أخذت قرض وابتلشت فيه ابي من يساعدني

ساره العنزي · #1 (**permalink**) 03-01-2012, 03:45 AM

السلام عليكم ورحمة الله وبركاته ,,,
الله يسعد الي يدلني على حل مشكلتي ,,,,,

أخذت قرض الأسره من بنك التسليف وانا مطلقة وعندي بنت
ولما أخذت القرض كنت موظفه في مدرسة اهليه خدمتي فيها سنتين الموووهم تهاوشت معي المديرة وكان الحق معي واضطريت مااسكت عن حقي المسلوب والحقيره فصلتني على طوول ,,

الحين ابتلشت فيه ماعندي راتب والضمان ياادوب يكفيني ويكفي بنتي ,,

أبي أقدم على إعفاء من الملك ومعي الاوراق الي تثبت فصلي كيف اوصلهم ؟؟في ناس قالو قدمي ع الامير سلمان بس ماعرفت

تكفووون الي يعرف لايبخل علي ,,,

فتى الاحسا · #2 (**permalink**) 03-01-2012, 04:06 AM

بسم الله الرحمن الرحيم
السلام عليكم ورحمة الله وبركاته
اولا شي وسعي صدرك ليت كل المشاكل فلوس كان انحلت
فية على ماضن جدمة البرقية لديوان الملكي ارسليلك وبرقية وضحي كل شي فيها عن طريق البريد السعودي لديوان وانشاء الله يساعدوك

at7da · #3 (**permalink**) 03-01-2012, 04:08 AM

مو على كيفها تفصلك يا اختي في شئ اسمه مكتب العمل

روحي وفي قسم للمشاكل الفصل والله لتوديها ورى الشمس مالها حق

مشكلتنا مانعرف لبعض الانظمه يا اختي لاتسكتي روحي وقدمي فيها

الله لايرزقها قاطعت الارزاق

ساره العنزي · #4 (**permalink**) 03-01-2012, 04:16 AM

اخوي اتحاد شكيتها ولا خليت لهم مجال بس مديرتي هي والوكيلة فلسطيبنه بدووون ذمه والله انهم زورو توقيعي انو علي مخالفات كثير بالزي
لا والمديرة واصله وزوجها محامي شكلها قبل تحضر لوزارة العمل مكلمتهم لقيت الي في قسم القضايا سايحه معها

ولما قدمت الشكوى قالت مايحق لها تفصلك مهما كان السبب المفروض اشعرتك في نهاية السنه انه سوف يتم الاستغناء عنك في العام القادم ,,, هذا كلامها نصا

وهذا الكلام للجميع لاتوقعووون على شي مو مقتنعين فيه ولا تخلون اسطر فراغ قبل التوقيع

لانها خلتني اوقع على مخالفه كلام مع صاحباتي واخر كلامها كتبت والله ولي التوفيق وبعدين 5 اسطر فاضيه
وبعدين اسمي وتوقيعي واسمها وتوقيعها
والله انها في السطور الخمسه لفقت فني التهم وهو اني غير متقيده بالزي الرسمي وشكيت ولا في فايده حتى وزارة العمل مريضه
اجل مواطن مايعرف الحق الي له والي عليه مافيه غير السعودي ,,,,

ابحث عن الحقيقه · #5 (**permalink**) 03-01-2012, 04:42 AM

السلام عليكم ورحمة الله وبركاته
طيب اختي ليه ماتقدمين علي وظيفه
وكم المتبقي من القرض وكم قسطه

ساره العنزي · #6 (**permalink**) 03-01-2012, 04:53 AM

على بالكم انا متكيه بالبيت والله دورت لقيت في السويدي بعييد حيل وراتب السواق اكثر من الراتب
مع انو وحده مثلي المفروض ماتجلس بالبيت شهاده وخبرات ودورات بس يلا حسبي الله عليها العجوز الغبرا
اخذت القرض 45 الف استلمت القرض في شهر 7 ومعروف انو شهرين ماسدد البنك وتم فصلي في شهر 10