ليش يالغالي ماتزود على فلوسك حبتين وتشتريها من الامارات وتبيعها في السعودية كان في واحد يربح في البيعه الوحده 4 الاف

اخوي عمدة

كيف ربح 4 الاف ريال ادا شريت سيارة من الامارات وبعته في السعودية والله مكسب قوي

بس كيف انقل سيارة من الامارات الى سعودية ؟؟؟(سؤال محرج لا احد يضحك عليي بعد مشوار من الامارات الى سعودية ههههههههههههههههه)؟؟؟

وادا حووولت فلوسي من اماراتي الى سعودي كم يطلعلي كيف تحووويل العملات عطني مثال؟؟؟؟

لازم اغير لوحة سيارة من اماراتي الى سعودي ادا بعته بسعوودية؟؟؟

ادا شريت سيارة جديدة من الامارات وبعته بسعوودية كم ممكن احصل ربح تكفوون عطوني مثال؟؟؟ وكم اسعار سيارات بالامارات؟؟؟

ااسف على الاطااالة

لي عودة وبشرح لك من الاف لين الياء

لا يالغالي مفحوص وامورة تمام التمام والفحص ماله شغل ولا يبين حالة المكينة والقير بصورة جيدة والبدي اصلا مايفحصونة بالفحص الدوري ..

اما السيارات من الامارات وقطر انا اقولك ريح نفسك الاسعار نفسها بالسعودية ماتفرق قبل 5 سنوات يمكن كان فيه فرص حلوة وفرق بالسعر تستفيد منة..

الامارات وقطر الشريطية هناك فلسطينيين ومصريين ويدورون السعودي عشان ينصبون عليه وانت بكيفك ..
ويشهد الله قصدي بس أحذرك وابين لك اللي مر عليّ

راح حراج الشفا

وراح تدعيلي

[align=center]
نقطة اخيرة نسيتها اذا جبت السيارة لاتقول ابي ابيعها في نفس اليوم اصبر لاتستعجل ويجيك رزقك ان شاء الله
[/align]

الي اشتغل يبيع ويشتري سيارات مستعملة بداخل سعودية وكسب وطلع داخل مادي
وعنده خبرة بتعامل مع زبائن ياليت يعطينا فكرة ويخبرنا عن تجربته
حتى تعم الفايدة للجميع

ياليت الكل يشاركنا

تجارة بيع وشراء سيارات المستعملة من اصعب انواع تجارة ويبيله واحد عنده خبره وفهيم
فيه تعب يبيلك تضبط السيارة ادا فيه صقعات وتحتاج صبغ توديه الورشة وتسويله سمكرة حتى تروح صقعات وتصبغ الكدمات وتركبله اطارات ووتلبسه من داخل وتشيكة على الانوار عند الكهربائي وتفحصه عليه بالفحص الدوري لين ما تنجح يعني فيه تعب ومجهود

بس الي انه اشووف بامكانك تشيل هالتعب كله وتريح نفسك تشتري سيارة مستعملة من سوق الحراج ناجحه بالفحص الدوري والبايع لازم يعطيك اوراق تثبت واهمشي عليه استمارة ومضبطه صاحبه تاخد قرض من بنك ادا عندك وظيفة براتب لا يقل عن 3000 ريال وتشتري سيارة bmw مثلا ب10 الاف ريال وعلى طول تصوره

وتحط صورته بقسم بيع سيارات في جريدة المبوبة وتحط رقم جوالك وتبيعه ب13 الاف ريال وبهطريقة تكوون كسبت 3000 ريال بدون اي تعب ولا مجهود كل التعب كان على بايع سيارة هو الي ضبطه وتعب فيه انت بس اشتريته وضاعفت سعر ام العيوب الثانية الي ما يكشفه الفحص الدوري من صعب على المشتري اكتشافه بمجرد ما يشوف اوراق نجاح بالفحص الدوري بطنش وبيشتريه وبتتخلص من سيارة وبتربح ثلاث الاف ريال

ويش رايكم بهطريقة يا شباب اتوكل على الله ونفد الطريقة ممكن من الله اعين خير البيعة حلال وسيارات ماله سعر ثابت

ويش رايكم شباب انفد الطريقة وجرب؟؟؟؟؟

.. اخوي .. قبل لا تبدأ رح لحراج السيارات مدة ماتقل عن 10 ايام . اعرف الأسعار . واعرف وجيه اللي يترددون كثير لأن 80 % شريطيه
اهم شي بالسياره .
1 _ نظافة بدي السياره
2 _ المحركات سليمه
3 _ الفحص ساري المفعول .

.. ان حصلت مثلاً فورد موديل 2000 وشريتها بسعر _ 20 الف . والسياره سليمه ورحت لورشه وشيكت على الأرضيه والمحركات للتأكيد .
بتكون وقتها واثق من السلعه . وأنت اللي تتشرط بسعرها . يعني لانشبلك واحد بيشتريها بسعر رخيص تقوله . تبي السياره بـ 23 الف ولا الله يستر عليك .
وفيه مواقع للسيارات تقدر تعرض فيها السياره .

والتجاره ربح وخساره . وتبغالها شطاره

وجهة نظري

اخي العزيز اول شئ الله ايوفقك اذا بديت التجاره ووفق الجميع انشاالله

بس اخ بالاعتبار انك لا تطمر لا للامارات ولا لغيرها وانت توك ما عندك خبره

اول شي الامارات يبيلها واحد خبير يعرف كيف يفحص السياره قبل ما يتفق مع صاحبها ويعرف قيمة السياره في السعوديه بكم وايضاً تكاليف جمركة السياره وتحويلها بالسعوديه وتأمين ولوحات وتحسب تكاليف اقامتك في الامارات واكلك ومواصلاتك يعني بالعربي
نصيحتي شغلة الامارات انساها الين تكون عندك خبره على الاقل من 3 الى 6 شهور في سوق السيارات
بالنسبه لتحويل العمله للأمارات المئه ريال= 97 درهم وعليك الحساب
اما السيارات المسموح استيرادها اخر خمس موديلات فقط
اعتقد الآن من 2008 الى 2012

انا افضل انك تبتدي في السعوديه ومثل ما قالوا بعض الأخوان روح للحراج وتطقس اسعار السيارات عشان تكون عندك خلفيه وعليك بالسيارات النظيفه
ونصيحه ثانيه ابتعد عن حراج المكرون لأنها السيارات الى تنباع على المكرفون اغلبها في مشاكل