السلام عليكم ورحمة الله وبركاته
انا متابعه لكم من اول ما انفتح الموضوع اسال الله ان يرزقنا بدون منه من احد من خلقه

انا سجلت بحافز اول ما انفتح الموقع بس تعقدت مع البنك وطلع لي رقم الايبان مع بداية تعديل الايبان لاني كنت حاطه رقم الايبان حق اخوي ورجعت عدلته في 10 \2 وانتظرت الفرحه بس ربي ما كتب لي

كل يوم ادق على رقم حافز ويقلون لي انتظري ليوم 27 اكيد انتي مع هذه الدفعه بس ماكان لي نصيب

الليوم دقيت على الموضفه بالاول ردت علي وحده ما تعرف وين الله حاطها وقالت لي ما نقدر نسوي لك اعتراض لانك مو مكتوب لك غير مؤهله شنو نكتب بالاعتراض قلت لها اكتبي اللي تبينه بس المهم اكون مقدمه اعتراض قالت مانقدر نسوي شئ بس انتي السبب ليه ماحدثتي بياناتك كل اسبوع مره لانه ضروري للتاهيل قلت في نفسي هذه ماعندها ماعند جدتي بفصل وادق ثاني ممكن احصل وحده معاها عقل وتعرف تتكلم

وترد علي وحده باين انها متحمله الكلام من المتصلين واتخاصم وياها وتقول شوفي يااختي الموضوع مو تحديث ولا غيره بس النظام عندنا وللي ما طلع لهم غير مؤهلين يعني لسه طلبهم قيد الدراسه يعني ما تقدرين تسووين شئ الا انك تحدثي بيناتك بشكل مستمر الاعتراضات تكون لمن طلع له غير مؤهل وانتي ماطلع لك شئ على ايش تسوين اعتراض
قلت خلاص بلا اعتراض بس كيف اسوي تحديث قالت لي حدثي بيناتك بشكل دوري والطريقه حفظ واستمر حتى الدخل الثابت وسجلي خروج لانه مسجل عندنا ما يحتاج ترسلين الطلب لانه راح يعتمد على انه طلب جديد

والله انه عقلي تلخبط وحده تقول سوي تحديث وارسال للطلب لانك مو مؤهله المؤهل لا يرسل الطلب مره ثانيه بل يسجل خروج عند الدخل الثابت

والثانيه تقول سجلي خروج عند الدخل علشان ما يعتبر طلب جديد

اخواني واخواتي انا ماعاد فهمت شئ حسبنا الله ونعم الوكيل

ارجوكم من عنده خبر اكيد او شئ يقدر يفيدني فيه يقول لان الكلام كثر والعقل ماعاد يعقدر يستوعب او يصدق كل احد يقول شئ

وينه اخونا معلومات حافز ليه ما يعطينا الطريقه الاكيده للتحديث ومتى ممكن نحدث علشان نكون على بينه ومااحد يلعب علينا

اميرة الشمري ..
التحديث بشهر مرتين تكفي حفظ واستمرار لحد اخر شى ارسال طلب .
انا واثنين معاي مسوين ها الطريقة وتاهلنا لدفعه الثانية على التولى .
لو الطريقة خطا إلى مسوينها مأكان تاهلنا او جا موهل عندنا بدفعه الثانية بعد .
إنتى استمري ب الاتصال عليهم . التحديث مالة داعي وانتى مارفعتى طلب ..
طلبك قيد التنفيذ لحد الان دام ماطلع لك لا موهل ولا غير موهل . فا إن شاءالله بدفعه الجاية إلى هى اربعه يطلع لك التاهيل وتتاهلى وترتاحى من ها الحوسة .

طريقة التحديث فقط ادخلو خانة اكمال البيانات وسوو خروج من فوق...

معلومات حافز التحديث بشهر كم مرة مرة او مرتين تكفى صح ؟

وهل لها تاريخ معين يحدثون فية ولا التاريخ مفتوح على مدار الشهر

لا للحين لم يتم التحقق .......