السلام عليكم ورحمة الله وبركاته

ياشباب عندي مشكله ابي حل لو تكرمتواا

انا متخرج من برنامج اللغة الانجليزية المكثف في الدورة الثانية
ودرسته بالرياض بكلية الاتصالات
وانا من المدينة المنورة

المطلوب :
ابي اصدق الشهادة ..... كيف ؟؟
رحت كلية التقنية بالمدينة قالوا الشهادة مو تبعنا مالنا شغل روح للمجلس
ورحت لمجلس التدريب التقني والمهني وقالوا نفس الكلام وقال مادام انت الشهادة من الرياض روح الرياض ... قلتله الشهادة مو مبين فيها انها من الرياض

المهم
مكتوب بالشهادة طبع بمعهد التدريب المهني بجده
وانا درست بالرياض بكلية الاتصالات

شباب افيدوني جزاكم الله خير
والله محتار وين اروح

وفيه واحد درس معاي بالرياض ويوم استلم شهاده قالهم ابي اصدقها
قالوا روح للمؤسسه العامه نفسهاا

ياشباب ابي حل ؟؟؟؟؟؟؟؟؟؟؟؟؟؟

والله يالغالي انا نفس مشكلتك بس انا بابها

........
اتوقع لازم المؤسسة العامة

اصلا الدورة من اولها فاشلة يوم يقول شهادة معتمدة دوليا ومطبوعة في معهد مدري وش يبي ,,,
حبيبي الله يعينك مش عليها لين تنفرج ,,,

اما كيف يعطونك شهاده مو مصدقه

انا حاليا فيها وتنتهي 7/4/1433 والدفعه الثانيه 27/2/1433

هي صح الدورة الفاشله لكن والله استفدنا شوي

[align=center]تعديل الشهادات والتصديق عليها من عند واحد في المؤسسة اللي على طريق الملك فهد تقاطع الوشم
فيه واحد اسمة ايمن العلي مكتبة الدور الرابع وهذا رقم هاتفة 01289676[/align]

الدورة أساسا مو معترف فيها من الخدمة المدنية
لأنها 5 شهور
وكلمت المسؤلين عن الدورة وقالوا فعلا حنا الحين نسوي دراسة نخليها 6 شهور علشان تكون معتمدة
احنا رحنا ضحية

لكن المهم اننا استفدنا
فعلا عن نفسي استفدت تحسن مستواي باللغة

الله يستر انا مقدم على الدوره شكلي اسحب عليها

صاحب الضل الطويل
اذا كانت قريبة منك سجل حلوه مفيده حتى لو ما انتضمت بالدوام
داوم خذ الدرس اللي تبي واسحب على اللي ما تبيه وينزل لك مكآفأه

الشي الثاني اذا كنت ناوي على الابتعاث أو كلية اعداد المدربين ضروري تسجل
لأنهم ما يقبلونك الا اذا أخذت شهادة الدورة

خلاصة الكلام اذا كانت قريبة منك لا تفوتها
حلوه 1000 ريال وتكسب لغة

وعسى الله يختار لك اللي فيه خير

طيب انا ابغى اسجل فيها بس المشكله اني مؤهله في حافز
اخاف اسجل فيها تروح علي حافز لاني طالبه
السؤال هل اذا سجلت فيها تروح علي حافز ؟؟؟
السؤال الثاني هل يفتح البرنامج كل سنه يعني اقدر اسجل فيها السنه الجايه يعني راح يكون فيه برنامج خامس
ارجوا الاجابه على اسئلتي
مشكورين