والله قهر

العاطل الابدي · #1 (**permalink**) 06-01-2012, 05:14 AM

الحمدلله والصلاة والسلام على رسول الله وعلى آله وصحبه أجمعين ام بعد راح اقول لكم اول شي وحاجه طبعنا

السلام عليكم ورحمة الله وبركاته

اخواني انا الان شغال باحد مشاريع الراجحي الفنادق طبعنا سوكرتي على قولت الهنود

المهم كنت اعمل هناك 8 ساعات بدون راحه ولا شي يعني عمل عمل بيت بيت بزنز بزنز

المهم كنت افتح البوابه واقفله وكل ماتجي سياره افتح البوابه

واقفله نفس العاده طبعنا عندي تلفزيون وحمام الله يكرمكم كل

شي متواجد والى سياره جاى هندي طبعنا بالسياره يكلم جوال

ويرفع يده ويقول افتح الباب بالاشاره شايفني معاق الحمد الله

على الصحه مافتحت له البوابه عناد ليش شايفني فلبيني او

فقير المهم مسكت معاى انى مافتح له البوابه طبعنا الى مستاجرين بالفنادق يدقون بوري ويسلمون يقلون سلام عليكم هذا الناس الاخلاق المحترمه المهم مابى اطول عليكم يا اخواني

مافتحت له البوابه قعد تقريبنا 5 دقايق وقفل الجوال ونزل من السياره وقال لى اس في مافى سوف انا كلام افتح باب ياحمار رديت عليه وقلت شوف امسك لسانك لدفنك هنا

تدرون وش قال لى قال انت نفر من من لزم انا اطرد راح

الهندي المكتب طبعنا في نفس الفنادق عند المشرف قال الهندي هذا نفر سعودي مايفتح البوابه

وقلت المشرف !!!!

الهندي مسوي كنق على راسي ومسوي يشر بايده ويقول افتح البوابه تدرون اش قال لى المشرف قال لى تدري

مين الهندي ذا قلت منهو حضرته قال مدير عن الفنادق يعني

بالعربي بزنز مال و صاحب فلوس

المهم قال لى المشرف برا لاعاد اشوفك دقو على الشركه وفصلوني بسبب الهندي

والمشكله ان المشرف انه سعودي وانا سعودي والله قهر الهندي

يبتسم ويقول لى مع السلامه يا صديق

استهزاء لكن والله العظيم ثم والله احلف لكم ومن قلبى اذا ماطلع مهنته طباخ ولا افلقوني نصابين كذابين الاجانب ملاعين منافقين حتي ماقال الهندي المشرف خله حرام اقطع رزق الولد قال مع السلامه ويبتسم

!! رسالــة لكل سعودي ارفع راسك فوق
ولاتشتغل سكورتي !!

ابحث عن الحقيقه · #2 (**permalink**) 06-01-2012, 05:17 AM

لاتستغرب فالاجنبي هنا ولد الديره وانت الغريب
وفعلن ارفع راسك انت سعودي
لله المشتكا

هتلر تبوك · #3 (**permalink**) 06-01-2012, 05:24 AM

ارخو العيال
والله لو انا مكانك هي خاربه خاربه اعطيه كم كف ولا اتفل بوجهه
انا مره اشتغلت با شركه باليوم الاول من دوامي جاني بنقالي وانا نايم ويهايط ويصارخ يقول اطلع برا نفر سمسم حمار
انا قايم منخرع قاعد استوعب وش يقول واشوف يقول اطلع انت لزم روح شارع اقسسم بالله كف جااه يمششي ست الالف
واضرب ولا تضرب وجو ناس يفكونا من بعض وسحبوني برا وانا اشغل السياره واحط رجلي لين اليوم مدري هو اشتكى ولا لا بس اسمي بردت قلبي

صمتى عالم · #4 (**permalink**) 06-01-2012, 08:31 PM

لو كانت مكانك لادعس على وجهه
هذا الى بقي الاجنبي ينافخ

سامية المشاعر · #5 (**permalink**) 06-01-2012, 09:31 PM

لا حـــــــــــــــول ولا قوة الا بالله .........

رائد5000 · #6 (**permalink**) 06-01-2012, 11:21 PM

الله يعوضك خير وكان تركت العبط وفتحت له دامه مشغول بالجوال

مجرد آآحلام · #7 (**permalink**) 07-01-2012, 02:02 AM

رببببببببببببي يعوضك باللي احسسن منها اخويْ

حسبي الله وكفى </3

تيلاد · #8 (**permalink**) 07-01-2012, 02:57 AM

منجد قهر ..
الله يعوضك بالوظيفة الاحسن منها يارب ..

اضطرابات التوحد · #9 (**permalink**) 07-01-2012, 03:28 AM

اهم شي اخوي لاتحزن وشي عادي وطبيعي اخوووي

وبعدين لاتزعل مني ( نت عارف ان الوظيفة السيكورتي مهنته يفتح البوابة ويقفلها ليش انت ماتفتح للرجال هذه مهنتك اخوي ونت اللي سويت نفسك فيها ماحد اجبرك عليها يعني اما انك تشتغل فيها او تجلس ببيتك احسن لك لانك عارف الاثار المترتبه عليها من كلام بذيئ وغيرك ذلك ومواجهة جمهور همجي مع احترامي للجميع لكن هذا الحال وصدقني مو فقط الهندي اللي بيتكلم على حارس الامن اقسم بالله انا اشوفهم عند المولات كلهم سعوديين وتصل الي المضاربات مع السيكورتي يعني لاتزعل مني انت اللي سويت نفسك في الموقف المحرج مو الهندي ,, )

عصفوره الشمال · #10 (**permalink**) 07-01-2012, 08:48 AM

[ALIGN=CENTER][TABLE1="width:95%;"][CELL="filter:;"][ALIGN=center]
والله انها قهر هندي يتشرط ع سعودي
قسم بالله كان كفخته لين عض الارض بعدين خلهم يفصلوني
بس ابرد حري فيه
(بعدين لا تزعل كلها سكرتي مو مهمه الوظيفه خيرها بغيرها )
بس اللي يقهرك السعودي عاطل والاجانب احلا المناصب اذا عارضت قالوا هذا نستفيد منه
طيب علموا دربوا السعودي شوفوا يصير احسن من ابو هناد بالف مره ع الاقل هذا سعودي بس هذاك اجنبي مو قلبه علينا
[/ALIGN][/CELL][/TABLE1][/ALIGN[mark=#0000FF]]<<<<طولتيها هي قصيره هههههههه[/mark]