هذا حال بنات اليوم يلهثون وراء كل جديد لانها باعتقادها انها مواكبه الموضه ولاكن لاتدري بان الجاب شيء والموضة شيء ثاني ...ورقابة الاهل صارت جدا ضعيفه في زمن ضاعت الامانه الله المستعان... اتمنى لك التوفيق..

وعليكم السلام ورحمة الله وبركاته
من وجهة نظري الشخصية هي مو مسألة التحضر أو غيره
هي في النهاية مسألة تربية و قناعات و غرس و طريقة التربية نفسها
أول أمس تقريباً يكلمني شخص عن رجل عمره في الـ 50 و الرجل هذا دكتور جامعي بعد يعني عقلية مو سهلة و عنده أسس في التربية و الأخلاق و خبرة كبيرة بالهعمر اللي علم فيه أجيال و أجيال ...
المهم هالرجال يشتكي من بنته
تدرين وش قالت له بنته ؟ قالت له " بيجيك واحد بعد صلاة المغرب و بيخطبني ... وافق عليه " !!!!!!
المهم بعد جدال طويل و عريض قالت له ترى حسني مبارك تنحى عن الرئاسة << فهمتي وش تقصد
لاحول ولا قوة إلا بالله العلي العظيم
يخليها تخرج و تدخل البيت على كيفها و من دون رقيب و حسيب و جوالات و نت و سواق و مولات و كل شيء متوفر لها ... وش النتيجة ؟ النتيجة " بيجيك واحد بعد صلاة المغرب و بيخطبني ... وافق عليه " !!!!!! + ترى حسني مبارك تنحى عن الرئاسة

و فيه بنت ثانية تقريباً نفس المستوى المعيشي " مرتاحة مادياً " لها لكنها صلاة و صوم الإثنين و الخميس ..... إلخ إلخ + تعرف تطبخ و ربة منزل ماشاء الله عليها و أجمل وحدة في خواتها كلهن لكنها ماشاء الله عليها و برغم إنها وصلت الـ 30 سنة لكنها ما تعرفت على شاب ولا هم يحزنون و يريد الله عز و جل تتزوج من واحد غني " رجل أعمال " و مع ذلك ما تكشف و جهها

إيش الفرق بينهم ؟

الفرق بينهم القناعات الداخلية و التربية لا حظي وش ذكرت الأول " القناعات الداخلية و بعدها التربية " فإذا تربت البنت على قناعة إن تعارف البنات على الشباب محرم و ما يجوز و ما يصح و ما غير إنها مشاكل في مشاكل و فضائح و إبتزاز و تهديد و قلة حياء و مسخرة و مرض و وجع راس إن أقنعوها اهلها من و هي صغيرة إن شاء الله لما تكبر بتكون ما يحتاج ولا ينخاف عليها إن شاء الله ... لأن العود إذا كان مايل من الأساس راح يفضل مايل لين يكبر و إن كان سليم من البداية راح يكون سليم و مستقيم لين يكبر

و الله يحفظنا وياكم و بنات المسلمين من الفتن ما ظهر منها و ما بطن و الشرور و من شياطين الإنس و الجن

و شكراً

و الله تعالى أعلم

سبحانك اللهم و بحمدك أشهد أن لا إله إلا أنت أستغفرك و أتوب إليك

كلامك صحيح اذا كان الاساس قوي فابتالي لا يؤثر عليها الرياح والعواصف تلين فتقوى فتلين فتقوى ونسأل الله الثبات...شاكره لك الرد الطيب.. اتمنالك التوفيق..

(((((((((اللهم اني أسألك الستر في الدنيا والاخره ))))))))

اللهم استر عوراتنآ وامن روعاتنآ واحفظنآ من بين ايدينآ ومن خلفنآ وعن ايماننا وعن شمالنآ
ومن فوقنآ ونعوذ بك ان نغتال من تحتنآ

بارك الله فيك وربي يستر على الجميع

جزاك الله كل خير وجعل الجنة مثواك ووالديك ....اتمنى لك التوفيق..

الموضوع مشربك
فرنسا منعت الحجاب مع انها تدعي الحرية
والسعودية تفرض الحجاب على الكفارات قبل المسلمات وهي تقول انها دولة اسلامية
ولو رجعنا للدين مافي دليل يقول ان نفرض ديننا واحكامنا الشريعة على غير المسلمين
هذي قوانين دول مثل ما لسعودية الحق انها تفرض لبس العباءة في الشارع فمن حق فرنسا يكوت لها قانون يمنع الحجاب
موضوع العبايات وانها صارت زينه والتبرج الي تقولون عنه نفس الشي
ربنا يوم امر بالحجاب امر بغض البصر الي مااشوف احد تكلم عنه ولا جاب طاريه
لو احنا ملتزمين بالدين ونغض ابصارنا حريم ورجال ماكان ضايقتنا العبايات لانا مارح نشوفها ولاكانوا البنات تمادوا بالتضييق كان قالو ليش نتعب من بيشوفنا
الي حاصل ان كل المنكرات يحطون سببها المراة عشان يطلعون منها الرجال
دعوة للرجال الي مسوين دعاه ومحد بيدخل الجنه غيرهم ترى الدين مو بالشكل ترى الدين مو انك تاخذ الايات الي تعجبك وتترك الي ماتعجبك اذا فعلا فيك خير ابدا بنفسك
في قصة موسى عليه السلام لما جته البنت وقالتله ان ابي يريد ان يعطيك اجرتك كان غاض البصر ولما بدو يمشون كانت تمشي امامه وكان افيه هوى جا وقالها انا بمشي قدامك
الي مضايقتهم المنكرات ابداوا بانفسكم و واذا بغيتوا تنصحون تعلموا كيف تنصحون

رداً لأخي الفاضل و الموقر الذي راسلني على الخاص :
هو صحيح إنها قالت لأبوها ما اختلفنا و صحيح إنها تبغى الحلال ... لكن !!!

هل بذي الطريقة تكلم أبوها ؟
وين رضى الوالدين ؟
وش دراها بعد الزواج ما يكون الرجل اللي كان قبل الزواج ممكن يتغير عليها و يقلب و يخونها
أثبتت التجارب و حالات الزواج اللي بذي الطريقة إن 80% إذا ما قلنا 90% إنها أنتهت بالطلاق هذا غير الخيانة و عدم الحب بينهما بعد الزواج و غير الشك و المشاكل الزوجية اللي ما تنتهي ...

* صحيح إنها تبغى الزواج و الحلال ما اختلفنا لكن مو بذي الطريقة " الصح صح و الخطأ خطأ " لأن ممكن يكون راعي هواش و مشاكل و مسبقات في مراكز الشرطة و الله تعالى أعلم و ممكن يتوفقون في حياتهم و إختيارهم و يعيشون حياة سعيدة .. لكن السؤال هنا كم حالة بذي الطريقة نجحت ؟ وين صلاة الإستخارة عنها ؟ و عنه ؟