لبست الفنيلة ثم رجعت مكاني ثم انتظرت ثم جاء المسؤول قال يالله روحو ثم رحت وكانت الساعه تقريبا 10

ونص تقريبا

طبعا باقي تحليل السموم يوم السبت ثم انتهي من الكشف الطبي

والله يوفقني وياكم بالقبول النهائي

الله يهديككك ي .. الرآقي
هذا أللي ، اقدر اقولهه : )

.. صبحححكم الله ب الخير


ي شبإاب معقولة ، اللي سوى فحص ب - القصيم
ينعدون ب الإصابع !!
وفوق هذا كله : محد خبرنا بشيء !!
والرزق ع الله قبل كل حاجه ..
بس نبي الافاده و التوضيح !
بخصوص أشياء إلى هالحين م : عرفتهاا !