من شاور ما خاب - مشروعين

عاطل جالس · #21 (**permalink**) 09-01-2012, 10:19 PM

اقتباس:

المشاركة الأصلية كتبت بواسطة س ب

اخوي عاطل المقاولات ما اعرف له .. ولاعندي خلفية الا بسيطة جداً عنه .. بالنسبة للعقار من بعد التوكل على الله يحتاج له جهد ومعارف .. بالنسبه للمعارف ان شاء الله كلنا شطار ، والجهد مو ذاك الزود على اساس ان مكاتب العقار تفتح من بعد العصر الى الساعه 10 .

يالغالي مقاولات مافيه تعقيد بس جيب خشب وسيارة فقط ويجونك اناس في المكتب وتوقع عقد معهم ان الاسمنت والبلك والحديد عليه وانت عليك البناء وخلاص وطلع على المتر 180 ريال يعني اقل عمره مساحه 300 مثلا نسوي الميده سعر المتر 180 يطلع الفلوس 54الف عمال عددهم 3 بناي وحداد ونجار ياخذ حسب الاتفاق نقول انت 40% ونجار 20% وحداد اغله 30% نجار20% تاخذ من العماره الوحده 13 الف يعني تبني في السنه 4 عماير وش تبي فلوس من المقاولات وفلوس من العقار

ماجدالمطيري · #22 (**permalink**) 09-01-2012, 11:51 PM

اقتباس:

المشاركة الأصلية كتبت بواسطة س ب

[align=center]بسم الله الرحمن الرحيم

السلام عليكم ورحمة الله وبركاتة
[/align]
[align=center]
يعطيكم العافية جميعاً

يقول المثل : من شاور ما خاب
.. طال عمركم عندي مؤسسة مقفله من حوالي 20 سنه ، تم تجديد كل شي وللتوضيح المؤسسة مقاولات .. حبيت افتحها بحكم ان بيع الفيز مربح .. شاورت كم شخص وقال حرام فكك منه .. ( ما بني على باطل فهو باطل ) ، الان حاب احولها للمؤسسة عقار وافتح لي مكتب عقار ( يوجد معارف الحمد لله ) .. وعندي كم فكرة لهالمكتب.

الشيء الثاني .. ولله الحمد .. لدينا ارض ( نقدر نقول انها مزرعة ) تقريباً مساحتها ( كيلو x تقريباً 500 ) ولا في بالي اني ازرعها ابداً ، الارض قريبه من طريق سفر يعني تصلح تكون محطة .. واشوف قريب منها شركة مقاولات تمهد للفتح طريق جديد .. مو باقي له الا ( 3 سنوات ان شاء الله ويفتتح ) موقع الارض .. اقرب محطه لها حوالي 40 كيلو او 50 محاطه بالمزارع .. ومثل ما اهل الخبرة عارفين ان المزارع لها معدات وتتطلب مشتقات بترول ( بنزين .. ديزل ) ..

ياليت اهل الخبره يفيدوني بهالشي ..

للمعلومية : ليس لدي امكانية مادية للفتح محطة .. لاكن بالنسبة لمكتب العقار ان شاء الله عن قريب .

[/align]

بالنسبه للمحطه بمكانك تبحث لها عن شخص تأجره الارض ويبني المحطه ويستثمرها لمده 10 او 15 او 20 سنه (المده اللي تحددها) ويطلع منها هو ووتكون انت ماتخذ منه شى طول هالفتره وتحسبها من قيمه اللي دفعه في بناء المحطه ...

والعقار ممتاز جدا ويعتمد على المنطقه اللي بتفتح فيها العقار من ناحيه العروض والطلبات ومن ناحيه ثانيه ايضا وهي المعارف وغالبا ماتجي المعرفه والسمعه الا بعد ما تفتح المكتب على بركه الله وتكوون صاحب تعامل ممتاز ومصداقيه واحترافيه في تسويق العقار ..

تقبل مروري

ام جوانه · #23 (**permalink**) 10-01-2012, 12:01 AM

شوف افضل من ناحية الفكرة والمربح المحطة لانها على موقع سفر لكن المحطة مثل ماقلت مكلفه جدا
لكن نصيحتي من واقع ناس اعرفهم عندهم ارض واجروها على ناس استاجروا الارض للمحطة هاذا اقتراح او الاقتراح الاخر انك تشارك احد بهالمحطة لكن انا من اللي رافضين لمبداء المشاركة احاول ابعد عنه قدر الامكان

شكرا يارب اكون افدتك

النجيلة الصناعية · #24 (**permalink**) 10-01-2012, 01:12 PM

تحديث ,,

اقتباس:

محطه لقطة طريق القصيم المدينه85الف م2 تخدم طريقين

المساحه// 85الف متربع

يوجد بها

سوبر ماركت كبير جدا
ومسجد نساء ومسجد رجال
2مطعم
خدمات بترولية كاملة (ديزل /بنزين/زيت)
8سويت وفيه امكانية زيادة عددها و6محلات
واصل لها لكهرباء
بها 13عداد
4خزانات ماء
16طرمبة بنزين
2ديزل قابل للزيادة
بها مظلات
تقع على 4شوارع
ومكتب اداري للمحطة

المحطة على طريق الرس ( مو على طريق المدينة المعروف )

تأجيرها السنوي 1.200.000

ابحث أكثر بالمشروع ..

هولكو · #25 (**permalink**) 10-01-2012, 01:19 PM

اقتباس:

يابنك الشر

هذا رد وانا بفيدك وبس

س ب · #26 (**permalink**) 11-01-2012, 02:41 AM

اقتباس:

المشاركة الأصلية كتبت بواسطة عاطل جالس

يالغالي مقاولات مافيه تعقيد بس جيب خشب وسيارة فقط ويجونك اناس في المكتب وتوقع عقد معهم ان الاسمنت والبلك والحديد عليه وانت عليك البناء وخلاص وطلع على المتر 180 ريال يعني اقل عمره مساحه 300 مثلا نسوي الميده سعر المتر 180 يطلع الفلوس 54الف عمال عددهم 3 بناي وحداد ونجار ياخذ حسب الاتفاق نقول انت 40% ونجار 20% وحداد اغله 30% نجار20% تاخذ من العماره الوحده 13 الف يعني تبني في السنه 4 عماير وش تبي فلوس من المقاولات وفلوس من العقار

اخوي عاطل هاذي يبيلها متابعه ، ومثل منت عارف اذا كان صاحب المشروع مو على راس العمال كذا بتكون الدعوه فلتانه .. بس بالنسبه للعقار من العصر الين الساعه 10 .. واغلبها على الجوال اتصالات ووصف وكلمتك هي الفيصل في الموضوع ..

س ب · #27 (**permalink**) 11-01-2012, 02:44 AM

اقتباس:

المشاركة الأصلية كتبت بواسطة ماجدالمطيري

بالنسبه للمحطه بمكانك تبحث لها عن شخص تأجره الارض ويبني المحطه ويستثمرها لمده 10 او 15 او 20 سنه (المده اللي تحددها) ويطلع منها هو ووتكون انت ماتخذ منه شى طول هالفتره وتحسبها من قيمه اللي دفعه في بناء المحطه ...

والعقار ممتاز جدا ويعتمد على المنطقه اللي بتفتح فيها العقار من ناحيه العروض والطلبات ومن ناحيه ثانيه ايضا وهي المعارف وغالبا ماتجي المعرفه والسمعه الا بعد ما تفتح المكتب على بركه الله وتكوون صاحب تعامل ممتاز ومصداقيه واحترافيه في تسويق العقار ..

تقبل مروري

اخوي ماجد يعطيك العافية .. البحث عن مستثمر بيكون حلي الاخير .. جاب انا اتملك المشروع

..