بسم الله الرحمن الرحيم


كيف الحال اخباركم ان شاء الله تمام

عندي مشاريك في راسي طبهن مشاريع صغيره جدا ما ابي اطب في شي قوي واتورط

1- اجيب اي قطعه من التشليح واخذ عموله على الطالب 50 ريال حولها

او

2- اجيب بضاعه من برا واسوقها في حراج مثل نضام الحبر المستمر لطابعات او اي شي حلو ونادر وفكره حلوه وخدومه ومستهلكه

او

3- ادخل في اي شركه مجال تسويق شبكي وابدا معهم بس احس فكره فاشه


اكثر فكره عاجبتني اني اشتري اشياء من موقع امازون او باي

مثل هاذي



فكرتها حلوه توفر حبر الطابعه خصوصن الاسعار غاليه

تعبها من فوق طال عمرك وخلاص

اسوي لها مقطع فديو شرح التركيب ما فيه شرح بالعربي كلها انجلزي راح اسوي شرح بالعربي + اسوي احصائه كم ورقه تطبع ومن ها الكلام

سعره هنا يباع في حراج طبعن مهوب موجود في المحلات هذا احسن شي سعره 150 ريال

وفي موقع باي مع التوصيل الى الرياض يطلع علي 91 ريال بعد جبر الكسر

يعني فايده حول 51 ريال في كل بيعه


بدون الحبر الحبر موجود في الجفالي سعر الون الواحد 35 غرشه كبر المويه ام ريال



واشوف لي اي منتج حلو ولا يباع في السعوديه اطلب منه كميه وابدا ابيع فيه في موقع حراح و الاقارب و موقع المتخصصات لشي نفسه



وشوي شوي اكبر في مشروعي اطلع تمام واشتري سياره واعيش حياتي

بس للئسف ما فيه راس مال


الى يقدر يدعمني حتى لو بالقيل جزاه الله خير شوي منا شوي منا لين ما تجتمع واطلب كميه من حقات الاحبار


طبعن انا معرف اطلب من موقع امازون او باي بس اعرف ناس يعرفون وياخذون علي عموله 50 ريال على الطلبيه كلها


الله يجزا خير من راح يكون سبب في بدائتي


انا جامعي لست عاطل لاكن حالتي الماديه سئه جدن جدن حتى كتب الجامعه ماقدرت اشتريها

اخواي بخصوص بنك التسلف والادخار

اقدر اخذ منه مبلغ 2000 ريال فقط ولا لازم مبلغ كبير

الله يوفقك اخوي
ومشاريعك حلو وماتحتاج راس مال كبير
طيب بما ان حتى هذا المبلغ مو معك
ليه ماتبداء بشي مايحتاج مبلغ للبدايه
انت طالب جامعي ليه ماتسوي ملخصات وبحوث وعروض وغيره للطلاب
وتبيعها على زملائك منها تدرس وتفيد غيرك وتستفيد
كان عندنا بنات بالجامعه يطلعون مصروفهم من هذي الشغلات

ياخوي فيه شغلات بالهبل

وعندي شغله ما تحتاج راس مال
فقط تحتاج لمخ واسلوب ولباقه

الا وهي العمولات والنسب اذا عندك المقدره عليها فافعل والله يوفقنا وياك

اخووي كلي تقسيط

يآآليت تووضح اكثرر

وعليكم السلام ورحمة الله وبركاته ..

ماتشوف تشتري من موقع امازون وخصوصآ اسعاره مرتفعه وغير الشحن وغير الكميه اللي تبي تطلبها
انصحك مثل ماقالو الأخوان سو لك مذكرات وبيعها وتكون مذكرات متعوب عليها عشان تقدر تصرفها و على شغلة التصريف سهله شوف اصحابك قول ابيع عليكم مذكرات و اصحابك يخبرون اصحابهم الثانين و هكذا لين الجامعه تعرف انك تبيع هذي المذكرات وتربح انشاء الله ..


وفقك الله أخوي ..

اخوي خاطرك

الرسايل عندي ما ترسل ما ادري وش المشكله لكن بالنسبه لاستفسارك العموله والنسب مثلا تجيب لي مستثمر أو عميل وتاخذ عمولته مني وتستمر على كذا

[rainbow]موفق بإذن الله ... لك مني أجمل تحية . [/rainbow]

الله يعين بس

وجهي وجه فقر ما يصلح له شي اصلن