السلام عليكم ورحمة الله وبركاته



بسم الله الرحمن الرحيم




الحمدلله والصلاة والسلام على رسول الله وعلى آله وصحبه أجمعين







والله اقولكم كل اللي يصير معايه وقت الاختبارات وبصراحه تعبني هالشي وابغاكم تساعدوني والله يوفق مين يساعدني


الشي الاول / اذا باقي على الوقت لدخول اللجنه ساعه اروح للحمام اقل شي 3 من الخوف
اصحابي كانو زيي بس هم راحت منهم وانا وربي كأني بروح لحرب مو لاختبار بالرغم اني مذاكر واحس ماني مذاكر وماني عارف شي بالرغم اني مختم الماده ليش؟


الشي الثاني / ماعرف اذاكر الا اذا مشيت يعني اذا مامشيت بكتابي ماعرف اذاكر

بالنسبة للشيء الأول

أنت ياطويل العمر ذاكرت وسويت اللي عليك إذن اترك الباقي على الله

أهم شيء ركز لي على (الباقي على الله)

أنت إذا تركت الباقي على الله بتعين خير حتى لو لا قدر الله رسبت أو ما جبت النتيجة المأمولة

بالتوفيق لك

الله يوفقك في امتحانتك ., ونتمنى لك التوفيق .
عادي جدا الرهبه قبل الامتحاآن ., والخوف .,
لا تقلق كثير ., ولا تحمل لها هم كثير .,
خذ نفس عميق قبل الامتحان ., حاول تترك الكتاب قبل دخول الامتحان بنص ساعه .
لا تشتت فكرك بالمراجعات السريعه ., قبل الامتحان .,
رح وامشى قبل الامتحان شم هواء ., خذ لك عصير ., وتوكل ع ربك وادخل الامتحآن
ابدي بالتسميه والدعاء المعروف ..اللهم لا سهل إلا ما جعله سهل وانت تجعل الحزن إذا شئت سهل .,

آنا قبل بعض الاختبارات كنت احس برجفه ., واتوكل ع الكريم وادخل الامتحآن

اما سالفة انك ما تعرف تذاكر إلا ونت تمشي .,
ترى شي طبيعي جدا كل شخص له طريقة في المذاكره .,
وطريقتك إذا تشوف انها مجديه وتحفظ فيها لا تتركها الان ., ركز عليها حتى تنتهي من الامتحانات .,
وبعدين ابحث وجرب طريقة ثانيه .,
لا تاخذ ولا فكرة او طريقة جديده للمذاكره الان ., ما فيه وقت للتجربه .,
خلك على المشى ذاكر وانت تمشي وتلف
بس انتبه لا تطلع برى وتذاكر وتمشى يمكن ما تحس بنفسك شوي إلا تبغ لك تكسي ترجعك البيت .,

آنا كنت احب اذاكر في مكان هادي ., وبصوت خفيف .,
عكس زميل لي ., كان يحب يذاكر في لجه واصوات مرتفعه ., يجمع اخوانه الصغار ويذاكر ... والله شي عجيب .,


اتمنى لك التوفيق ., ذكرتنى بالامتحآنات ., الله لا يعيدها .,هههههه

عندي كذا سؤال تشخيصي ممكن تحاوب واقدر افيدك بعدين

تحس بشئ يمشي بجسمك مثل الاهتزاز او نبضات القلب في جسمك في انحاء متفرقه
اومثل الفار يمشي داخل جسمك اكرمك الله سريع
الاحلام الي تشوفها في منامك تحلم

طير

حيوانات

في بحر
وشكرا لك

نصيحه للمرة الثانيه .,

لا تشغل باللك الان كثير .,
بآقي اسبوع ع الامتحآنات شد حيلك ., وبعدهآ دور الحلول .,

الله يوفقك

انا وقت الامتحانات ما افكر الا بالاكل وانا اكل شي وافكر ايش اكل بعده
خخخخخخخخخ كل جسم له طريقته بالتعبير عن التوتر
لاتفكر كثير لانك بتزيد توترك

التوفيق من الله .. بلأخوف بلأ قلق ياغالي ..

النجاح والتوفيق من الله ..

وعندي أضافه لك : يعني مثلا عندك إختبار أدب وما قدرة تحفظ القصيده
أفتح لك دفتر كذا وأكتب القصيده بقلبك وأنت تقراها وعيدها مره ومرتين

وبالتوفيق ..,,

__________________
سبحان الله وبحمده

بالنسبه للاخ اللي سأل عن السؤال التشخيصي لا مافيني شي زي كذا بس الاحلام موجوده بس ليش هالسؤال

وانا خلصت اسبوع من الاختبارات وباقي اسبوع وربي صرت نحيف مره ههههههه

بس الله يديكم العافيه وانا طالب جامعي والمفروض ماخاف بس وربي الخوف زاد الله كريم وان شاء الله يروح الخوف والتوتر


ويارب اجيب معدل عالي


وشكرا على ردودكم وامانه ادعولي