تخرجت

مليت · #1 (**permalink**) 19-02-2008, 03:48 PM

بسم الله الرحمن الرحيم

زملائي في منتدى البطالة

السلام عليكم ورحمة الله وبركاته

حبايبي قبل ثلاث سنوات او اقل سجلت بالمنتدى وانا لاأحمل الا شهادة دبلوم ، وبفضل الله ثم بنصيحة بعض الاخوه الاعضاء وخاصه نصيحة اميرة الورد، تخصصت بادارة الاعمال واخترت مسار موارد بشريه

وقد تخرجت بفضل الله ، والان مؤهلاتي كتالي:

بكالوريس كلية الاقتصاد والاداره بتقدير جيد جدا
دبلوم ادارة اعمال
شهادة idcl
شهاده في الشبكات

دوره في اللغة الانجليزية

وبعد كثر الدوران

واللفلفة

لقيت ان الواسطه هي المفتاح

وشرايكم اروح لقطر او الامارات وأعيش هناك لان الوضع من سيء لاسوء

[IMG]http://alnawar.******.com/Dizziness.jpg[/IMG]

وحسبي الله ونعم الوكيل

طال السفر · #2 (**permalink**) 19-02-2008, 03:53 PM

1-مبروك
2-من طلع من داره مل مقداره
3-لو افترضنا انك تبي تروح الامارات ترى كيس الخبز بـ5 ريال
يعني نسبه وتناسب يمكن تلقى وظيفه بــ15 الف درهم بس مصاريفك
شهريا تقريبا 13 على الأقل
4-اصبر واستغفر والله ان تتوظفت
5- ياليت تعلمني شلون اقتصاد وموارد بشريه
لاني احب تخصص الموارد البشريه احس مستقبله حلو
بالتوفيق والله يووووووووووووفقك والله فرحت لك من جد

مليت · #3 (**permalink**) 19-02-2008, 04:08 PM

اخوي طال السفر شكر لك

انا سجلت منتسب في جامعة الملك عبدالعزيز

وابشرك عادلت مواد وتخرجت بسرعة

والكلية هي كلية الاقتصاد والاداره

والتخصص ادارة اعمال

اما المسار فهو اخر فصل تحدد مسارك مثل تختار تسويق او عمليات او موارد بشرية ونا اخترت موارد بشرية لسهولتها اولاً ولان هناك حاجة ملحه لها في القطاع الخاص

وإذا حبيت المزيد من المعلومات
هذا الرابط يفيدك ونا اخوك واي شي تحتاجه من الجامعة ابشر بسعدك

http://www.economics.kaau.edu.sa/New...ges/index.html

أم الوظائف · #4 (**permalink**) 19-02-2008, 04:17 PM

مبروووووووووووووووووك..

وربي ييسر لك..

اتوقع افضل دولة خليجية هي الكويت كأنظمه..

وحقوق للمقيم والمواطن..

بصراحة الكل ودية يطلع.. وتتيسر له برى..

بس الخوف انك تعمل مع دولة.. وتتأقلم هناك.. واذا شبعوا منك او زعلوا على السعودية شاتوك..

ولافيه ابن ام راح يوقف معك..

الله يوفقك.. واذا طلعت حاول تاخذ الجنسية عشان يكون افضل لك.. وخل الجنسية السعودية احتياط..

مليت · #5 (**permalink**) 19-02-2008, 04:38 PM

أم الوظائف شكر لك

إلى متى نصبر قالوا مافيه فلوس نوظفكم

وصبرنا وكملنا تعليمنا

تخرجنا بعد ماجت الطفره الثانيه
ومكانك سر مافيه وظائف الا بالواسطه
ولد عمي معه ثانويه بالواسطه صار في مكان محترم وتزوج وستر على نفسه وعلى بنت الناس زوجته
وحنا يالصابرين وش لنا لاتقول وطنية أقسم بالله إن جدي ممن شارك مع عبدالعزيز رحمه الله في توحيد البلد ، وش كان مصير احفاد؟
ماقول الا أني احب وطني ولكن هل اصحاب........والتجار والخويا وغيرهم يحبون وطني ويصبرون كما صبرت انا وكل اخواني العاطلين

ام لابد من الطنطنه بها الوطنيه

الوطنية انتماء وكل شيء
ولكن ان اصبح عاطل في أغنى بلد في العالم لالالالالا لن اقبل الذل ونا ولدت حرا

فارس الشمال · #6 (**permalink**) 19-02-2008, 04:40 PM

اولا .. ألف مبروك .. وعقبال مانبارك لك بالوظيفة قريب ان شاء الله ...

اما بالنسبة ..للوظيفة خاج السعودية .. أفضل وبكثير .. بس انا مع اختنا ام الوظائف

مالها امان .. والامان بالله طبعا .. بس أي مشكلة وخاصة السياسية منها راح تكون بين الرجلين .. ولو انك في اكبر منصب وبراتب مليون

هذا اذا ما أخذت الجنسية .. لاكن اذا أخذت الجنسية راح يكون فيها كلام ثاني وبالتوفيق ان شاء الله

*كلـــي أمــــل* · #7 (**permalink**) 19-02-2008, 05:19 PM

مبروك التخرج..
والله ماأدري وش أقول؟؟
لكن عسى الله يوفقك..ويسهل دربك..وييسر أمرك..ويحقق أمانيك.

مليت · #8 (**permalink**) 19-02-2008, 05:21 PM

الجنسية انا مابدل جنسيتي ابد

وهذا ليس عنجهيه مني او فشخره كذابه ولكن انا احترم دم اجدادنا الذين شقوا وتعبوا للبناء هذا الوطن

ياخوي هل طلبي مستحيل

لنأخذ مثل:
قال لي صديق عزيز أن احد ابناء الكبار بعد تخرجه من الثانويه بدف وبعد رسوب متكرر

اراد أن يكون تاجر ( يقزر وقته علشان مايقولون عليه عاطل) المهم وش سوى طلع سجل تجاري وخذ من الفلسوف والمكرمات وسوى له شركه وجاب له لبناني وغيرهم علشان يشغلون له الشركه، ويوم ضيقت عليه وزارت العمل لتوظيف سعودين ، قام يضف من بطاقات الاحوال ويسجلهم في الشركه براتب الف وخمس مئة مع اقل انواع التأمين عند التأمينات ومشي عمره ، وديفيد اللبناني يوظف من ربعه ، حتى انه بدا يوظف بناتنا عنده

وتقولون اصبر...............

اللي مايعشيه مخلابه مهوب رجال
ونا رجال وإذا مالقيت وظيفه ، مالي الا السعي في الارض والابتغاء من فضل الله ،
ودول الخليج عازين مواطنينهم........

ولاحول ولاقوه الا بالله