بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
بعد مارايت من حب وتواصل بين اعضاء هذا المنتدي وحب للخير والمساعده
حبيت اطرح بين ايدكم مشكلتي وحبيت منكم مساعدتي ببعض الاقتراحات والشوري
البدايه هي مشكله عامه على جميع الموضفين والموضفات
انا ماعندي وظيفه لكن مدخولنا الشهري 3500
ماعندي اجار
عندي فتوره كهرباء وتلفون وجوالي وجوال ولدي الكبير ينتظر الوظيفه الله يجيبها على خير
طبعا جوالاتنا شحن بطاقات
عندي سبعه اكبرهم عشرين واصغرهم عمره سنه
اربعه يدرسون وواحد ينتظر الوظيفه مثل ماقلت
وطفلين معي في البيت
مشكلتي ماقدرت اصرف المصروف ابي احد يساعدني الله يجزاه خير على وضع خطه امشي بها المصروف بحيث اذا جاء وقت الضروره نكون حاسبين حسابها مثل العيد
عطل مفاجائي في البيت ترميم ولو حبينا نسافر او ناخذ عمره
وشاكره لكم حسن تعاونكم ومساعداتكم لاخوانكم واخواتكم

شوف ياعزيزي
اول شي تشوف المقاضي الاساسيه مثلا 1000 ريـال مثل الرز والدجاج والسكر والخ
الجوالات وفواتير الكهرباء نقول مثلا 700 ريـال
1000 ريـال مصاريف لك ولعيالك خلال هالشهر مثلا باليوم تصرفون كلكم اقل من 30 ريـال (ومهي صعبه اذا كان اكلكم بالبيت )
اللحين يكون الباقي تقريبا 800 ريـال ذي يكون المخزون الاحتياطي لاي طاري
واي خدمه انا حاظر

الله يرزقكم من واسع فضله

انا عزابي وماعندي الا الاكل وسيارتي اصرف عليها

مره قلت خليني احسب مصورفي الشهري .. مع العلم اني ساكن بلاش ولا ادفع ولا شي بالبيت

المهم حسبت مصروف شهر طلع بحدود 3500 ريال .. مع العلم اني كنت مقتصد على قدر المستطاع

والله ها اليومين ان 3000 الاف ماتسوي شي

الله يكون بعونك ويوظف ولدك ويساعدك بمصروف البيت

طيب فيه حل ثاني حلو حيل
كل يوم جمعه تحط لك ميزاينه 100 ريـال لاغراض المدرسه وحليب الورعان
بتكون الحسبه نفس الحسبه السابقه لكن زايد عليها 400 ريـال
وبقولك نصيحه مو كل شي نشتهيه نحصله يمكن تروحون لمطعم تخسرون 100 ريـال ؟؟؟
وهنا بيكون انسحب ميه من المخزون ( دايم اذا اشتهيت شي فكر بورعك اللي يمكن يحتاج اي شي اخر الشهر وانتي ماعندك ولا ريـال)

.. السلام عليكم ورحمه الله وبركاته..

اختي بقدم لك النصائح سائله الله ان يوفقك ويعينك عن سد حاجتك ي رب العالمييين..

1-وضع حصاله في البيت طبعا تحفزين اطفالك على الادخار والرضا ب القليل حتى يقتنعو بما في يديهم وانتي تمليكييين رجال احرصي على تربيتهم وتعويضهم واقناعهم ب اسلوب يرضون فيه .. مالك الحقيقي ي ماما هو اولادك وهو اغلا واسمى من اي شي ..
2-ولدك الكبير اللي ينتظر الوظيفه يقدر يروح يساعدكم .. ويتحمل مسئوليه رجال البيت .. (لين تجيه وظيفته)
3-ضعي ميزانيه للاطفال الاربعه اللي يدرسون والطفلين اللي عمر سنه والثاني ولاادري انتي تعطينه حليب صناعي او ايش ؟؟ لانه يختلف ب ميزانيتك ..
الحين نفرض شهر3/1433.. جاك الراتب 3500 انا ابي منك تبدين من اليوم.. تدرسين الادخار وتشوفي نتائجه قريبا .. اولا خلي500طؤارى بتكون هاذي غيييير مصروفه الا تكوني خلاص مالك الا هالحل .. يبقى3000بالنسبه للي يدرسون الحين ركزي على انهم ياكلون كويس فتره الامتحانات .. وماعندك مصاريف من ناحيه الدراسه حاليا استثمري هالوقت بصالحك..
4-تقدرين تروحين ل محلات الجمله (تشوفين ايش فيه السوق وشي يحتاجونه الحريم..قماش ملابس/اكسسوارات.. حناء .. تقدرين تسوقين لمحلات .. وهنا يعطونك راتب او انتي تدخرين فلوس وتشرين وتبيعين من دون ماتحتاجين احد وتضمنين انك تنامين مرتاحه..واولادك مو محتاجين شي.. طبعا ولدك اللي مو موظف بينزله حافز ويعطونكم2000بيصير راتبكم الشهري5500
5-بالنسبه للخضروات وفطورات البيت حاول تشترين الاغراض الاساسيه وبدبل وقت العرووض ..~..وروحي جمعيات اسعارهم ارخص من اللي بالسوق ..
6-ارجع واقولك خلي ولدك الكبير يتحرك يطلع يشتغل وخلي 500 وقت الازمات
لاسمح الله انكسرت الحنفيه .. والا احترقت لمبه والا احترق الدينمو.. كل هذا ممكن يصير . .
والله يسعدك ي رب .. ويرزقك من اوسع ابوابه انتي واطفالك ..