السلام عليكم ورحمه الله وبركاته


أشكركم جميعا على تعاونكم واسال الله العلي القدير ان يوفقكم


كنت ابي ابدا في مشكلتي بس في مشكلة اهم مني وهي انهيار عائله كاملة بسبب الطلاق

انا لا اشكو الا الى الله بس لا خاب من استشار


بقولها واتمنى منكم الرد علي لان عجزت واحاول قد مااقدر ولا اشوف اطفال صغار يضيعون


الموضوع باختصار عندي خاله اعتبرها نفس امي تمر بحاله نفسيه سئيه جدا جدا بسبب زوجها واكل حبوب نوع من المخدر اسمها كبتاجون لااعلم هل هي صحيحه نطقي لها


هذا سبب دمار لها كل شوي يتوب ويرجع نفس المشكله يصيح ويتالم ويجلس على الحاله فوق 4 ايام وهو تعبان قدام اطفال صغار هي نهارت حاولت 6سنوات وهي صابره وكل شوي يحلف لها ويتوب وترجع له ويكرر نفس المشكله

ماعندها الا اخو واحد فقط حاول واوجه الزوج ينكر ويتهم خالتي بالجنون انها تظلمه وانها وانها

صبرت ورجعت له ويجلس فتررره ويرجع نفس الحاله



اخر شي جاتني منهااره نفسيا ومعنويا وحامل تعبتت

اللي يقول اصبري قفلي عليه واللي يقول دوري الستر واستري عليه


لييييش كذا


جاتني قرررت تطلق منه خلاااااص تقول وعندها اطفال صغار اكبر واحد عمره 6سنوات



تكفون وش اسووي مرره ضايقتني ورحمتها

انا ماابي تتحطم حياتها بسببب طلاق بس الله لايلومها

اهله عجزوا معه ويقولون اصبري على ولدنا واستري عليه


تكفووون وش اسوي احس اني كرهت الزواج انا اخااف بكره يصير للي كذا


وش تنصحوني في مشكلتهااا


لاتقولون مكافه المخدرات يقولون لازم اراده من نفسه وهو كل شوي يرجع نفس حالته




بانتظاركم

الاحسن لها انهاا تتطلق
والله الحياه ماتسوى انها تعذب روحها اهم شي الصحه مو اول وحده تتطلق

خليها تتطلق احسن لها ماراح تستفيد شي معاه غير الالم والتعب والطلاق مو عيب بالعكس هذا حل مادام انها عجزت معاه ولا في فايدة خلاص الله يستر عليها وعليه وتطلق وتتزوج احسن منه ياارب
بعدين لاتتعقدي من الزواج في رجال فيهم الخير واصابع يدك ماهي سوا
بس اهم شي لمن يجي الخاطب لازم الاهل يسالوا عنه كويس ومايكتفوا فقط انه من العائلة الفلانية وراتبه كثير و.و. والخ
والله يستر ويوفق ياارب

لا تطلق ولا شي .. تصبر عليه ..


موضوع الحبوب إذا مو مدمن لمده طويله اكثر من 15 سنه يقدر يتعالج منه وتتحسن حالته ..

إذا كان في المنطقه الشرقيه الرجل ..
تواصلي معي بالخاص .. واعطينى تفاصيل عنه .. وانا اجيب له كرسي علاج . وبدون قضايا ..
وعن طريق المكافحه ..

والله ياأختي رأيي أنها لو تطلقت منه مشكلة
ع فكره كلمة طلاق مصيبه

ألحين لو تطلقت وين بتروح
أول شي : أبوها عايش
والثاني : فيه بيت ملك عند أبوها إذا كان ميت
والثالث : الضمان ولاشي لو ماعندها الخيارين الي فوق
الضمان يادوب يقضي الأساسيات

والأهم من هذا كله أذا كانو أهلها قاسين والله لتذوق المر عندهم
عن نفسي أقولك قولي لها أصبري وحاولي بزوجك وأدعيله بالهدايه


والله يفرج عنها كربتها
والله البيت الي فيه مدمن مخدرات مصيبه بس الله يصبرها على ماأبتلاها به*

السلام عليكم ورحمة الله و بركاته

اسال الله ان ييسر امر خالتك و يعوضها خير هذا اولا

اما الثاني فمن وجهة نظري الطلاق خيرا لها للاسباب التاليه:

1-تكرر التعاطي و ما يصاحبه من تعامل لا ارادي من الأب سيؤثر سلبا على الأطفال
2- ذكرتي انه يتوب ومن ثم يعود و بالتالي سيظل كذلك ( اسال الله ان يشفيه )
3 بالرغم من ان الطلاق له وقع الصاعقه على اي متزوجه ولكن الحكيم الخبير لم يبيحه الا لحكمة ولا يعني الطلاق دوما كما يذكر الكثير انهيار اسره فأن تبتعد بأطفالها عن هذا الجو الملوث سيكون له اثر ايجابي على نشأت الأطفال
4- وجود الأب يساعد على استقرارالأطفال نفسيا في حال كون الأب مستقر نفسيا اما والحال كما ذكرتي فوجود الأب سيكون ذو اثر سلبي على الأطفال

ختاما اكرر سؤال الله جل وعلى ان يشفيه و ان يصلح حاله و عياله

اخوكم ابو عبدالعزيز

الطلاق ماهو نهاية العالم وراح تلقي واحد احسن منه وبنات الناس ماهي لعبة اما رجال يتوب ويتعالج اهم شي ولا الطلاق افضل لا يزبح اعيالها

[frame="7 98"]السلام عليكم

الطريقة الاولى: تروح بيت اهله وتريح نفسيتها وتفكر تفكير واعي وهو كمان

ممكن اذا بعدو عن بعض يصلح الحال .

الطريقة الثانية : اذا كانت الحياه مستحيله معاه تطلب الطلاق .


ومن هذا المنتدى ندعي لهم أسال الله ان يوفقكم ويصلحهم ويحفظلهم عيالهم

ويكونوا مفاتيح للخير يارب يارب انك قادر على كل شيئ هذا وصلى الله عليه وسلم.[/frame]

مدري صراحه

الحياة فيها أطفال وسته حرام يعني هالعذاب النفسي لهم
بس هو بعد مبتلى مسكين يعني هو بمشكله ويبي الوقفه معه

أبداً ما أشوف حلوو الطلاق ... لأنه يرجع ندمان بس مو بيده
أختي خليها تشكي الحال في السجود .. تلح بالدعاء
تتعامل معه بطريقه ثانيه

حتى وهو مريض تحاول تستوعبه تكتب له تستغل فترا هدوئه

بس لا تكون سلبيه

الكلام سهل أكيد ،، بس خليها تحاول

الله يشفيه ويعوضها عن كل يوم مؤلم آآمين

الله يشفيه ويعافيه وكل مبتلى
انا اقول تاخذ بيده وتروح هي وياه لمستشفى الامل ويدخل في دورة علاج......اذا ما صلح الحال فلكل حادثة حديث لان هالحبوب تدمر المخ مع تقادم الادمان
تحياتي