طرائف وغرآئب وهوآيل العائله السعوديه:

* مستحيل يصحونك من النوم ويقولون لك الوقت الحقيقي

* اذا طلبت أكل من برى كرهوك بحياتك والاكل وكل شي من كثر النصايح .. نتسمم قبل يجي الأكل

* لما تقول : اففف ملل الإجابة تصير خطبة جمعة واحمد ربك في ناس متسدحين بالمستشفى ... إلخ

* جوال الام سبيل للكل ..

* اذا خلصت بطارية الريموت نضرب الريموت ونضغط على الأزرار.. لا تكفى بيعقل وما يكررها

* لااااازم في كل عائله في واحد عيارته ابو خشم وإلا السوري أو المصري

* من سابع المستحيلات اذا دخلو عليك في غرفتك يسكرون الباب بعدها

* الأب: المالية .. الأم: الداخلية .. الأخ الأكبر: مواصلات الأخت الكبرى : مستشارة وبقية الأخوة مواطنين مظلومين وآخر العنقود: مباحث
والشغاله ساهر

* إذا كنت نايم ومستغرق في النوم يجيك اخوك الصغير يدخل الغرفة ويفتح اللمبات ويسكر المكيف ويقول العبارة الشهيرة !!أمي قالت لي

* إذا كنت برا البيت وجوالك مغلق ، غالبية احتمالاتهم يا انك ميت أو صاير لك حادث، ينسون إن الشحن ممكن يخلص

* الأم السعوديه لآ بغت شي وهي تصلي .. قآمت تصفق .. وعليك أن تفهم البآقي

* إذا اشتريتوا كيك للضيوف وحطيتيه بالثلاجه تلقى وحده فيها مكان اصبع ولا نصه مأكول ولا الفراوله مشيوله

* دآئماً اللي جالس في النص هو اللي يغرف واللي جالس على الزاويه هو اللي يصب المويه والبيبسي

* إذا ضاع بزر أنواع الدرآما والترآجيديا وإذا لقوه كفخوه ليييش

* الخلافات والنزاعات والنقاشات الحاده ماتصير وتحلى الا قدام غرفة واحد نايم!!

* لايوجد في قاموس الاب او الام كلمة تنهي المكالمة لازم يتسكر الخط في وجهك فجأة و بدون سابق انذار اتساءل ليش؟

رغم ذلك تظل العائلة السعوديه أحلى عائلة فِـ الكون

ككككككككككككككككككككككك


وربي صاااااااااااادقه

وخااصه * إذا كنت برا البيت وجوالك مغلق ، غالبية احتمالاتهم يا انك ميت أو صاير لك حادث، ينسون إن الشحن ممكن يخلص



شاكر لك

ههههههه



والله حلوة



فى الصمــــــــيم 100%

هههههههههههههههههه

ههههههههههههههههههههههههههههههههههههه
* من سابع المستحيلات اذا دخلو عليك في غرفتك يسكرون الباب بعدها
لو تموت مايسكروون الباب ..نفسي اعرف السبب

موت من الضحككككككككككككككككك صدق

والله صادقه كانك تحكين عن عائلتنا
وخصوصا لوضاع بزر والله مره ضاع اخويه وكان عقلي بيطير من راسي
ولما لقيناه استقبلته بذاك الكف الجااامد عشان يحرم ما عاد يضيع مره ثانيه

ههههههههه

رغم ذلك تظل العائلة السعوديه أحلى عائلة فِـ الكون

حياتها سعيده بتواضع عاداتها وأشوف كأنها بجميع مناطق المملكه هي كذا
تسلمي على الطرح

* من سابع المستحيلات اذا دخلو عليك في غرفتك يسكرون الباب بعدها
اي والله صح