[align=center]
السلام عليكم

انا ياخوان اعمل باحد القطاع الخاص

واخذت قرض 50 الف

كان في مشروع براسي لكن تخوفت شوي من المشروع الي هو (( تأجير الدينا ))

والحين ماعندي ولا مشروع ياليت اذا كان عندكم افكار تعطوني ولكم الدعاء
[/align]

انا اشوف لو تقسمها على مشروعين افضل اذا قدرت

واشوف ان محل ابو ريالين دارج هالوقت ومايكلف

والمطاعم حلوه

بصراحة تقدر تستثمره الخمسين بس انتبه تستعجل او تغامر

لازم تسوي دراسه للمشروع كاااامل لو تجلس شهر اهم شي ابحث عن سلبياته وايجابياته

انا من الاشخاص الي غامر حيل خسرت كثير لاكن تعلمت من اخطائي

والله يكتب لك الرزق ان شاء الله والله يجعل هالخمسين بداية خير لك

الله يوفقني ويوفقك ويوفق جميع المسلمين انا عندي نفس مبلغك بالضبط ولا ادري ايش اسوي مشروع فيه؟؟!

**خـمــسـيــن ألـ ـ ـف ريــال..أرجوا من الجميع الدخول والتفاعل**

زوره ممكن تستفيد

الله يوفقنا ويااكم

1/ العقار ولد صالح .. اذا عندك أرض داخل النطاق العمراني سو لك غرف عمال أو عزاب + دورة مياه خاصة أو مشتركة لو تتشارك مع احد اخوانك ,, واذا هي خارج النطاق العمراني قسم الأرض اربعة أقسام او اكثر وحط استراحات مصغره وبتلقى خير

2/ اذا ماعندك ارض شف لك جمس او فان وخله نقل للمشاوير الخاصة ممكن بالصباح معلمات او طالبات وباقي الاوقات مشاوير خاصة للعوائل بس لاتنسى تجيب لك سواق بالراتب وحط جوالك على السيارة .

3/ ممكن مغسلة ملابس بس الاهم الموقع التجاري ( ياحبذا المحل عند شقق ومحلات تجاريه ) وطريق عام تجاري ( بس اقل شئ عاملين وحاسبهم بالنسبة على الفواتير لو 40% بس بعد ماتطلع بعدالتصفية قيمة المشتريات والايجار والكهرباء )
(( ولاتسى ماخاب من استشار وماندم من استخار ))
واتمنى لك التوفيق ,,,

اهلين اخوي انا مع فكره اخوي دموع متفائل وبالتوفيق ،،

الله يرزقك

اهم شي انك تحب الشي اللي تعمل وتفهم فيه

الله يوفقك اخوي
بس ابو ريالين ما انصحك لانهم احتمال يسحبون او يمنعون دخول كل البضائع المقلده او سيئة الصنع اللي هي راس مال ابو ريالين

والله وانا اختك انصحك بالمشاغل النسائيه مشغل خياطة او كوافيره دخلها جدا ممتاز بشرط توفير عاملات محترفات
وموقع ممتاز

يعطيكم العآآفيه ماقصرتوا

شاكر لكم مروركم

الى الحين افضل مشروع شفته مغسلة الملابس

لاهنتو

وعليكم السلام ورحمة الله وبركاته ..

أخي الكريم اذا القرض عليه فايدهـ فأقولها لك من الحين مراح تبارك في التجاره
واذا كان قرض حسن فادعو من الله لك التوفيق والسداد

أنا ماأقدر اشور عليك بأي مشروع مادام ماقلت لي شنو ميولك يمكن تحدد لي ميولك واقولك مشروع يناسبك مليون بالميه و راح تنجح فيه و اذا مو محدد لي كيف بعرف وش شاطر انت فيه يمكن أشور عليك بتجارة الخشب وانت ماتعرف انواع الخشب وغيرهـ فارجو منك تحدد ميولك او حدد مشروع في بالك و نشور عليك أخوي .. وبنسبه لمشروعك مافهمته ياليت توضح .

وفقك الله لمايحب ويرضاهـ