تواضع لا تصير مغرور

رشيد الحوطي · #1 (**permalink**) 15-01-2012, 05:10 AM

بسم الله الرحمن الرحيم

السلام عليكم

كنت باحد الدوائر الحكوميه اراجع معامله سلمت على الموظف وكان منزل راسه ومسوي مشغول طبعا مارد السلام قمت مديت اوراقي وقلت هذي سلمك الله معاملتي رد علي بكبر وهو حتى ماطالع فيني ولا رفع راسه وقال ( ايش ) قلت معليش الله يكون بعونك الشغل عليكم واجد واشغلتك العذر والسموحه (لاصارلك حاجه عند!!تكرمون جميعا ) المهم رفع راسه وطالعني من فوق لتحت وقال وش عندك انت (خلاص حط معاملتك وتعال بعدين)

قلت ( بعدين كيف متى اجي طال عمرك [IMG]http://www.rashidalhouti.com/vb/images/smilies/******.gif[/IMG] ) قال لا تجي اتصل قلت ماعرف رقمكم ( كم الرقم ؟ ) معليش احس اني اشغلتك قال ( يووووه ) واخذ ورقه وكتب التحويله حتى بدون السنترال !!

اخواني وخواتي ( التواضع ثم التواضع ثم التواضع ومن تواضع لله رفعه ) انا مادري ليش بعض الناس متكبر ومغرور وشايف نفسه والمشكله الأكبر لاميزه ولا اي شي يغتر عليه ؟؟ في الحديث الشريف عن النبي عليه الصلاة والسلام قال ( ثلاثة لا يكلمهم الله يوم القيامة ولا يزكيهم ولهم عذاب أليم شيخ زان وملك كذاب وعائل مستكبر ) عائل يعني فقير او ضعيف ومتكبر على ايش ؟؟ وقبل هذا كله لاننسى معصية ابليس لله سبحانه وتعالى وتكبره وغروره عن السجود لآدم !!

ايضا لاحظت وخصوصا على بعض البنات في النت نكات مثل مغروره أو مغروره ويحق لي أو مغروره وبكيفي ....وغيره ) اذا صاحبة النك تعرف (ان الغرور هو الكبر) وانه من اقبح الصفات ومع هذا تضعه هذي مشكله واذا حاطته وماتعرف ان الغرور هو الكبر لأن بعضهم يظن ان الغرور يعني مثل الدلع ولا عزة النفس فهي مشكله اكبر !!

آسف على الآطاله لكن اخواني في رأيكم
( ماهو الحل او ماهي الطريقه اوكيف نتعامل مع هذي الصفه القبيحه ومع اصحاب هذي الصفه ) ؟؟

تحياتي للجميع

خبير عاطل · #2 (**permalink**) 15-01-2012, 11:44 AM

الكبر والغرور والمهايط ههههههه صفات ذميمة أخي الكريم...
والحل في نظري مع أصحاب هذه الصفات .... أن تتجاوزه وتمر أمامه مرور الكرام ...
فهو أحد رجلين ... إما ليس لك حاجة عنده ... وبذلك فهو أهون شيء...وإما لك حاجة عنده ... فتجاوزه للذي أعلى منه ... وفي ذلك كسرٌ لكبره.. وقضاء لحاجتك...
تقبل ودي وتقديري

رشيد الحوطي · #3 (**permalink**) 15-01-2012, 12:54 PM

مشكور اخوي خبير على تفاعلك
بالنسبه لكلامك اتجاوزه يعني تتوقع موظف بالشكل هذا
بيكون مديره اطيب منه ؟؟ هههههههههه
( لا صار رب البيت بالدف ضاربن فشيمة اهل البيت الرقص )
تحياتي لك اخوي ...

متفائل الى القمة · #4 (**permalink**) 15-01-2012, 01:31 PM

حدث معي موقف باحدى البنوك مايبون يفتحون حساب ويتكلم احد الموظفين من
طرف خشمه ماقدرت احتمل وادخل على المدير سلام عليكم ممكن خدمة انسانسية ممكن انت تمر في هذه الامور قال اجلس اي خدمة قالت ابغى فتح حساب لو تكرمت كلم الموظف وقال افتح له حساب وعبي بياناته بعد قالت الله يطول عمرك ويرفع قدرك قال هذا واجبناً والحمد لله فيه ناس متكبره على ايش ماتدري .

~Rima~ · #5 (**permalink**) 15-01-2012, 08:55 PM

يكفي قول نبينا محمد صلى الله عليه وسلم
في الحديث الشريف ( ثلاثة لا يكلمهم الله يوم القيامة ولا يزكيهم ولهم عذاب أليم شيخ زان وملك كذاب وعائل مستكبر )

ومن تواضع لله رفعه

المتكبر لم يسئ إلا لنفسه.
لكن اهم شي مايقلل احترام مع الشخص الي يتعامل معه واذا حصل يجب رده بالحجه واتخاذ موقف منه ليكون عظه وعبره لغيره
و يجب ان نعرف حقوقنا وواجباتنا ومالنا وماعلينا .
مشكوررر على الطرح