ثلاجة الضعوف وعيال النعمه

رشيد الحوطي · #1 (**permalink**) 15-01-2012, 05:22 AM

صلاااااااااااام

فيه فرق بين ثلاجة الضعوف وثلاجة عيال النعمه تبون تعرفون كيف ؟
ان اقولكم

ثلاجة الضعوف :
قدر رز باقي عقب الغداء وقدر صغير مرق له 3 ايام اللي مسويته تحسها بدون نفس عن قولة تراني طبخت مافيه ذمه ولا اخلاص بالعمل ولو حميته جاك حرقان بالصدر لانها يوم تسويه داعيه ( جعلكم ماتحدرونه )

.. ولبن منتهي مدته .. ونص جحه = بطيخه يعني للأخوه الاجانب

.. على الجنب في الثلاجه تلقى نص قصديره بنادول مافيها الا حبه وعلى طرف تبي تطيح لو تهز الباب طاحت تحت .. وكرتون مكتوب عليه ( دواء للكحه ) له سنه ومابقى فيه الا قطره ولو تبي تحركه ماتقدر لانه لاصق في الثلاجه مسورب منه العلاج

.. اسفل الثلاجه درجين اللي على يمين ليمون قالب لونه اخضر ولو تعصره ماطلع منه شئ لانه له شهر بالثلاجه .. الدرج اللي على يسار فيه بردقان = برتكان = برتقال

وتلقاه قامط يعني صاير صغار مره من برودة الثلاجه ولو حركتهم بيدك تطلع لك تفاحه صفراء مدري وش جابها مع البرتكان ؟ ماعلينا لا تدخلونا في السياسه

.. الفريزر كله قوالب ثلج ولو تبي تطلع قالب منهم يبيلك مطرقه عشان ينفك من الباقين .. ورا هالقوالب تلقى عسكريم ( ايه عسكريم مهوب آيسكريم ) انا حر اسميه على كيفي انا اللي شايفه قبلكم

طبعا العسكريم موزيه بزر عن اخوانه لان لو لقوه اكلوه

ثلاجة عيال النعمه

اذا فتحتها تشم روائح كنك داخل محل عطورات وعلى طول تشوف قدامك كيكه = تورته = قاتوه

.. وتشوف برضه صحن حجم وسط مغلف فيه قطعة لحمه صغيره مع نص فخذ دجاجه يكفي بس تطالع في هالصحن لو ماتاكل تشبع

.. على اليمين باب الثلاجه تلقى انواع العصيرات ومصفوفه ومرتبه .. ولو دققت زياده في الثلاجه تشوفها تلق = نظيفه من داخل .. اسفل الثلاجه الدروج تلقى انواع الفواكه منقه جوافه وانا رشيد الحوطي اسف قصدي اناناس

يله وخرو انا خلصت