الكلية التقنية ببريدة
محاسبة 3.85

السلام عليكم ورحمة الله وبركاته

ياشباب هل احد جاه رد بعد ما انهى الفحص الطبي؟؟؟؟؟

ياشباب ترى ماوقفت على ارامكو ..!
والله الشركات كثيره اللي بمستوى أرامكو ..؟!
عندكم شركة شيفرون إذا الله كاتب لك نصيب فيها .. لدرجة انهم يعطوك قرض وبدون فوائد بعد إكمال 5 سنوات من وظفيتك هالقرض يوصل 2 مليون ...!
وانا ما أقول هالكلام إلا متأكد منه ..!
ومستوآهآ أعلى من ارامكو .. وتقريباً لها مجال فالكويت وبالسعودية كذلك ..
وهي اللي أسست أرامكو شركة شيفرون العالمية .."
والشركات كثيره والله كنت ماعرف إلا ارامكو وسابك .. لكن استطلعت وشفت الكثير والكثير .. من سابك وسبكيم ولوبرف وساسرف و سامرف و ساتورب و بترورابغ و الصحراء للكيماويات و بترومين و ...الخ
اتوقع الموضوع اللي بتوقيعي بيفيدكم أكثر وأكثر وفيه أعلى الشركات كل رابط موضح معه أسم الشركة ..
اللي عليك فقط مسألة وقت ..! تفضي نفسك حق ساعتين كذا او اكثر وتقدم على هالشركات .. فقط قدم ..! وماتدري وين نصيبك فيه .. والارزاق على الله .. أنت اهم شيء اسعى (اسعى ياعبدي وانا اسعى معك) لاتقولون تقنيه ومالها فايده .. هي شهاده إلا قول على حسب الاحتياج .. وكثف نفسك بالدورات اليوميه والشهريه .. غير الانجليزي والحاسب .. والشركات مايخذون إلا اللي c.v تبعه ملييان دورات .. وبعدين لاتستهين بالشركات الصغيره .. استفد منها ولو بخبره .! لأن صاحب الخبره مُقدر عند الشركات الكبرى وتؤهلك لدخول الشركات العالميه ..
وأعتبروا اختباركم اللي اختبرتوه بأرامكو مجرد تجربة .. وتهيئة نفسك للي بعد ارامكو من قبولك - إن شا ءالله- يعني يمديك عرفت طبية الجو , وعرفت كيف تتصرف, وعرفت وش المطلوب منك .. ووش اللي استفدته من اختبارك لدى ارامكو ..
وليكون بعلمكم أنا قدمت على سابك تقريباً قبل العام وقبلوني العام .. وانا اصلاً مخلص التحضيري وتخصصت كيمياء .. ومع كذلك رحت اختبر . وادري ماراح يقبلوني .. ولا حتى ابي سابك .. بس كذا ابي اروح اشوف كيف طبيعتهم واغير جو بالشرقيه حق يومين هههه .. ووالله اني ناسي قدمت على ارامكو إلا بإشعاري برساله منهم بالحضور للإختبار .. انتم احسنو الضن بالله .. ووكلوا كل شيء على الله ... وإن شاء الله ربي يكتب لكم الرزق لكم ولذريتكم ان شا ءالله .."
وأي مساعدته فقط اللي عليك تكتب بموضوعي وانا متابعه كثير .. اللي بتوقيعي .."


..
مانتمنى منكم إلا الدعاء ... والله يوفقكم ويسدد خطاكم ..
تحياتي ..."

هلا اخوي خريج ثانوي وجزاك الله خير على هالكلام
لكن الكل كان مهتم بارامكو لانه الموسسة العامه عامل معاهم اتفاقية
باقي الشركات ماتهتم فينا ولا تطلبنا اصلا لاحظ انه اختبار ارامكو اللي فات فقط لخريجي التقنية
وطالب التقنية ماله اي خيارات اخرى لذ التوظيف عند ارامكو يعتبر حلم عنده او يرجع للقطاع الخاص والرواتب المتدنية او يرجع يعيد دراسته بجامعه من جديد لذا البعض انصدم كثير من الرفض والله يوفقنا

أنا الحمدلله انقبلت بارامكو وارسلو ولكن لأني الان اكمل بكالريوس بكليه ينبع ترددت
وكمان قالولي التدريب فالشرقية فرفضت الفرصه بعد مااستخرت ربي وان شاءالله بعد البكالريوس اتوظف
وعلى فكره ترا في كثير شركات فيها وظائف مثل كريستال كل ٦ شهور يكون في تقديم وكمان سمعت عن شركه توتال الفرنسيه
وربي يوفقكم ان شاءالله *

[align=center]
ياشباب خلونا من الكلام الجانبي

الحين فيه أحد جاه رد بعد ما أنهى الفحص الطبي؟؟؟؟؟؟
[/align]

اي كلام جانبي ياخوي اذ عملت الفحص الطبي خلاص قبلوك ليش خايف مالك الا تنتظر