السلآم عليكم ورحمة الله وبركآته.

أسعد الله صباحكم / ومسآئكم أخواني وأخواتي...

قضيتي اليوم باختصآر هي بنك الرآجحي وتجديد بطاقتي ..وفروعه النسآئيه..ومأسآتنا بالانتضار وبتآالي يقولك تعالي بكره..

يعني منطقه كامله مايكون فيها غير فرعين نسآئيه لييييييش...؟؟؟؟؟؟

ماعلينا وفوق كذا الفروع الرجاليه فاضيه نقولهم اوك ماعندنا مشكله نكمل بيآناتنا بالفروع الرجاليه..
يقولك لا عندنا تعميم البطاقة النسآآئيه مكتوب عليها الفرع النسآئي..

سؤالي إلى متى هالتخلف عايشين فيه وفوق كذا حصل مثلا ضرف مثل موضوع حافز وعلى اثره صار الزحمه مادام طاقاتكم الاستيعابيه للبنك للفروع النسآئيه ماتتحمل سوو استثناء موب بس تسذا

لاجا دورك بعد الزحمه قالت لك الموظفة السستم خربآن..؟؟؟؟ وشو تردون عليها

ولا جا دورك المره الثانيه تقول لك الموظفه البطايق خلصت .؟؟؟؟ بنك شلون البطايق تخلص

ومن حرة مابي نروح عند مديرة الفرع للأسف تطلع اردى واردى مع احترامي تقولك وش اسوي ؟؟؟؟؟ مين يفهمها يقولها انتي ليدر انتي المسؤوله مابو امل

بس المشكله موب منهم وربي المشكله ماحد يسمعك وين نشتكي أبي اعرف وين هالحين لي اسبوع اراجع فيهم ولاحياة لمن تنادي ..


وهذا العلم وسلآمتكم وماأقول غير .....!!!!!!!!!!!

الله يعينك
العن شئ القسم النسائي واخبث ماوجد عندنا بالسعودية ، قبل كل معاملاتنا بخير وتمشي من حطو قسم النساء والدنيا
خاربة وانا مجربتهن اي قسم في التعليم في البنوك والظمان في كل شئ الحكومة ماقصرت حطت هالاقسام عشان تتسهل الامور ومايدرون ان الامور اتصعبت وحسبي الله ونعم الوكيل فيهن اكل و سوالف بالهاتف ونفوس خايسة الله لايوفقهن والله اني معبية منهن ومقهورة واتمنى تتلغى هالاقسام

انا اكره اي قسم نسائي النفسيات الله لاوريك وكانها تدفع لك من جيبها
وبنك الراجحي يضم نفسيات من الجنسين مااعرف ليه وزحمه وصرفاتها ماهي موجوده في كل مكان
انا يوم فكرت افتح حساب كنسلت على الراجحي زحمه ونفسيه زفت
انتي اذا تقدري غير البنك لانه بنك فاشل بموظفينه وخدماته

يالب الامريكي سامبا وارفع يدك /:

هم بشر ترى ولهم طاقه أستيعابيه

وش ذنبهم لما الحكومه تحط برنامج ويصير الناس تتدافع بدون تفكير
والمصيبه تجيك عميله تبي تخلصين كل أمورها وبسرعه وزوجي برى وزوجي يقول
وليه زحمه أنا مستعجله ...!!

أختي طبيعي تخلص البطاقات ويخرب السستم من الضغط
يعني تتوقعين أنهم ما يبون يخدمونك ،، هم موجودين للخدمه ويأدون عملهم

بس وقت الدوام من عشره لأربعه ونص

تجيك 300 عميله باليوم ،،، تبين وش يسون الموضفات

غير التطاول من بعض العميلات

الله يعين الجميع

معاملاتهم للعملاء زفت من قبل حافز
وكذا وحده تشتكي منهم وانهم مايمشون الا معارفهم
وحتى لما جاء حافز البنوك الثانيه تعاملهم غير مثل سامبا والانماء تعامل راقي

الله يعينكم ويعين السوااق اللي ينتظركم

وبالتوفيق اختي