[align=center]السلآم عليكم ورحمة الله وبركاته

أول شيء سبب تسمية ( شبه عاطل ) هو ( أني جامعي لكن بدون مكآفئه )


ثاني شيء يا شباب ويا بنات ( والله على مآ أقول شهيد )
مآ راح اكثر في الكلآم راح أقول معاناتي بكل أختصار

انا طالب جامعي .. خريج شهر 7 ( يعني الترم الجاي )
الجامعة تبعد تقريبا 40 كيلو من البيت
مشكلتي أني مآتصرف لي مكآفأة .. ولآيوجد لدي مصدر دخل
وأستحيت كل يوم أطلب من أبوي حق البنزين والمصروف
ومحتاج فلوس ضروري تغنيني عن أرهاق أبوي بالمصروف اليومي
خصوصا أني ألاحظها على وجه الوالد وأحيان اطلبه مرة ..
وأكرر أطلبه مرة ثانية ويسوي نفسه نسى يعطيني بالمرة الاولى ويرجع يعطيني
وربي أنحرجت يآ ناس .. خصوصا ان وظيفة أبوي مآتكفيه مصروف شهر كآمل



هذي بأختصار كل معاناتي

أما سبب وضع الموضوع .. هو أني محتاج للغاية خصوصا أن هالترم الجاي بآخذ مدرسين خصوصيين
بالأضافة أن فيه بعض الزملآء أصحابي متخرجين وبيتزوجون اخر الشهر ذا ووصلني دعوة منهم للحضور
والله يا جماعة الخير مامعي ولآ ريال أروح لهم .. الحال مررة صعب
ادري البعض يقول ليش ما تشتغل تكسي دام معك سيارة
وربي يا جماعة الخير ودي أشتغل وسبق وأن اشتغلت .. لكن مرة خرب علي كفر ومآمعي فلوس اشتري جديد
أبوي هو اللي أشترى وكفر مشي حالك بعد .. والسيارة فيها اعطال كثيرة مآ تصلح للكرف
وقدمت على حآفز مآقبلني لأني لآزلت طالب جامعي
وأعيد وأكرر ( الله على مآ أقول شهيد )

الله يفرج كرب كل مسلم يآرب ولآ يجعل الفقر مآنعا له
والله يرزقني ويرزق كل مستحق يآآآرب[/align]