السلام عليكم ورحمة الله وبركاته
قدرت أدبر مبلغ مالي قدره 50000 ريال وفكرت في أكثر من مشروع ورسيت على مشروع عصائر طبيعية وهذه المعلومات في انتظار اصحاب الخبرة

- رأس المال 50000 ريال
- أجار المحل السنوي 18000 ريال
- ادارة المحل ستكون بنفسي من وإلى
-موقع المحل شبه زاوية على شارع عام نسبة الحيوية فيه من 50 إلى 70%
-مساحة المحل 5*7
أحتاج إلى مشورتكم
هل أحتاج إلى عامل ؟
هل رأس المال كافي؟
هل أحتاج إلى معلم عصيرات؟

شوف العصيرات شغالة
تمام لكن لو تعرف فيه عصير العرائيسي
موجود بجده كثير منه
اتمني لك التوفيق وانصحك باي معلم يمني معك

اكثر حاجة شايل همها معلم العصيرات
انا قلت بشتغل بنفسي بس فكرت فيها صح
قلت لازم معلم عصيرات
هل تتوقع اليمني جيد بهذه الشغلات؟

شوف اغلبب حلات العصائر مين فيها

والمهم موقعك وين

وعليكم السلام ورحمة الله وبركاته ..

اخوي مشروعك 80 % ناجح ان شاء الله

بس اخوي بقولها لك وحطها قاعده لك اذا مالك بالعصيرات لا تشتغل بنفسك و اذا ماتعرف جيب لك معلم شاطر و اذا ماعندك ميزانيه للعامل في كتب متخصصه بالعصيرات

وحاول تصير حصري يعني جرب تخلط عصير مع عصير يعني حاول تسوي لك عصير خاص بالمحل
وحاول تكسب الزباين واهم شي الشباب مثلآ اول مرا واحد يجيك قول على حساب المحل اهم شي أسم المحل يشتهر بهذي المنطقه لا تحسب كل شي بالفلوس كل مازاد اسم المحل زادت الفلوس وحاول تسوي خدمة توصل اذا تقدر عليها و انا اتذكر من قبل كم سنه كنت مدمن عصير قصب سكر من أحد المحلات القريبه من بيتنا يوميآ اخذ لي عصير <~ لأنه شغله نظيف ومرتب واهم شي كان طبيعي بس كان نوعآ ما كان غالي حاول تسوي ميزانيه تحاول تقلل سعر عصيراتك لو حسبتها انا مااعرف كم العصير بريال بس بقولها لك بالكويت لو بعت عصير بثمن معين و قلنا 1 دينار ونص وبعت عصيرين بقيمة 2 ونص تعتقد انك خسرت لا بهذا الشي ربحت زبائن لأن اسعارك حلوه وثاني شي شوف الطلبات اللي بتجيك لو قلنا بسعر الغالي اخذو منك نوع معين من العصير اربع اشخاص لو رخصته وحسبتها حسبه راح يجيك من سبع إلى ثمانيه يعني ربحت ماخسرت ..

و ربي يوفقك وترا بزورك وبشرب عصير منك ولا ببلاش بعد

1- عندك البرتقال ، ليس كل برتقال ينفع يكون عصير برتقال...عندك البرتقال الجنوب أفريقي من أفضل البرتقال للعصير، فيه كمية عصير كبيرة...مثلا اربع برتقالات تملا لك كاس كبير...بينما هناك برتقال ثمان برتقالات بالعافية تملا كاس وهذي تفرق للتاجر...
2-غير موضوع البرتقال..مثلا الافوكادو...فيه انواع منه كبيرة اغلى من الصغيرة...لكن في الحقيقة الحبة الكبيرة عن ثلاث حبات كبار...صحيح اغلى شوي بس سعرها فيها....عادة سعر الحبة الكبيرة ثلاث ريال وهذه تعتبر غاليه بالنسبة للفواكه الاخرى.

3- تحتاج خلاطة....افضل خلاطة لقيتها كسعر واستخدام هي خلاطة ...maxximum...لقيتها عند محل اسمه حلول التسويق بالرياض بشارع العروبة...سعرها الف وثلاثمائة ريال ...اما باقي الخلاطات فسعرها من ثلاث الاف وانت طالع....ولا تقول باشتري خلاطة عادية اللي بالمحلات...هذي ما تنفع للشغل الكثير والثقيل...تنفع شغل بيت اما شغل تجاري فتتعبك.
5- تحتاج ثلاث عصارات...وحدة للجزر ووحدة للتفاح ووحدة للاناناس...هذي بالمحلات ما عندك مشكلة..بس اختار نوعية جيدة وعملية...انا عصاراتي شريتها من برى المملكة.
6- كل الفاكهة موجودة طوال الموسم..ما عدا الرمان مثلا...لازم تشتري كمية وتثلجها.ولا تثلجيها بقشرها تفسد عليك...لازم تتثلج حباااات...يعني تطلع حب الرمان من الرمان وتحطيه باكياس وتثلجه طول الموسم اللي مافيه رمان...وله طريقة انه تفتح الرمانة نصفين...وتطق عليها خفيف من فوق الرمانة بعصا خفيفة او العصا حقت طحن الثوم...حتى يتناثر الحب.....احس اني عكيت بشرحي هنا بس عساها المعلومة وصلت.
7- احيانا الخوخ قليل ويغلى سعره واحيانا ما تلاقي مشمش...كثير من محلات العصير ما يحطون خوخ ومشمش حتى يرتاحوا ويريحوا راسهم من هذي المشكلة.
8- المانجا فيه مانجا مثلجة ممتازة اسمها مانجا الفونسو تلاقيها عند ثلاجات المنجم او السوبر الماركت الكبير مثل بنده او كارفور.9- الخلطات الطلب عليها اقل بكثير من العصيرات اللي لوحدها مثل رمان او مانجا او برتقال او غيرها...يعني يكون لعصير لوحدة...وكل محل يسوي خلطات على مزاجه...انت جرب في البيت الخلطات وتذوق الطعم وخلي غيرك يجربها والخلطة اللي تعجبك حطها في المنيو...وفي الانترنت خلطات كثير لو بحثت.

انا عندي محل عصير وغلطت غلطتين لا تكررها :
1- الغلط الاول اخذت محل على شارع ما فيه حركة سيارات كثير وهذي مشكلة ، حركة سيارات كثيرة تساوي زباين اكثر.
2- اخذت محل في منطقة ما فيها كثافة سكانية ، يعني منطقتي كل بيت فيه عائلة عبارة عن زوج وزوجته وطفل او طفلين وهذي مشكلة ؟ ليش مشكلة
اولا : قلة الشباب في الحي وهم اكثر زباين محلات العصير
ثانيا : قلة الطلب على العصير
يعني الزبدة لا تاخذ بالاحياء الجديدة حتى لو الاجار ارخص ، خذ بمنطقة فيها كثافة سكانية لو الاجار اغلى شوي ، ولا تخاف من زيادة الاجار لانك تعوضه بالدخل والارباح....اما تاخذ محل اجاره اقل وزباينه اقل تتورط بالاجار والتكاليف مثل راتب العامل وسكن العامل وكهرباء المحل وغيرها.
3- موضوع الخمسين الف اعتقد لازم تزودها شوي لانه بيطلع لك مصاريف ما توقعتها ولا تقول لي وشهي لاني ناسي هههههه لكن انا مثلك بديت بخمسين الف ، لقيت نفسي عند نهاية التنفيذ صرفت مية الف على المحل.
4 - اذا تمشي المحل ديكور عادي وشغل عادي ممكن الخمسين تكفي ، لكن راح تخسر زباين تفكر بشكل المحل ، وكل شي له ضريبة.
5- موضوع انك تشتغل بالمحل بنفسك صعبة تستمر بالمحل ، وراح تطفش وتقفله ، لازم يكون عامل بالمحل وابحث عن السوري اولا او المصري اللي سبق انه اشتغل بمحل عصيرات ، وهذا بيريحك كثير لانه عارف الشغلة ، كيف تبحث ؟ تلف على محلات العصير وتسالهم.
6- اصلا لو جلست بالمحل بتلاقي مشكلة من يجيب طلبات المحل ؟ ومن يشتري الفواكه، وممكن لو انت معزم تجلس بالمحل تشتري الطلبات بالصباح وتجلس في المحل من بعد العصر الى اثنعش بالليل او وحدة.
كثير من الاشياء تروح عن راسي ، لكن لو عندك اسئلة انا حاضر

الله يوفقك عليك بالصدقة فانها من ابواب الرزق ، والمحافظة على الصلاة ، والدعاء يا قوي يا متين يا رزاق ارزقني ، لان الله تعالى يقول : " ان الله هو الرزاق ذو القوة المتين "

عندك مصاريف الاشياء الريئسية :
2 فريزر تقريبا بثلاث الاف الاثنين جديدة ويمكن تعوضها بالمستعمل.
تحتاج مكيفين سبليت مع التركيب توصل ست الاف
تحتاج ثلاجة فتحتين حتى تقلل مصاريف تقريبا ثلاث الاف
تحتاج ثلاث عصارات سعرها الثلاث الف وخمس مية
تحتاج خلاطة سعرها الف وثلاث مية
تحتاج تركيب مطبخ المنيوم تقريبا ثلاث الاف
طاولتين مع الكراسي
تحتاج قاطع جبسي المتر بمية ريال وعليك الحساب
تحتاج سخانة 300 ريال
تحتاج ادوات تجهيز ونظافة وغيرها 500 ريال
كاسات عصير فيه اللي غطاها ينفع للايسكريم فيه صيني ب 370 وامريكي ب 500 ، انا استخدم الصيني
تحتاج كاسات عصير احجام صغير ووسط وكبير 900 ريال تقريبا
اذا الارضية سيراميك عليك حسابها
اذا المحل يحتاج بوية ؟
انا حاط ديكور طباعة كلفني ثلاث الاف
تحتاج لوحة المتر بميتين ريال
تحتاج الاضاءة تقريبا الف ريال مع التركيب ويمكن يزيد المبلغ
تحتاج رسوم البلدية على اللوحة المتر بمية وخمسين
طفاية حريق
صائدة حشرات تقريبا بميتين اعتقد اقل نوعية
راتب عامل قول 2500
سكن عامل حسب منطقتك واسعارها ، انا العامل عندي اخذت له شقة صغيرة مفروشة بالف وثلاث مية بالشهر وتعتبر غالية بس قاعد ادور له غرفة مع حمام الله يكرمك

نسيت حاجة

تحتاج كاونتر ( منطقة استقبال الزباين )
انا تهورت وحطيت كاونتر رخام وكلفني اربع الاف 60 سم عرض ، 110 سم ارتفاع ، اربع امتار طول ، وصرت استخدم مساحة الكاونتر الخلفية للتخزين ، ولا يشوفها الزبون.
تحتاج خاملة فواكه للعرض بالواجهة 500 ريال
تحتاج سلات فاكهة فوق الكاونتر ، شريتها رخيصة من ايكيا وشكلها حلو