السلام عليكم ورحمة الله وبركاته اخواني الاعضاااء

احب انوه علي كم نقطه قريته وافيدكم فيها


اخواني حبايبي

بالمدينه المنوره عقدت دوره جنود لحاملي الثانويه العامه في بدايه شهر رمضان الي فات عام 1432

وراح يتم تخرجهم بنهايه شهر2 تقريبا

وبعده راح تتم عقد دوره اخر ولكن دوره وكلاء الرقباء والعرفاء وهذي للدبلوم والجامعين فقط

وراح يتم عقده الدوره بمكه المكرمه دووره شامله لكل مناطق المملكه الي يقدم بجده ولا المدينه ولا اي منطقه من الغربيه علي مكه والمناطق الاخري ممكن الشرقيه


اتمناء قدمت لكم ما تبحوث عنه

موفقين بإذن الله ... لك مني أجمل تحية ....

اخواني هذي مشاركه لاحد الاعضاء عن الطواري جدا معلومات قيمه ومفيده للكل....منقوول """///


((((اول شيء العضوية مستعآرة


ثاني شيء ان شاء الله يكون ردي كافي ووافي لك

طحت عليك بالصدفه وانا افر بقوقل ولا عندي عضوية وابشر بالمعلومات

انا احد منسوبي قيادة قوات الطوارئ /إدارة التدريب

بالنسبه للطوارئ فهي فعلاً كما ذكرت تسمى صقور نايف ورواتبهم تعد الاعلى من بين القطاعات الامنية

بعد المباحث والمخدرات .

وهناك تصحيح لمعلومه ذكرها احد الاخوه انهم مفصولين عن الامن العام وهذا غير صحيح ماغير الدورة

فقط مفصوله لا اكثر وارتباطهم مباشر بالامن العام ولو كان ارتباطانا بالداخليه على طول راح نعين خير

اكثر واكثر .

مدة الدورة حالياً 4 اشهر فترة تدريب مستجد [ فرد اساسي ] بالاضافه الى شهر دورة مكافحة شغب وشهر

اما تكون عمليات خاصه او دورة غازات تختلف من منطقة الى منطقة وعلى حسب احتياج قوة المنطقة لذلك

التقديم بكل صراحه عندك واسطه تدخل ماعندك عاد بأمر الله ولان الارقام تكون سريه والتقديم بأي وقت ومتى

ماجا دورك جيت [ طبعاً على حسب قوة الواسطة ] والا مصير ملفك [برىىىى ]

افضل دورة لها تعقد بمنطقةالرياض والعن دورة لها تعقد بمنطقة مكه المكرمة بالاضافه الى الشرقية

شيء يميز الطوارئ انك من اول يوم في الدورة تعتبر عسكري ولا تعتبر طالب وذلك في شيء واحد فقط

وهو الراتب طبعاً الراتب كأول مربوط يكون على النحو التالي

3220 راتب اساسي + 400 والان صارت 600 بدل خطر + 400 والحين صارت 500 بدل نقل

بالاضه الى 805 مكافحة إرهاب + 805 بدل أمن راح يكون المجموع 6330

طبعاً الرواتب هذي فقط لمدة اربعة اشهر بعد كذا تقدر تضيف بدل شهادة الثانوية العامة 300 ريال

وتاخذ الاعاشة كاملة اذا كنت في القيادة 500 اما اذا كنت في القوة 275 ليصبح مجموع الراتب 7130

بالاضافه الى اذا كان عندك حاسب آلي لايقل عن 3 اشهر تاخذ صنف 750 وكل مازادت عدد اشهر تخصص

الحاسب زادت العلاوة .

دورتها عادية جداً للي يحب الفله وياخذها بروح رياضية اما الي نفسيه ما انصحه فيها لان تعتمد على

التعذيب النفسي اكثر من الجسدي وخاصه في اول اسبوع كنك داخل صاعقه مصغرة .

بعد الدوة على المكان الي انت فيه طبعاً راح اتكلم عن ان تعيينك في القوة لان القيادة من كل دورة

ماتاخذ الا 3 بالكثير يعني اقوى الواسطات تروح القيادة .

القوة تختلف شعبها واقسامها واشهرها : الكتيبة هذي نوم بمعنى تحمل الكلمة من معنى بس خذ باالك اردى ناس

تحصلهم فيها دوامهم يوم في العمل ويومين منبطح في البيت عملهم يتمركز في حفظ الامن بشكل عام في اوقات

المباريات حضورهم للملعب وزي كذا فض تجمهر .

المهمات وهي اخطر قسم في قوة الطوارئ الخاصة عملهم الاساسي تمشيط الاماكن الخطرة والمداهمه

وتنقسم الى عدة شعب الغازات ، القناصة ، الاقتحام . عملهم دوام يوم وراحة ثلاثة ايام بس حط ببالك

ان اي وقت تحضر تكون على التلفون طبعا الحالة نادرة انهم يتصلون وتجي

باقي الاقسام نفسها في اي مكان عسكري بس ذكرت لك المهم فيه منها الدوام اليومي واجازة خميس وجمعه

وفيه منها دوام الفجر وتطلع 11 الصباح وخميس وجمعه ماتجي الا اذا كنت مستلم وفيه منها دوام

8 ساعات في اي وقت يعني خفارة وتريح يوم كامل وكل اربعه ايام او ثلاثة ايام تاخذ 3 ايام اجازة

اتمنى اني افدتك ونصيحه اذا لك احد فيها يقدر يخدمك توكل على الله وصدقني ماراح تندم ..)))

الله كريم أنا طلعت لهم قبل شهر تقريبا بجدهـ موقعهم المطآر القديم
وكان فيه تقديم للجامعين والدبلوم سألتهم عن تقديم الثآنويه قآالوآ
قفلنا قبل 5شهور كان مفتوح التقديم للثآنويه ..وصرآحه الطواآري
حلوهـ بس يبيلها وآسسسطه قويه وتعين خيرر "

سؤال تقديم الطواري فتح مع الامن العام اخر تقديم معقوله يفتح شهر 3 ان شاء الله
موفقين بإذن الله ... لك مني أجمل تحية .

سلاح الأشاره مقدر اقدم يبون تحت 26 سنه برضو الدفاع الجوي يبون تحت 26 سنه الحرس الوطني تحت 26 سنة

القوات الخاصه ليكون نفسهم لان عمري 28

انا دخلت واسطه قبل 3 شهور تقريبا وخلصت الطول 172 وعطوني رقم طلب وقالو نتصل عليك وقبل يومين اتصل فيني الي دخلني يقوول الدورة دعسس منها ناس شاردين ةبدو بالاتصال خلك ع الاتصال والله اعلم مدري عنهم