06-01-2012, 01:14 AM
|
|
Guest
|
|
تاريخ التسجيل: May 2010
المشاركات: 331
معدل تقييم المستوى: 0
|
|
|
اخــوي طردنــي انـــا وبنــاتــي ,, ساعدوونــي تكفوون
السلام عليكم ورحمة الله وبركاته
طبعا اغلب الاعضاء عارفيني وعارفين مشكلتي
ماكنت ابي اسكن مع اخوي وداييم استخير ولا ارتاح
بناتي قالوا الا بنسكن عند خالي بيت كبيروحلو ونقدر نعزم الناس
بدال بيتنا الخرابه المقشر اللي كله حشرات
واخوي المريض قال الا بنسكن عنده تعبنا من سب وشتم ولعن زوجة ابوي لنا
حتى كفرات سيارتي فقعتها وترمي على سيارتي قراطيس الشاورما
المهم لا ارتحت عند ابوي ولا عند اخوي
يقولون البنت تلقى عزها عند ابوها ؟
طيب اللي ابوها مثل ابوي ماله شخصيه وزوجة فارضه شخصيتها عليه وين تلقى عزها فيه ؟
الحين اقولكم بعد ما سكنت عند اخوي ماعاد قدرت اتحمل بزارينه
2 توام اشقياء ويشجعون بعض
مايخلونا ننام ولا نتقهوى ولا ناكل زي الناس
وبنتي اللي عندها جامعه ماعرفت تذاكر ولاعرفت تنام من الازعاج
واذا سكرت الباب قاموا يخبطون بالباب ويصيحون ويصارخون
ازعجونا لا ليلنا ليل ولا نهارنا نهار
اتصلت على ابوي قلت له برجع عندك البيت
قالت انتي تحبين المشاكل انتي راعية مشاكل بتسوين لي مشاكل مع زوجتي
طنشته ورجعت البيت
شفت المكيفات والفر ن والثلاجه مبيوعه
والاغراض اللي بالثلاجه طايحه بالارض والريحه كانه فار ميت
قلت مالي الا بيت امي مؤقت لين القى شقه
رحت عند امي وشكلها متضايقه مناا وتهاوش بناتي من دون سبب
قالت بنتي الصغيره 18 سنه خلاص انا بسكن عند خالي مع عياله
وانتم اسكنوا بالشقه اللي فوق في السطح
وصرت كل يوم يومين انزل عندهم
قامت بنتي طفشت ولا قدرت تتحمل مسؤولية بيت وطبخ وبزارين وتنظيف وغسيل ملابس
والبزارين اسهال وتطريش حامت كبدها بنتي وقامت تستفرغ
وانتم بكرامه
وطلعت فوق عندي وقالت مابي انزل تحت ماعاد ابيهم
شوي الا قال اخوي معكم اسبوع واطلعوا من بيتي
كلمه ابوي وقاله طيب خلهم اسبوعين لين يدبرون لهم شقه
قال اذا ماطلعوا من بيتي الاربعاء الجاي انا بطفي عليهم الكهرب
والحين انا وبناتي جالسين فوق في البرد جالسين على البلاط بس حاطين بساط
والبيت فاضي ماعندنا ولا شي
جوعانين وبردانين يشهد الله علي
حتى مويه ماعندنا نحط مويه من البزبوز نغليهها ونشربها
شفتوا يااهل الخير اخوي شقيقي طرد اخته الكبيره ولا احترمني
على الاقل كان قال مابي بناتك خليهم يروحون لابوهم
اهون من انه يقول اطلعوا من بيتي ولا بطفي عليكم الكهرب
والحين باقي 5 ايام ويطردنا
يعني يرضيكم اححنا حريم لحالنا ندق خيمه بالشارع ونجلس فيها في البرد
هو يبي يذلنا ويحدنا طردنا ولا واحد واقف معي وهو عارف ان مكاتب الااجار مستحيل تاجر حريم لحالهم ماعندهم رجال \ وماعندنا دخل الا انا ضمان اجتماعي 800 ريال كل شهر وبنتي مكافاة جامعه 800 ريال كل شهر
وانا حرمه مالي الا الله ثم اهل الخير
ساعدوني يرحم والديكم ويدخلكم الجنه ويرزقكم
وين اروح انا وبناتي
حسبي الله ونعم الوكيل
حسبي الله ونعم الوكيل
ساعدوني اللي عنده لو ملحق يسكني انا وبناتي
|
العرض المتطور
