19-02-2008, 02:15 AM
|
 |
مشرفة سابقة
|
|
تاريخ التسجيل: Mar 2007
الدولة: & عـــــريــن الأســـــــود &
المشاركات: 8,563
معدل تقييم المستوى: 21474889
|
|
الطــيب شـــارة والضمـايـــر صنـاديـــق...
الطيب فرصه والجمـــايـل توافيــــق = ومن لا توفق ماكتب لـه جمالـــــه
ومن لارقى للطيب روس الشواهيق = مازان له وقته علـى مـا بـدالـــــه
وما دام لفعول الجمايل عشاشيــق = كسب الجمايل ما يجـي بالسهالــــه
ولوأنها تـشرب مـع فـكـة الريـــــق = كل خذا له كل ما أ صبـح بيالـــــــه
والطيب منوه للقلـوب المشافيــــق = كـل يتـوق ومنوتـه رأس مالـــــــــه
والمدح مايزهى على الرجل ويليق = الا لا صـارت وافيـات خصالــــــــــه
يـستـاهـلـه رجـل يفـك المـزانـيــــق = اللي يقـال ونعـم لا جـا مجالــــــــــه
ومن ساقته نفسه وهو مابعد سيـق = لأجــل الجميـل يزيــن الله فالــــــــه
والمرجله ماهي بتحتـاج تنسيــــق = من بين قلب اللي عشقهـا وبالـــــه
ومن عادة الدنيا تخـون المواثيـــق = تفتـر مكرتهـا سـواة المحـالـــــــــــه
ولولا اللوازم ماعرفنا المخاليـق = مانعـرف الرجــال لـيــن انعنـالــــــه
والكفؤ تظهر فزعته حزة الضيـــق = وينشاف في الشدة بعيـن العـدالـــه
نسل الرجـال متعّبيـن الملاحيـــــق = مـتــوســط مـن بيــن عمــه وخــالـه
واللي يطيق ولابغى قال ماأطيـــق = تحرم عليـه المرجلـه والشكالـــــــه
والهيّنه تكبر على اللاش والهيـق = له في الرخاء قاله وفي الضيق قاله
والطيب شاره والضماير صناديــق = والـلاش طـيـبـه مـا تـعــدى ظــلالــه
وانا اسبر قلوب الرجال المغاليـق = والصـامت اقــطـع غايته مـن مقالـه
ومادام في الدنيا رجال ومطالـيـق = نصـيـتـهـم والــلاش مـالــي ومـالـــه
وسـلامـتـكم
|
العرض الشجري
