السلام عليكم ورحمه الله وبركاته..

مساء الخير ياجماعه..

بدايه ..
انا طالب طب طوارئ لازلت اتعارك انا وهيئه التخصصات الصحيه وقصتي كالتالي:

قدر الله علي واختبرت اختبار الهيئه الاول والثاني وانا ماذاكرت <<حاط بباله التقييم ويوم جيت برفع
ملفي علشان الاختبار الثالث انا وصاحبي الله يوفقه وييسر امره قالو في قرارات جديده نازله اليوم
ونزل القرار الي بسبته دج اغلب الشباب انهم يلغون التقييم طبعاًَ كنت من المتظررين لعده اسباب :

1-اني من ظمن دفعه خريجه وماتتطبق علي القرارات الجديده
2-تم حرمااني من الاختبارات السابقه ظلماًَ وبهتاناًَ ,,طيب ياأخي الكريم الغ الأختبارات الي دخلتها لأنه ظاعت من عندي الحين فرصتين في ظل وجود قرارك الجديد الي مادري وش يبي.
3-القرارات الزامي تشمل الطلاب الذين على مقاعد الدراسهولنفترض تشمل الخريجين وهذا من حقهم اليس من الظلم تطبيقه على طلاب وطلاب لا؟؟ بالعاميه/ طلاب من دفعتي نجحو بالتقييم وانا ورب العزه والجلاله اني ماأحسدهم ولاأغبطهم وادعي لهم في ظهر الغيب ان الله يوفقهم لاكن انقهرت بسبب اني قاعد اختبر ومن دفعه خريجه وتم تطبيق القرار علي طيب ياخي من حقك لاكن من باب أولا تطبق القرار على جميع الطلاب او تعفيهم جمعيهم..

<<يدور الإعفاء ولاكن ماكل ما يتمناه المرء يدركه تجري الرياح بما لاتشتهي السفن.

المهم ياجماعه دخلت الاختبار الثالث بعد مذاكره وجد واجتهاد ومثابره كان النجاح 35 من 70 ولاكن درجتي فيه 33 يعني ناقصني درجتين وواحد من الشباب والله العظيم ناقصته درجه وحده عشان ينجح.

طيب سؤال موجه للهيئه.. الطالب الي ناقصه درجه او درجتين او ثلاث عن النجاح يعني انه طالب عنده معلومات كافيه طالب اقل شيئ فاهم مع ان اللغه انجليزيه وانتم تعرفون الطلاب السعوديين بالعربي يالله يالله ننجح كيف عاد بالانقليززي ولا فوقها مصطلحات لاتينيه!!

والمضحك ياأخوان والي اكتشفناه انا والاخوان في الاختبارات حقت الهيئه انهم يجيبون لك اول 30 او 40 سؤال ماتعرفهم وأسأله صعبه عشان تقول ياولد 40 او 30 سؤال ماحليتها اكيد الباقيات نفس الاسئله يعني بالعربي حرب نفسيه يبون يتعبونك فكريا ونفسيا ,, بعدين عاد تجيك الأسئله الي درستها بالمعهد والدروس الي كنت تاخذها سابقاًَ.

والصوره والله كان ودي انزلها لاكن ماعرفت طريقه تنزيل الصوره الي يعرف يقولي وانا بحاول انزلها

ودعواتكم يا أخواني على الظالميين حددت أختباري الاسابيع الجايه وان شاءالله أعدي منه وجزاكم الله خيررر
ادري اني طولت عليكم وصارت قصه وقرقتي واجد لاكن استحملونا شوي..

والسلام عليكم ورحمه الله وبركاته..