الفكرة
عبارة عن موقع الكتروني للتعليم عن بعد بواسطة فصول افتراضية حيث يمكن للمعلم مشاركة سبوره افتراضية او سطح المكتب او الصور ويمكن يتفاعل مع الطالب اما عن طريق التحدث من الميكروفون او الكتابة في صندوق المحادثة

1- المدرسين والاشخاص الي يملكون مهارت في اي مجال من المواد المدرسية البرامج او البرمجه او الطبخ المجال مفتوح للمبدعين اي شي يكون الشخص ماهر فيه وقادر على تعليمه للغير والأستفادة منه فالمجال مفتوح

2- الطالب الي يحتاجون مدرس خصوصي لاي ماده او اي احد وده يتعلم اي دوره والمواصلات صعبه او الشي الي يبغاه ماهو متوفر بمدينته وغيرها

فكرة المشروع جتني في يوم من الايام قعدنا نتكلم عن المدرسات الخصوصيات وارباحهم الخياليه
وكانت اختي تقول شكلي لما اتخرج من الجامعه بشتغل مدرسة خصوصيه ارباحهم عاليه فيه مدرسه كانت تروح لها من جنسيه عربيه كانت تاخذ على الكتاب 1200 ريال للبنت المجموعه الوحده تتكون من 8 طالبات تقريبا تشرح لهم ساعتين يومين في الاسبوع و تاخذ في اليوم 3 مجموعات وعليكم الحساب لا وبعد ترفض بنات يجونها تقول زحمه عندي

ففكرنا لي ما حنا نستفيد من هذي الفلوس البلد مليانه ناس معها شهادة جامعيه ولا فيه وظائف وكان اكبر عائق للفتاة السعودية خاصه هي انها ما تقدر تروح بيوت ناس غريبة

وقدرنا نحل هذي المشكله في مشروعنا