السلام عليكم ورحمة الله وبركاته
اختي كوين
اتوقع والعلم عند رب العالمين انك اذا جبتي شهود ان زوجك مايصرف على بناته وتاركهم
يعطونك صك اعانه لهم تقدمين على الضمان الاجتماعي انتي وهن ويجيكم راتبي شهري ويجيكم سلة الغذاء ويجيكم كسوة المدارس كل ترمين
ويجيكم المقطوعه السنويه واكيد اذا حصلتي على الاعانه ان شاء الله بتحصلين من يوفر لكم السكن المريح من اصحاب الخير
بس كل ماعليك انك تروحين للمحكمه وتاخذين صك اعانه لهن
وبالنسبة لاهلك اذا زي ماتقولين ارفعي عليهم شكوي واقطعي علاقتك بهم نهائي دام مافيهم خير لك
الخير مامن خير والشر عجلين به
وتحياتي لك

لا حول ولا قوة الا بالله
الله يفرج همك وكربتك اليوم قبل بكرة يارب
رجوعك لبيت اهلك وعلى كلامك والله صعب سكر وسحر وما تضمنين وش بيصير
أسأل الله انهم يقرون هالكلام اهل الخير و يساعدونك

ولا الله يعينك ويفرجها عليك اذا كنت صادقة باللي تقوليه
بس مدري قصتك ما دخلت مخي وكلامك فيه تناقض
تقولين ماعندك حتى الماء ماعندك ونت ولاب توب عندك
وتقولين الشبكة من الجيران اعتقد محد عنده نت الدي سي ال
الا عنده تشفير محد يقدر يتصفح من عنده الا برقم سري
وثاني شي تقولين حرمة ابوك متسلطه على ابوك لعن وشتم
وهذا نص كلامك
واخوي المريض قال الا بنسكن عنده تعبنا من سب وشتم ولعن زوجة ابوي لنا
حتى كفرات سيارتي فقعتها وترمي على سيارتي قراطيس الشاورما
المهم لا ارتحت عند ابوي ولا عند اخوي
مدري كيف عندك سيارة وماعندك اولاد غير انتي وبناتك
وش عندك سواق؟؟؟؟؟؟؟!!!!!!!
بعض الاعضاء قالوا لك ارجعي بيت ابوك كان ردك هذا
بالنسبه للي يقول ارجعي بيت ابوك
يرضيك يعني ارجع للمخدرات والسكير والدشير
2 مسجونين والباقين مطلوبين
وحاطين مقطع بالسطح وبلاوي بذاك البيت
طيب لو جتنا الشرطه ومسكتنا معهم ؟ وانا مالي ذنب ولا لي حول ولا قوه
اخر مره جت الشرطه لين الباب كانوا يبون يشيلونا معهم واحنا مظلومين
وزوجة ابوي راعية سحور وبلاوي دايم نلقى سحر في الباب او في الممخده
كيف يعني بيت ابوك وكر للسكر والبلاوي الله لا يبلانا من البداية
ما قلتي غير حرمة ابوك متسلطه وابوك ضعيف شخصية ؟؟؟؟!!!!!!
والاخوان الاعضاء تعطوف معك قدمو لك النصح والمساعدة
والاخت غروب الدمام الله يجزاه الف خير قالت لك تعالي اسكني
عندي قلتي اشوفها صعبة واللي قالك على الجمعية وحطيتي
اعذار كثيرة مرة ما يقبلون الا اللي بنفس الحي
ومرة رافضين يقبلوني ومرة ما يردون
وفيه احد الاعضاء قالك لك فيه ملحق استجريه
وسالتي وش هالمحلق كم غرفة والمطبخ كيف ؟؟؟؟!!!!
اللي تبي بس تستر نفسها من الطرد والنوم في الشارع ودها
لو غرفة تكفيها هي وبناتها حتى الله يفرجها عليها
وش تبي بالضبظ فلوس بس والحلوك اللي قالوا لك عليها الاعضاء
ما عجبتك يعني قصدك تحويل على حسابك ويس
ياريت الاخوه الاعضاء تتاكدون احسن ما تجرفهم العاطفة
وانا والله ما قصدي اشكك بالكلامها وعدم المساعدة
بس اشوفها كل ما فتح لها باب تسده من الجمعة والضمان
والخ .....
وسامحوني اخواني الكرام بس لازم الواحد يتاكد وبعدين
يحول لها الله يفرجها على الجميع

وردة الشمال
الله لا يحطك في نفس موقفي
ان شاء الله تعيشين حياتك كلها كريمه
ماتنذلين لاعند زوجة اب ولا عند اخ

كل اسئلتك واستفساراتك لو قريتي الموضوع من الاول كامل مع ردود الاعضاء بتلقين الاجوبه
لان اكثر من شخص سأل نفس اسئلتك

الله يحرمني بناتي اغلى ماعندي ااذا كنت اكذب او اتبلى على اهلي

السلام عليكم

فيه بعض الناس ماصدقوني واتهموني بالكذب
وانا والله تضايقت منهم
قبل ماتظلموني كان المفروض تتأكدون قبل ماتتهموني
وثالث مره اقول ربي يحرمني بناتي اذا كنت اكذب
وهذي بعض صور البيت
التقطتها من جوال بنتي اللي في الجامعه لانها هي الوحيده اللي معها جوال كاميرا
اشترته من مكافاتها ايام قرار الملك يوم المكافاءه دبل




هذي الصاله شوفوا كيف خاليه من اي قطعة اثاث بس بساط بالارض
ودفايه ورثتها من جدتي من 30 سنه
طلعت الدفايه معي 30 سنه يعني اوفى من اخواني
وربكم تتحملون العيشه كذا ؟ بتتحملون البرد يدخل بعظامكم
والله العظيم لا ليلي ليل ولا نهاري نهار انام ساعتين واصحى خايفه يطردني وانا مالقيت سكن


وهذي الصوره الثانيه لـ احدى الغرف


حتى والله العظيم ان بنتي حاطه ملابسها باكياس لان ماعندها دولاب






وش تبون بعد اثبات اكثر من كذا ؟

الي كل من يعاني مشاكل اسرية او من كان ابوها معذبها او لا يوامن لها عيشة كريمة او اخوها يضربها ضرب يمكن ان تموت بسبته او حابسها بسلاسل في البيت هاذي حياة ناس وما خلقت ان تجعلني مثل البهية تتحكم في انا خلقت لكي اعبد الله لا اعبد افكار قبلية او مرضية يا جماعة الله حفظ حقوق المسلم لاخوة المسلم تطبيق شرع الله وسنة نبيه وخرابيط علوم القبايل حطها بكيس المهم اختي الله يعينك علي الظلم ودعوة المظلوم ليس بينها وبين الله حجاب اختي اتصلي علي هذااا الرقم وستفسري منهم لمشكلتك 1919 الرقم مجاني .....

وفيه برنامج يجي علي اف ام الراديو ما ادري كم التردد يمكن 93 او حولها برنامج يا تي كل يوم سبت الساعة 10 يحل مشاكل كلها ديون ظلم وكلها من فاعل خير او مشاكل معاملات حكومية اي ظلم اوفقر او علاج او سجن وماشاء الله برنامج كثير متابعينه وناس كثير تبغي الخير ومساعدة الناس

حبيبتي والله حاسه فيكي انا عشت ماساتيك والله اخوي تهجم علي في بيتي وهددته بالشرطه قولي له مانبي منك شي الله لنا خليه بس بالاسم يستاجر لك بيت او ابوكي بس بالاسم وانتي ادفعي الايجار انا سويت كذا وروحي للجمعيات الخيريه وقدمي لهم معروض ومعاه صك الطلاق ومابيقصروون معك الله يسخرهم لك وبيجون لك في البيت وبيعطونك الي ناقصك خلي ثقتك بالله كبيره هذا الزمن لا اب ولا اخ فيهم خير واهل الخير كثار كلمي امام المسجد واشرحيله ظروفك وربك كبير وعظيم مايترك الي يطلبه والي يلجا له والله يوفقك ويعوضك في بناتك وعيالك كل خير والله قلبي معك والله يوفقك

حسبي الله ونعم الوكيل علي من كذبني شكك باقوالي

روحي لامام المسجد وعلميه بكل شي وخليه يكون شاهد ويروح معك المحكمه
واذا فيه حرمه من جيرانكم
خليها تقول لزوجها يساعدكم اذا تعرف بضروفكم
والله الجمعيات مايقصرون

والله اعرف شخص عنده ضمان ومستاجر ويروح اوقات للجميعه ويعطونه مواد غذائيه
وفيه بهذي الجمعيات ناس يساعدون ويقدرون يكتبون لك اثبات بحالتك لو رحتي وحكيتي لهم كل شي

ماعندك خاله او عمه او اي احد من اقاربك يكلمون ابووك مو معقوله مقطووعين كذا

حاولي وانتبهي لنفسك وللبنات
زوجه اخوك قاسي قلبها لهذي الدرجه
ذكريها بالله وحليها مع اخوك وكم كلمه حلوه تطيب خاطره صدقيني بلين قلبه

الله يرزقك من واسع فضله ويعينك
بس تفائلي بالخير وروحي للجمعيات لاتعقدينها صدقيني فيه ناس فيهم خير

وتاكدي ان الله قريب منا بس اهم شي اكثري من الدعااااء
والله يفرج همك عاجلا غير اجل

الله يفرج لك وييسر أمورك