السلام عليكم ورحمة الله وبركاته

كيفكم اخواتي الاعضاء بصراحه انا سجلت في المنتدى واستفدت منه كثير وحبيت افيدكم واعطيكم فكره ممكن تستفيدو

بالنسبه لباب رزق جميل كثيرة المواضيع عنها لدرجة حتى في البلاكبيري

وانو طالبين 100 موظفة ومافي الا 25 قدموا

انا اتحمست ورسلتلهم السيفي عالايميل بس وبعد يومين اتصلت علية وحده وقالتلي لقينالك وظيفة في محل لانجري براتب 3800 ريال بس لازم تجي يوم الاربعاء الساعه 9 بالضبط وتجيبي معاكي بنات صحباتك او قريباتك اذا يبغوا يتوظفوا لاننا محتاجين موظفات

المهم جا يوم الاربعاء ووانا وكل البنات رحنا قبل الموعد بنص ساعه ولقينا مجموعة بنات غيرنا لا بأس بها

المهم وصلنا هناك وقالوا ترى هو مو محل لانجري لا فهمتوا غلط ترى الوظيفة في محلات قزاز وبعدين اعطونا استماره وسجلنا اسمائنا وارقامنا وكل شيئ وقالواانتظروا الين مايجي المسؤوول يسوي معاكم مقابله معاكم كلكم وجلست تفهمنا عن الوظيفة

قالتلنا انو الراتب 3800 لكن 3 شهور تدريب في فرع قزاز الي في البلد ودوامين صباح ومساء وبعد الـ 3 شهور ممكن تنقبلو وممكن لا طنشنا وقلنا نشوف الاخر <<< حسسوني بيوظفوني وزيرة العمل

المهم انتظرنا ساعه ساعتين ثلاثه الين سارت الساعه 11 ونص

جاتنا الموظفة الي اتصلت علينا وقالتلنا ترى المسؤوول الي المفروض يعمل معاكم المقابلة اعتذر وقال انو خايف يجي عشان الجوو مغيم ومشوار من البلد الين الصيرفي موول <<< الوليد بن طلال ماشاء الله بيطلع من بيتو

المهم ساروا البنات يعصبوا واتنرفزوا الا طلعت الفضايح وحده تقول رابع مرة تجيهم ويسوو نفس الحركه ووحده تقول ان كل مرة يتصلوا عليها وبعد معاناه عشان تسوي مقابله معاهم في الاخير ماتنقبل ويرجعوا يتصلوا عليها انو في مقابلة من شركة تانيه من طرف باب رزق وتروح ونفس الشيئ

بصراحة حمدت ربي انو اول مررررررررره اروحلهم واخر مرررره ان شاء الله

بس الصراحة حسبي الله ونعم الوكيل لطعونا زي الكلاب ويعشموا البنات ويخلوهم يجوا من اخررر الدنيا في الاخير يسوو الحركات دي

بنات انصحكم لاااااااااااااااااااااااااااااااااااااا تروحو لباب رزق تراهم كدابين اهم شيئ عندهم تعبي الاستماره وتوقعي عشان يثبتوا انو بيجوهم بنات وكل شيئ ما شي تمام وفي النهاية يوظفوا الي يبغوهم والي بواسطه طبعا

انا سويت الي عليه يا بنات وهذا كل الي عندي واتمنى للكل التوفيق ان شاء الله والله يزرقكم بوظيفة محترمه يارب

معروف باب رزق هذا
سمعتهم سيئة للأسف والله حسيبهم ،

حسبنا الله ونعم الوكيل لكن شكراً على النصيحة .

ايوة والله اختي من جد صح كلامك انا الي استغربت منهم

طول مدة انتظاري في المركز

يجوو حريم يبغوا دعم للمشاريع الصغيره تروح تجي الموظفة تقول بطلنا ندعم الكوافيرات والمشاغل في الفرع هذا روحي الفرع الفلاني

تجي وحده ثانية تبغى دعم لمدرسة اهليه تقلها بطلنا ندعم المدارس دحين بس المشاريع الي زي المشغل والكوافيرات

كذب عيني عينك قدام الكل حسبي الله ونعم الوكيل يارب اصلا في ناس يقولوا مو ذنب الموظفة بس انا اقوووووول حتى الموظفة حسبي الله عليها لانها عارفه انو كلوو كذب في كذب وتصريفات ليش يتصلوا عالناس

والله وحده كبيرة في السن حزنتني قطعت قلبي جايه بتاكسي من بيتها الين المركز تقول حتى حق التاكسي مستلفتوا حرام عليكم كدا تسووو فيا وهذي ثالث مرة تتصلوا عليه وتصرفوني

بس من جد حسبي الله عليهم وعلى موظفاتهم رواتبهم حرام في حرام والله يعاقبهم في الدنيا قبل الاخرة يارب

الله لا يوفقهم اتمنى نشر فضحائهم

اولا ماتعتبر تجربه لانك اول مرة تتعاملي معهم وماجربتيهم ..

ثاني انا غاسله يدي منهم من زمان ومثلك مارحت لهم الا مرة وحده واخر مره ..

ثالثا فيه شي بس استغفر الله مابقوله والله يستر علينا دنيا واخرررررررررررررررره ..

موفقه اختي ..

لا مو اول تجربة

اول شيئ قبل فترة اختي راحتلهم وسارلها نفس الشيئ وغسلت يدها ونصحتني بس انا ماسمعت الكلام وقلت سبحان الله ممكن ديل الكلب ينعدل على حظي وبيكون احسن

لكن طلع مافي احد احسن من احد كلنا نفس المعاملة القذرة

انا شفت اعلاناتهم بقناة العربية وشغلني الفضول بس من كلام ناس كثير جداً
اللي نشوفه بالاعلانات مانشوفه بأرض الواقع والله كريم والله يرزقك يا اخت
ترا السعي للرزق له لذه وحلاوه والفرج قريب باذن الله الواحد ما يستلسلم ابد