13-01-2012, 06:17 AM
|
 |
عضو نشيط
|
|
تاريخ التسجيل: Dec 2011
المشاركات: 140
معدل تقييم المستوى: 305750
|
|
وعليكم السلام ورحمة الله وبركاته
أخوي بارك الله فيك ورزقك الله كل خير <~ أحرص على مراقبة الله في البيع والشراء
اسمع مني اللي يثلج صدرك أنشاء الله لأني كنت بسحب عليك لأني ماجربت هذا الموضوع وكنت اتوقع الاخوان يثلجون صدرك
عزيزي مافي شي اسمه قولوي او جيبو لي دراسة جدوى اذا بتظل جذي ابصم بالعشره أنك مراح تكمل بتجاره أخوي دراسة الجدوى بسيطه جدآ تنزل وتشوف لك محل وتشوف لك مخزن كم سعره تشوف المنطقه هل فيها بشر تنزل اسواق الجمله تشوف الاسعار وتشوف الاشكال واجلس اسبوع روح كل يوم اعرف من وين بتجيب البضاعه هل من المصدر الرئيسي ولا تاجر جمله امسك ورقه وقلم واخذ اسماء الشركات وارقامهم واعرف اسعارهم هذي دراسة الجدوى اللي انا اسويه وانجح بالمشروع احسن من واحد ماخذ دبلوم ادراة اعمال وغيره
هذا بنسبه لدراسة الجدوى نجي للمكان و المنطقه اللي بتسويها المحل احرص يكون عند محلات اي مايكون بروحه واحرص ان يكون في منطقه كثيرة السكان او قريه محل ابو ريالين مايعتمد على المساحه بكثره بس انصحك يكون لاكبير ولا صغير يعني وسط زوين يشيل بضاعتك اللي تبي تجيبها ام بنسبه للبضاعه من المعروف في الكويت في سوق مخصص للجمله وفيدبي فيه مخصص للجمله يعني كل مدينه فيها محلات بيع الجمله انت تروح الله يسلمك وتمسك ورقه وقلم وافضل تاخذ معاك كامرا وتصور اشكال الباضعه واسعارها اذا كانت البضاعه ربطات شعر يعني اشياء تخص البنات روح لاهلك قول وش رايكم بهذي الربطات الشعر او الاظافر اللي يحطونها البنات اكيد راح يقولون لك وش تحب البنات اللي مثل سن اختك وامك الله يخليهم لك و انا انصحك تروح للمصدر الرئيسي لبيع الجمله اللا وهي الصين او دبي انا انصحك بدبي لانها أول شي تقدر تصرف نفسك اذا ماتعرف انجليزي وثاني شي لأنها قريبه اما الصين اهي احسن واحلى من دبي بمليون مرا بس ماانصحك فيها لان هناك تجار اعرفهم ماكل معاهم خبز وعيش ارجعو منصوب عليهم كيف انصبو عليهم يشوف البضاعه بصين تجي بعد شهر يشوفها كلها مضروبه وهكذا و معاملة الشعب الصين خشنه خشنه خشنه لابعد ماتتصور ويمكن اذا ماتعرف انجليزي يضحك عليك المترجم اللي معاك او يتفقو عليك وانت عربي و من هذا الكلام ليش الصين احسن من دبي لان البضاعه تنزل فيالصين اول وبعدها دبي لان دبي مافيها كل شي يعني كل يوم 200 شركه تقام في الصين و اذا ماتقدر تروح تسافر لا يكلف الله نفسآ اللا وسعه تروح لمكان الجمله اللي عندكم وتحاول تطيح لك كم تاجر من تجار الجمله حاول تتكلم معها يعني من الاخر طيح معه الميانه اعزمه على غدا عشا انا كسبت تجار من سندوتش شورما اما للمحل انشاء الله تضبطه ويطل احلى محل وحاول تسكر سعر السوق شويه عشان تكون لك قاعده شعبيه من العملاء و اذا لسى مابديت بالمشروع ولا سويت اي شي انصحك تعتكف على الكتب الاقتصاديه و تطور الذات شهرين او شهر وتطلع عندك ثروه من الاقتصاد وانصحك بالاقتصاد الاسلامي لانه الوحيد اللي يحقق لك الثروه الهائله
اسف على الاطاله وسامحني و اذا في شي مافهمته لا تستحي تقول او تبي افكار انا حاضر اهم شي دعواتك
وفقك الله لما يحب ويرضاه ..
|
محل أبــو ريـاليـن ..
العرض العادي
