السلام عليكم ورحمة الله وبركاته
طبعا هذا اول طرح لي بالمنتدى وحابة استفسر عن خدمة العملاء بالراجحي
انا مقدمة على وظيفة ببنك الراجحي عن طريق موقعهم هالكلام بشهر 7 عام1432هـ
اخر شهر 11 جاتني رسالة ع الايميل اني اروح اسوي مقابلة شخصية بالرياض في فرعهم اللي بالعلياء طبعا بسبب ظروفي اني من الجنوب اجلت المقابلة لشهر 12 وسويتها والحمدلله اجتزتها وكانت الوظيفة بابها لاكن رفضت لانها مو مكان سكني وقالوا لي لو توفرت وظيفة بالمكان اللي انتي فيه دقينا عليك
الحين اللي هو شهر 2 من السنة الجديدة1433هـ الحمدلله اتصلوا وقالوا نبيك تتوظفين بالفرع اللي عندك قلت تم والحمدلله رحت لهم واخذت الاوراق وكل شي ومكتوب ان وظيفتي (ممثل خدمة عملاء) طبعا سئلت المديرة عن الدورات التدريبية قالت التدريب راح يكون هنا معانا بالعمل وسئلتها عن راتبي قالت 4200 ...>>>طبعا السؤال يبداااا من هنا
س1 /انا خريجة من قسم لغة انجليزية يعني بكالوريوس
مو المفروض راتبي يكون من 5500 وفوق انا هذا اللي اعرفه >>فسؤالي هل هذا الراتب فقط لين اخلص فترة تدريبي لمدة 3شهور عندهم بعدين يزيدونه او انه ثاااابت؟؟؟؟
س2/ابي اعرف كل حقوووقي اللي في البنك ؟
طبعا الحمدلله معروف بنك الراجحي مابه اختلاط فابي اي احد عنده اي معلومة تتعلق ببنك الراجحي يكتبها لي تكفوووووون مالي الا الله ثم انتم وابي مساعدتكم

20 مشاااهدة ولا رد

الرجال .. أقل راتب 5500

بس ماعندي خبر عن رواتب البنات

هلا قحطانيه انت من وين .ومتى دقو عليك وهل بعد ماعملتي المقابله طولو لين دقو عليك
الراتب علي حسب مؤهلك اعرف وحده في الراجحي 5500 بس انت ليه 4200 والدورة لازم بالرياض
بنت عمي كانت دورتها في الرياض

اخوي بكالوريوس وتوظف من فترة قريبة ..


بالراجحي راتبة كامل 7 الاف وشوي


بس غريبة راتبك قليل يمكن يقصدون الاساسي؟ لان فية بدل سكن يضاف لك .وكذا


وتامين طبي لك ..


خصوصا لو كنتي رسمية


واللي اعرفه يوم قبلوة سوو لة دورة اسبوعين بالرياض بفندق وبعدين باشر بعملة .



الراجحي الناس ماتمدحة ابدا ولكن الحلو بالموضوع انهم حطوك بخدمة العملاء وانشاء الله يخلونك عليها لان اخوي كان مدير مبيعات ويوم راح للفرع حطوة صراف والصراف شغله متعبه ومسؤوليات وخصميات وقلة حيا..



البنك للي مايلقي شي حلو يتوظف فية ويقطع وقت .ويستفيد خبرة وينتقل لمكان افضل.)) بالخبرة طبعا



بالتوفيق لك والف الف الف الف مبرووك ...تستاهلين كل خير