الله يجزآك خير على هـ المعلومآت

أنا مقدمه على مدربه

على فكرة كنت على وظيفة بالمعهد التقني وكانت عبارة عن عقد بمنطقتي مسآئي وداومت اسبوع وبعدها تركتهم من قبل لآ اوقع العقد ..,’
تتوقعي يآثر على توظيفي ويقولوا هذي تركت المسائي فماهي كفو نوظفها او مالها علاقة ><

اختي مدربة لغة انجليزية بالمعهد التقني لما عملوا لها مقابلة تقول اغلبها كانت تكلمني وحدة انجلش ^^
تقول سالتني وقالت اتكلم بنبذة عن نفسي وكمان كم معدلي ومن فين متخرجة وليش اخترت المعهد هذا وكمان سالتها عن طريقة الشرح هل بتتكلم عربي بالمحاظرة او لا ^^
والثنتين باللجنة تقول سالوها عن لو صار تصرف بذئ من طالبة وش تسوين ؟ ولو شفتي مخالفة ؟
ولو قالوا الطالبات بلاش المحاظرة وآسئلة عادية ^^
انتي المهم لاترتبكي وخليك واثقة ومحتشمة بلبسك ولاتلبسي الوان او شفاف والميك اب خلية خفيف وحاولي صوتك يكون واضح لهم وعالي شوي عشان مايقولوا انك ماتنفعي تدرسي بنات كبار..,’
الله يكتب لك اللي فية خير ^^

اختي قالت لي انو قرات مين حيعملوا المقابلة ..,’
ثنتين منهم حيكونوا مديرة المعهد ونائبتها والثالثة حتكون من الرياض واسمها بدرية الزير ^^
والله انو صرت اهوجس بالوظيفة اللي تركتها مسائي اخاف تاثر علي ويقولون ماهي بكفو^^

ترى بالنسبة للمقابلة انا اتكلم عن منطقتي ماادري عن بقية المناطق ..,’
اكيد حتكون لجنة المقابلات مختلفة ^^
الله يستر منها بدرية الزير لان شكلها دافورة لانو وظيفتها بمعهد الرياض مديرة ادارة المناهج وتقويم التدريب ^^
ياخوفي انها تستجوبني ^^

يآحبيلك والله استفدت من خبرة اختك في المقآبله


وأنتي ان شاءالله مآراح تأثر عليك تركك للوظيفه المسآئيه" تفآئلي بالخير وادعي ربك واستغفري وإن شاءالله تكون من نصيبك ../ وبما انك الوحيده ان شاءالله ألامل فيك

اسألي اختك تكفين قولي ايش الحآلات اللي ممكن يستبعدون فيها مقآبله اللغه الانجليزيـه ؟!

والعميده والوكيله وبنت الزير هذولي تخصصهم انجلش والا كيف !؟ِ

ماادري عن منطقتك مين حيكونوا لجنة المقابلة ممكن تكون وحدة تخصصها انجلش وممكن لا..,’
اختي قالت انو اعلى وحدة بالنقاط تكون مرشحة اساسية والبقية احتياط..,’
اولا لماتدخلي للجنة حيطابقوا اوراقك الاصلية ويشوفوا هل متوافقة مع اللي كتبتية بالتسجيل لو كلو تمام يعملوا لك مقابلة واذا لا يستبعدوك ويشوفوا اللي بعدك..,’
تقول المرشحة الاساسية لو كانت واثقة وجاوبت على اغلب اسئلتهم وكانت شخصيتها حلوة يوافقوا عليها ويخلوها تكمل اجراءات الفحص الطبي والبنك وغيرو..,’
لكن لو كانت مرتبكة او خجولة وماعرفت تتكلم معاهم كويس آكيد حيستبعدوها ويقابلوا اللي بعدها ولو طلعت افضل منها ياخذوها ويكتبوا بالموقع انو سبب استبعاد الاولى انها ماتجاوزت المقابلة ^^

آنتي كم وحدة قدمت معاك عالوظيفة ؟
بآي منطقة انتي ؟

ان شاء الله يفيدونا بنات الرياض لانو مقابلاتهم قبلنا ^^