12-01-2012, 12:06 AM
|
 |
عضو نشيط
|
|
تاريخ التسجيل: Dec 2011
المشاركات: 140
معدل تقييم المستوى: 305750
|
|
ياخي ذكرتني بنفسي الدنيا غريبه و الله
انا كنت نفس حالك ابوي مطلق امي و انا اللي كنت شايل البيت بعده وكانت حالتي ازفت منك
وكنت اول تجاره لي باول جامعه مثلك يعني سبحان الله
أسمع أخوي انا ماجلست ابكي على حالتي وأقول ابوي وأبوي لا يابعد قلبي فكرت وفكرت لين تقطع مخي من التفكير
أسمع اخوي انا بديت تجارتي بمالاتتصوره تسلفت من أمي 500 دينار كويتي <~ اخوك كويتي
تعرف يعني شنو 500 دينار و الله ماتفتح حتى الله يكرمك مشروع اكياس زباله بس أنا فكرت و كنت اعشق التجاره عشق جنوني وبعد الله سبحانه وتعالي ومخي اللي فادني <~ ياقوي انت
اسمع انا متأكد عندك مبلغ يقدر يسوي لك مشروع أحسن من راس مالي اول مشواري شوف انا اول مابديت 500 دينار كنت ابكي من القهر كانت علي مصاريف ومصاريف جامعه بحوث وغيرها مثلك يعني حاولت اشتغل بس ماقدرت فكرت بتجارة العمله ( الفوركس ) بس ماكنت اتداول من الأنترنت لان كلها نص في نصب كنت اورح لصاراف بنفسي واصرف وارجع اليوم الثاني اصرف وهكذا وخلال شهرين بتجارة العمله قدرت أطلع لي تقريبآ 3000 دينار كويتي تخيل من 500 إلة 3000 دينار كويتي خلال شهرين بس هم 3000 ماكانت تجيب مشروع بالأصح دخل ثابت مافيه رحت وفكرت وجت فكرة بيع افلام الكرتون على محلات الاشرطه وعلى الهنود اللي يترزقون من بيع الافلام فكرت لو اجيب جمله راح يكلفني وانا ماعندي غير 3000 دينار تدري وش سويت اخوي رحت شريت كمبيوتر ودي أس أل عالي وناسخ ديفيدي ورحت احمل من الأنترنت الاف الافلام الكرتون من مسلسلات وغيره وكنت اشتري الاكياس بالجمله عشان الاشرطه احطهم فيها وتعرفت على تجار لين الحين اتعامل معاهم المهم كنت احمل ونسخ بسيديات وهكذا لين كونت بغرفتي اكثر من 1500 سيدي كلها افلام رحت للمحلات ومحد رضى يشتري مني لاني كويتي او لانهم كانو يخافون مني يمكن بلديه بس اخوك ماوقف رحت للهنود اللي يبعون بجنط الافلام على البيوت وعطيتهم بسعر الجمله تخيلي مشروعي هذا كلفني تقريبآ 1000 مع الكمبيوتر وكل شي وعندي 1500 سيدي بعت السيدي الواحد باقل من سعر الجمله بخمسين فلس تدري كم ربحت 350 دينار ببيع 1500 سيدي تعتقد شويه لا وصرت اتعامل معاهم بكميات اكبر لأان الافلام اللي انزلها فريده بسوق يعني حصري على قولتهم وهكذا لين قدرت اثبت لي سعر ثابت كل شهر يجون يشترون مني قمت اطلع 1000 دينار بشهر الواحد ولا دخل ثابت لاني كسبت قلوب الهنود لاني كذا مره اعطيهم الاشرط ببلاش عشان اكسبهم وهكذا تخيل من 500 دينار سلف خلال كم شهر صار لي دخل ثابت 1000 دينار ولا من تجارة افلام كرتون و ماكنت تكلف لا ايجار ولا خرابيط بغرفتك وشغال على التحميل بعد ماكونت راس مال تقريبآ خلال كم شهر 5 الاف دينار هم ماكانو يفتحون مشروع حلو اشتغلت في تجارة الدباب تاجير الدباب على العوايل في الأستراحات كان عندي 10 دبابات و كل دباب بساعه 4 ونص دينار كويتي وكل دباب باليوم كان يتأجر اربع ساعات
كنت باليوم اربح 180 دينار 180 ضرب شهر = 5400 دينار يعني خلال شهر طلعت راس المال وفوقه عشر دبابات ( سيكل ) شفت كيف وصلت من 500 إلى 5400 دينار بشهر و ماوقفت عند 5400 دينار بشهر اصلآ أنا تركت الجامعه بعد هذا الشغل كله ووزعلت امي مني لأاني ماجبت الشهاد قلت في نفسي ادرس واخر شي انطر مثل المسكين انطر وظيفه وجمعت راس مال 70 الف دينار وشريت فيه مثل المزرعه وشريت طائر السمان تقريبآ 5 الاف طائر و طائر الواحد كل يوم يجيب بيضه وحده يعني باليوم عندي 5 الأف بيضه كنت ابيعه على المحلات و البقالات وعلى اصحاب المزارع و كنت اربي منه للبيع
وخلال شهر صار عندي تقريبآ 7 ألف او أكثر من البيع البيض والطيور و خلال سنه واحده طلعت اول نص مليون لي نعم نص مليون من تجارة السمان اللي كانت امي واهلي يضحكون علي يقولون و الله ماتربح وبعد هالمشروع قمت افتح عماير و بقالات بل اشتغلت في تجارة الحديد بالأطنان اشتري شوف ياخوي سو اللي تقدر عليه و الله يوفقك اذا تبي تروح لشركات والكلام الفاضي اقول عليك العوض ابن نفسك بنفسك حتى لو تشتغل تاكسي ( عبريه ) انا اشتغلته وجبت رزق فيها العيب عليك أنك تجلس وتبكي على حالك
وفقك الله اخوي وتأكد اني انا موجود اهنيه عشان أساعدك وترا عمري مو اكبر من 25 سنه ~< عشان لا تقول على ايامك كان كل شي يمشي وجديد
|
العرض العادي
