16-01-2012, 09:26 AM
|
 |
عضو مهم
|
|
تاريخ التسجيل: Dec 2011
الدولة: لوس انجلوس
المشاركات: 211
معدل تقييم المستوى: 710118
|
|
![:]](images/icons/new-asa.gif)
خذ وخل 1
صلااااااام 
ترا ماعندي سالفه بس اللي يبي يقعد معي واسولف عليه الله يحييه !!
ندخل سيده في الحتسي >> الو الو واحد ثنين الو احم اكشن 
ياخي عندك البنات في المنتديات كل يوم لها صوره وكل يوم توقيع مايمديك تعرف البنت منهم بالصوره والتوقيع حقها الامغيرته وبعدين تشوف اغلبهم ردودهم ( واااااااااااااو روووووووعه جناااااااااان) جعل الجني يصرقع فيس خخخخخ بس يحليلهم بنيات المنتديات << يصرف خايف  لكن تصدقون عاد والله اني ارحمهم اغلبهم ترد على نياتها على الشباب في بعض المواضيع برد وشزينه وماتقصد شي وعن حسن نيه راده وابو الشباب يقول لربعه شوفو تراها خاقه معي تلمح لي بالرد  مالت عليك وعلى تفكيرك اللي مقلوب  من وين تفكر انت ياخي البنت في وادي وانت في وادي ثاني !! بس ترا بعض البنات يقصدون خل عنك بس هههههه  وفيه نوعيه من البنات تجيك دايم مدرعمه ومصفوقه من كثر الروعه اللي تجيها تلقاها قاعده في غرفتها ومقفله الباب ومشغله اللابتوب ( طبعا سارقه النت من الجيران ) ولا متوزيه في المخزن ولا راقيه السطح عشان مايشوفها احد من اهلها واذا سمعت صكة باب ولا صوت قطاوه يتدابغون في الشارع تحسب احد جاها على طول صكة ابو اؤؤم الجهاز كله يحليلهم  !!
اووما الشباب عاد شي ثاني طبعا اغلب الشباب جاي يدور بنات وغزل وهذا الصدق والصراحه طبعا ماقول كلهم اقول اغلبهم طبعا النوعيه هذي تعرفهم على طول ( سيماهم على وجوههم )  يجيك حاط نك رومنسي مثل ( اسير الهم = تلقاه طول عمره ماعنده لاهم ولا غم ) ولا ( صادق الحب = ياعمي طير اي حب لاعب على بنات خلق الله وانت هيسن اربد  ) هذي طبعا النكات ويحط لك صورة واحد حلو والله العالم لو تشوفه تلقاه اشهبن الهب  !! وينزلك مواضيع في القسم العام تجي تقراها تبي تفهم وشي يبي بالظبط ماتدري يعني مثلا يكتب في الموضوع (( عندما يزدهر الربيع بين احضان الحبيب , ويهمس الخوف في رحيق مدري ايش , وتغرد الازهار في ملحق بيتنا ....... !! فيه ازهار تغرد؟؟ ياعمي فكنا نبي عربي نبي نعرف وش السالفه بس !! ولو تسأله وشي فكرة الموضوع ؟ تلقاه مايدري وين الله حاطه فيه !!
طيب بغير الموضوع ابي اتكلم عن مواضيع طلب الترحيب في المنتديات والردود عليها من قبل الأعضاء  !!
طبعا كل عضو جديد يختلف اسلوبه في كتابة موضوع الترحيب وابي اذكر بعض منها :
( الأسلوب الأول )
بينما انا اتنقل بين اطياف الربيع وصياح البحار ( فيه بحارتصيح  ) مو مهم نكمل وانوار مدري وشو نزلت بساحتكم رغمن عني ودون ان اشعر باي شئ حتى وجدت نفسي تستقر لديكم عندها احسست بالدفئ ووفرة الثقافات ولم استطع ان ارحل عنكم ......... الخ الخ << اقول ترا حامت تسبدي من جد والله بعضهم يسوي فيها مثقف وهو ماعنده ماعند خدامتنا ( ايه خدامتنا لأن ماعند جدتي الغوها صارت حصريه شرتها قناة الآي ار تي ) !! نكمل هو صح فيه كلام حلو ومرتب وعبارات راقيه لكن اللي يرفع ظغطي لما يجيك واحد لا شهاده ولا درايه ولا حتى املاء ويتفلسف ولو تسأله عن كلمه وش معناها فتح فمه وقال هااااه
من قووة الفهاوه والدلاخه 
( الأسلوب الثاني )
انا عضو جديد واتمنى تقبلوني بينكم !!
وبس خلص الموضوع ,, هذا تلقاه اول مره يدخل منتديات ولا مسجل عشان واحد يعرفه ولا بعد هالموضوع ماعاد تشوف خشته
( ماتدري ليش مسجل بس لعانه ) طيب ليش مسجل وخساير حبر ووقت ؟؟ << وشدخل الحبر ههههههه متعود على الصادر والوارد  هههههههه وبرضه يضيع وقت اللي بيقراء موضوعه وبعضهم سجل عشان بيحمل شي من المنتدى وبيطلع !!
وبرضه اللي اسلوبه بالموضوع كذايمكن ماعنده ثقه بنفسه ولا خجول لكن مع الايام يبدأ ياخذ راحته ويثق بنفسه وهذا غالبا اللي اسلوبه في الكتابه زي ماذكرنا اعلاه وعلى المقيمين خارجها مراعاة فارق التوقيت اووه اوووه آسف كنت اكلم واحد بالمسن وغلطت وكتبت هنا << محشش الأخ بقووه 
( الأسلوب الثالث )
والله يالربع طلعت من بيتنا في سطح المكتب في حي سلة المحذوفات واركب موتري ( ريل بلير ) واروح مدينة قوقل واقعد احومي يعني بالعربي (اتمشى للي مايعرف كلام القراوى) المهم مالكم في العريضه قصدي الطويله وانا احومي في قوقل صكت جبهتي في باب بيتكم اقصد المنتدى حقكم وبصراحه مالكم حق حاطين باب قزاز يلق يعني ( يلمع للأخوه الأعزاء المغتربين ) ومن زين الطبايع بعد باب قزاز وعليه عين سحريه !!
هذا النوع يحب الضحك ودمه خفيف
وبالنسبه لي انا احب النوعيه هذي لأنه يدخل قلبك بسرعه وترتاح له << وجهة نظر وكل واحد ومزاجه !!
لكن اللي يقولي النوعيه هذي تستخف دمها اقوله الا والله انت اللي ثقيل دم ودايم مبرطم كنك شام منيب قايل تكرمون << بغى يخربها  !! لكن فعلا فيه ناس اسلوبها كذا يحب المزح والضحك لكن مايعرف ينكت ولاعنده اسلوب ولا موهبه اصلا والنوعيه هذي مشكلتهم مشكله تلقاه على كثرمايشوف ردة فعل الناس لأسلوبه في التنكيت وانهم ماتقبلوه وانه مايعرف ينكت ويمكن صارت له مواقف ولقط وجهه لكن برضه تراني عادل امام حق السعوديه  !!
طيب باقي ردود الأعضاء << منذ مبطي وده يحتسي على الردود بالترحيبات  !!
( العضو الأول )
عانقت جدران منتدانا عطر قدومك ...
وتزيّنت مساحاته بأعذب عبارات الود والترحيب
فمرحباً بكـ كثر النجوم الساطعه
وكثر الورود الفائحه التي تفوح بازكى العطور...
وكثر ما تكتب الاقلام من حروف وعباراآات
اهلا بك في
{ منتديات رشيد الحوطي } << منتداي 
اللتي زادت إشراآاقاً بإنضماآامكـ إلينـــا
ولكـ مني ارق التحايا واعذبها
( العضو الثاني )
ياهلا وغلا ان شاءالله تفيد وتستفيد
( العضو الثالث )
اسلوب قروي وحق شياب << رشيد الحوطي
هلا والله وغلا
هلا والله ومسهلا
وين الناس مالك شوفه
هلا والله ومرحبا
هلا فيك مع اخوانك
القهوه ياولد والشاهي
هلا فيك بين اخواتك
تو مازاد نور المنتدى
نور على نور
ترا القابله الغداء عندنا قل تم
واتمنى لك من كل قلبي
كل التوفيق يارب
<< تحسه يرحب بواحد في زواج
انا خلصت يله وخرو بدفلج
|
العرض المتطور
