إخواني انا كنت مشترك مع زملاء لي بشركة تقسيط والآن استقليت وفتحت مؤسسه باسمي جديده لكن تعرفون المؤسسه لابد من الاعلان بالجرايد وبعد الاعلان راح يكون الاقبال كبير وهذا المتوقع باذن الله حسب تجربتنا سابقا لكن المشكله المال الي عندي راح امشيه وراح استقبل طلبات وبدون سيوله طبعا اكثر المؤسسات تعمل على جلب مستثمرين لكن انا الان اتساءل وش افضل طريقه لجذب المستثمرين واقناعهم بالمشروع بدون ما يتحسسون أو يتصورون اننا مجرمين مثل ماهي موجوده الصوره عند كثيرين مع ان المصلحه لهم انا اوفر لهم العميل واكتب ضماناتهم وكله بشكل رسمي وبتصريح واخذ رفايدتي من المشتري وليس منهم فالسؤال ما هي افضل طريقه للتعامل مع المستثمرين

وصلى الله وسلم على نبينا محمد ,,

مبروك المؤسسة وماشاء الله عليك قدرت تبدأ بنفسك .. وكمل ولايهمك انت خليك شغآل واعطي خبر للي حولك

ونظم الجلسة عندك بحيث تكون متواجد بأوقات الذروة .. وخبر قرآيبك او شخصين تثق فيهم لو مبلغهم بسيط رآح تمشي شوي شوي لحد مايعطون خبر للي حولهم وبكذآ تبدأ لكن مسألة إعلآن والكلام هذآ اتوقع بشكل مبدئي ماراح يمشي ..

انت اتفق مع شخصين على الأقل كمستثمرين بمبلغ بسيط وبعدهآ يجربوا وتكون المسؤل عنهآ انت وبإداراتهم وبكذآ تكون الضمانه قوية بعد الله سبحانه وتعالى ..

بس ياليت توضح مكان المؤسسة والمدينة لكي يكون الموضوع واضح للقآرئ.. ووفقك الله ..

الله يبارك فيك ويرزقني واياك والمسلمين من واسع فضله

وشاكر ومقدر كلامك لكن مثل ما قلت لك راح تجي طلبات ما اقدر اغطيها ويؤخذ فكره سيئه عن المؤسسه كبدايه وهذي هي المشكله وبالنسبه للمكان الرياض وحي النهضه وما اخفيت اسم المؤسسه الا لطمعي بالفايده المعلوماتيه وليست الماديه لانها راخ تعتبر دعايه وكسب مادي واحرم من المعلومه بسبب الحذف

واكرر شكري وتقديري لشخصك الكريم

[align=center]
بالتوفيق يا رب .. يجي من يفيدك بإذن الله .
[/align]

اخوي الله يوفقك

انا عندي مبلغ 300000الف و داخل براسي تقسيط السيارات

لكن اخاف من المماطل والتسحيب من العملاء

ما هي الضمانات التي تؤخذ على العميل وتضمن بها حقوقك

وهل مكاتب التقسيط تضمن لي حقوقي من العميل اذا انا شغلتها عن طريقهم

وهل هذا المبلغ مناسب لبداية المشروع

وشكرا لك

شيخ العرب الله يحييك ويبارك فيك ولا هنت

زير ون

الله يجزاك خير

وبالنسبه للتقسيط مجرب ومضمون بإذن الله لأنه على ورق وتوقيع وبصمه وشهود وفي مؤسسه ذات سجل تجاري وترخيص نشاط مع اتفاق مع محامي لا سمح الله ويكون مبلغ المحاماه مدرج في العقد من غير حق المستثمر وبالنسبه للضمانات كشف حساب اول شيء اذا كان وضعه المالي جيد بعد القراءه نطلب منه يكمل الشروط الباقيه الي هي تعريف العمل وبطاقة العمل والكفيل والاستقطاع على الراجحي اذا كان والشيكات وتعرف قيمة الشيكات بعد امر الامير نايف عام 1431 شهر 11 اللي بخصوص الشيكات والمؤسسه تتولى كامل الاجراءات وعلى الاتفاق مع المستثمر وبالنسبه للمبلغ مناسب ان شاء الله

وبالتوفيق لنا ولك

مشكور اخوي .. والله يوفقك ويكتب النجاح لمشروعك

امين ويجزاك بالخير