مساء الخير يا وحوش

ومبروك الي عدو الكشف الطبي وعقبال الي ينتضرون للحين

بالنسبه لللموعد حق الرسائل حقت المقابله والدوره

بغيت اوضح لكم شي واحد تراكم للحين مطوولين

لانه باقي مواعيد واخر موعد للحين ب 10 - 5 حقين الكشف الطبي الي اعرفه انا لانه موعدي اكيد في ناس بعدي ..؟


وبالنسبه للرسائل حقت المقابله الشخصيه راح تكون بشهر 6 الى نص الشهر هذا اقل تقدير

وراح تكون المقابله مع ضباط وفيها اسئله عن الوزراء وعن سفرياتك للخارج وعن الدين ومعلومات ثانيه لاكن مهي مهمه المهم انك تكون واثق بنفسك وتتكلم بصوت واضح وعدم الضحك يعني تكون ثقل وتجاوب بكل رجوله

بنفس المقابله بعد ما تخلص يسلمونكم الدفتر الاخضر و البصمات

وتمسك الباب

تروح تعبون هذي الاوراق بعدها بشهر تقريبا تجيكم الرسائل لتسليم الدفاتر والبصمات وطبعا كل واحد يعبي دفتره من مكان اصدار البطاقه حقته او مكان الحفظ الي مكتوب في بطاقة تحت بعد ماتسلمون الاوراق هذي تنتضرون تقريبا من 20 يوم الى شهر تجيكم رساله القبول النهائي تسلم فيها شهاداتك الاصل ودفتر العائله الاصل الي فيه اسم الوالده

ويعطونكم طلبات الدوره

بعدها تجيكم رسائل مكان الدوره وموعدها

وانا اتوقع ان الدوره ب15- 8 الى 20-8 هذا اقل تقدير مستحيل تكون واذا تبي تكون اقرب بشهر 7 اقل تقدير

مستحيل تكون ب6 هذا كلام توقعات فقط اذا كان تقدير السنه هذي نفس السنه الي فاتت

واسف على الاطاله

اخوكم ابو تركي العنزي

^^^^^^^^^
مشكووور خيووو بو تركي

وموووفق خييييييير ان شاء الله

السلام عليكم ورحمة الله وبركاته

اول شئ حاب ابارك للي عدو الكشف الطبي

ثاني شئ اسأل الله العلي العظيم انه يسهل امر اخواننا اللي الى الان ما انهوا الكشف الطبي

ثالث شئ اللي يسئل عن المقابله الشخصيه فهذا رد احد الاخوان في التقديم اللي فات نسخته من الموضوع ومحتفظ فيه عندي في مستند نصي

[frame="1 98"]تدخل طال عمرك غرفة فيها تقريباً سبعة ضباط

مابين عميد أوعقيد ومقدم ونقبا وملازمين

كل واحد عنده مهمة

اللبس والمظهر الخارجي له تقييم

الصوت الواضح المسموع له تقييم

عدم الارتباك والتردد له تقييم

مخزونك الثقافي والمعلوماتي له تقييم

تعاملك مع الاسئلة بدون نرفزة له تقييم

هذه ابرز النقاط اللي يركزون عليها وغيرها


بالنسبة للأسئلة بعضها منرفز وبعضها متعمق وبعضها سطحي

وبعضها محرج وبعضها ماتدري وش يبي


أغلب الأسئلة عرّف بنفسك وأسئلة في الدين وأسئلة عن المملكة

بعض الاسئلة محرجة ومنرفزة مثل : هذا وجه عسكرية جاي فرحان فيه

وسؤال يقولك انت تسبحت ( تروشت ) قبل تجينا

وسؤال يقولك وش اسم امك

وسؤال يقولك سمعنا نشيد تحفظه بصوت عالي أو يسألك عن النشيد الوطني

سؤال يجيك يقول أشك انك تصوم رمضان

سؤال يقولك ماشاء الله جاي وعليك جنابة


بعض الأسئلة في الدين

يعني مثلا أركان الاسلام وأركان الايمان

كم مرة حج الرسول

سمع آية الكرسي أو أي سورة من السور الصغار

من هي مرضعة الرسول

كم سورة بالقران

ماهي السنن الرواتب

أو يسألك عن صحابي أو تابعي

أو يقولك ماهي المذاهب الأربعة

أو يسألك عن الخلفاء الراشدين


أسئلة عن المملكة وعن السياسة بصفة عامة

مثل متى توحدت المملكة

من هو أول ملك للسعودية

كم عدد الملوك اللي حكموا السعودية أو يقول أذكرهم بالترتيب

متى تولى الملك سعود أو فهد أو خالد الحكم

سؤال عن حدود المملكة

سؤال عن عواصم وبلدان

سؤال عن امرا المناطق

سؤال من هو قائد القوات الجوية

سؤال القوات الجوية تتبع أي وزارة

الامير فلان يشغل اي منصب

وغيرها من الاسئلة مثل ما ذكرت

ليه اخترت العسكرية وليه اخترت القوات الجوية بالذات

وليه اخترت أمن وحماية ما اخترت طباخ



خذها قاعدة

الشخص اللي يبين انه جريء وواثق من نفسه وصوته واضح مسموع ما يتلعثم

ما يتردد ويبين انه فاهم ومو شرط يجاوب صح << هذا ما يقعد عندهم ثواني

والله اعرف ناس بمجرد انه دخل عليهم وقال السلام عليكم ردوا وعليكم السلام انتظر النتائج


اما اللي يتردد ويتلكع عندهم ويسوي هبالات لا والله بياكلهاعلى راسه

وبيقعد يطقطقون عليه ويطلعون ريحته


نقطة أخيرة

تقولهم انا رياضي والعب كورة يسألونك بالرياضة

تقولهم أحفظ شعر يسألونك بالأدب والقوافي والاوزان

تقول درست برا السعودية يسألونك عن البلد اللي درست فيها

تبي تفك عمرك لا تبين لهم شي عشان تفتك

خل الاسئلة تجي منهم وجاوب على قد السؤال ولا تسوي فهيم

كذا تفك عمرك لكن تسوي فيلسوف تراهم فاضين ماوراهم الا انت[/frame]

بقايا عسكري الله يرحم امك ويجعلك من المقبولين انت كشفت في المدينة صح طيب سويتوا اشعة ضهر وصدر امنة رد عليا لاني انا عندي مشكلة في ظهري وكيف الكشف كلهة سهالات ابغى اعرف هل يسوون لكم اشعة ولالا

بسم الله الرحمن الرحيم
ياليت الشباب اللي كشفوا بس هم اللي يجاوبوني
من غير قصور ..لاكن وسوستوبي كل واحد له
فتوى من راسه تكفون ياشباب اللي كشفوا
بمكة جاوبوني*متشددين؟ولالا؟وعلى أيش مشددين
والنظر كيف؟ الله يبارك للي يرد ويجعله من

المقبولين القبول النهائي






[ALIGN=CENTER][TABLE1="width:95%;"][CELL="filter:;"][ALIGN=center]أنتظر الردود[/ALIGN][/CELL][/TABLE1][/ALIGN]

السلام عليكم ورحمة الله وبركاته

كيف حالكم ياشباب بإذن الله كلكم تمااااام
الحمد الله اليوم خلصت الكشف الطبي وكلها سليم
ومافيه لاتدقيق ولا تعقيد بس دكتور النظر لك شوي عليه مع انه ينتظر الاجابه
بس يمتحن اهلك بسرعه انا ماعندي وقت ياباشا الحمدالله زليت من عنده بسهوله
طبعاً ابو مخلد طلب مني اشوف له الطول والوزن متشددين ولا لا طبعا الطول عليه ممرض
اسمه عبدالله رهيب جداً محترم واخلاق ومبتسم انا قالي كم طولك قلت له 170 حط لي 170
ومايدقق ابد بالعكس ممتاز جداً بتعامله مع المتقدمين وفي الاخير اشكر الله واحمده اني زليت الكشف الطبي وبأنتظار المقابلة الشخصية بالتوفيق للجميع