السلام عليكم ورحمة الله وبركاته

مرحبا بنات , معليش تاخرت عليكم رجعت و أنا تعبانه ونوووووووووووووم
المهم
انا من المقدمات على وظايف الخرج
نادوني انا ووحده اتوقع المرشحه الثانية اللي بعدي
وماكان فيه بنات كثير تقريبا بس 10
جيت بدري ع 8 ونص مثل ما طلبوا عشان لازم اسوي اولا مطابقة بيانات وطابقوا لي شهاداتي واثباتي الاصليه مع الصور واخذوا الصور منها وحطواها بالملف الأخضر اللي انا جبته
بعدها قالوا انتظري للساعه 10 ونص مقابلتك لكن تاخروا وماصارت الا 11
المهم نادوني وكان فيه 3 يقابلوني
سلمت مصافحه وبابتسامه وجلست
قالوا عبي بياناتك ورقة اكتب اسمي فيها و تخصصي ووقت المقابلة >>> احسهم يبون يشوفوني وانا اكتب مرتبكه ولا لأ بس الحمدلله وضعي كان تمام
وبعدها بداء التحقيق ..نشفوا ريقي مابغيت اخلص
برجع و اكتب لكم أسئلة المقابلة بقدر ماأستطيع

بسم الله الرحمن الرحيم كيفكم انا ياحلوات سويت مقابله الحمدلله*

المقابلة
البداية مادري كيف كانت من الأسئلة لكن أذكر سئلوني انتي خريجة أي معهد وأي سنه
وسالوني وين ساكنه > طبعا بالرياض فقالوا كيف وانتي مقدمه بالخرج كيف مع المواصلات
وش تعرفين على الوظيفة الللي متقدمه عليها > الوظيفة مسمها مدربة وطلعت وظيفها اداريه مادري كيف
وشي هوايتك واهتماماتك وحققوا فيها وصدعوا راسي > انتبهوا لحد يتفلسف
لما قلت لهم من هوايتي كتابات صحفيه بس ممارستها بشكل كبيير قالوا لي وش الكتابات الللي كتبتيها وش المقالات الللي تابعينه وليش مامارستيها > تمنيت اني قلت ماعندي هوايات
وش انجازاتك
هل مشاركات في نشاطات المعهد ؟ قلت لا , قالوا ليش وش السبب
هل شاركتي بدورات او التحقتي في ورش عمل > يوم قلت شاركت بعمل دورة مع مجموعة من البنات قالت موب لو انك مسويتها لحالك بتقدمين فيها اكثر ؟ قلت لا , قالت ليش
سالت وش يعني لك العمل الجماعي
وش استفدتي من خلال التدريب التعاوني
وهل واجهتي صعوبات خلاله
لو كنتي متوظفة على وظيفتك وطلب منك عمل مهام أضافيه بالاضافة لوظيفتك هل تقبلين
وهم سالتاني ممتى متخرجه من الثانويه و خلال اتلفترة اللي سبقت التحاقك بالمعهد وش سويتي ليش ما التحقتي بكلية
هل نسبتك ماكانت مناسبة
وسالوني سؤال كنت محاتيه يسالوني اياه
قالوا لي معدلك حلو وممتاز ودرجتك بالاختبار مو حلوه مع اني اعلى وحده وش السبب
وش الصعوبة اللي واجهتيها بالاختبار وش الاسىلة الصعبة > هينا توهقت لاني مااذكر الاسئلة
قالوا انتي توك متخرجه المفروض معلوماتك حاضرة
هذا اللي قدرت اتذكره الحين واي سؤال يطري على بالي بجي اسدحه هينا
موفقين ان شاء الله والله يكتب لنا اللي فيه الخير
لاتنسوني من دعواتكم

انا اسالوني اسئله عاديه وكانوا مريحين واسالوني ايش راح اقدم للمعهد وليش اخترت هالوظيفه وطبعا بعد ماعرفت بنفسي واسئله عامه في تخصصي بس اهم شي تجاوبين بثقه وتناقشين يعني تكوني جريئه اتمنى افدتكم مع اني جايه بدري ومادخلت للمقابله الا الساعه ثنتين ونص دعواتكم لي والله يوفق الجميييييع يارب

طموح وردة ..أم العدل ربي يوفقكم ويرزقكم من حيث لاتحتسبون يارب

فرق مابين مقابلتكم

طموح لجنتك وربي مدري وش يحسون فيه دقيقين مرررة ويمسكوا عالكلمة لكن ان شاء الله يارب يكتبلك هيا

أم العدل سهالات ماشاء الله والله يجعلها من نصيبك


الله يوفق بقية البنات يارب

طموح ورده ,أم العدل
جزاكم الله خير
الله يجعل الوظايف من نصيبكم

عاشقة بغفلة
الله يجزاك خير
لا بكالوريوس حاسب