السلام عليكم ورحمة الله وبركاته ..

هلا عزيزتي .. انتي طلبتي المشوره .. وانا بعطيك رأيي فيما لو كنت بنفس الموقف
وموضروري تاخذين فيه .. ومو ضروري يكون صحيح ..

شوفي يالغاليه .. الموضوع يختلف من شخص لشخص .. ومن ظرف لظرف

يعني مثلا ..

هل تقدرين تتحملين .. كملي عشان الخبره .. ومافي شي يجي بالساهل لازم بالبدايه تواجهين صعوبات
هل انتي محتاجه الراتب فعلا .. وتشوفين ان هالوظيفه ريحتك ماديا .. او مايهمك الراتب مقابل انك اهم شي تتوظفين..
هل تخصصك عليه طلب .. يعني فيه امل كبير والا ضعيف انك تلاقين بديل لهالوظيفه وفي منطقتك ..

فكري بكل هالشغلات .. شوفي الايجابيات والسلبيات ..
والراحه النفسيه اهم شي .. لان بدونها ماراح تنجزين ولا راح تبدعين..
واستخيري ربك .. وشاوري احد له خبره بهالمواضيع
وتأكدي اذا تعبتي ربي راح يعوضك بالافضل ولو بعد حين ..

ربي يوفقك ويكتب لك كل خير .. ويسهل امرك .. ويحقق لك مرادك
وجميع المسلمين ..

.

دعواتكـ ..

أختي وربي حطيت نفسي بموقفك وحترت بالبداية
بس على قولة اختي الفقيرة جزاها خير حطي النقاط اللي ذكرتها في بالك وشوفي نفسك
والغربة والبعد عن الأهل وانا اختك تعب نفسي وتهد الحيل وخاصة للبنت ماهي زي الولد يقدر يتعايش
ولاتسكتي عن حقك واجهي المديرة وقولي انا متعاقده ماني مدرسة أساسية لاتسكتي وتستلمي خذي حقك بحق وذوق ناقشي تكلمي انتي موظفه وهي موظفه لها وعليها زي مالك وعليك
ربي يوفقك وييسر لك امرك والله الله يااختي بالاستخاره اجعليها نصب عينيك حتى لوكنتي ناويه ترك الوظيفه او ناويه الاستمرار فيها أستخيري وراح تشوفي بركة تطبيق السنة في صلاة الاستخارة
تقبلي مروري ودعواتك لي بالتوفيق

السلام عليكم ورحمة الله وبركاته
اختي بصراحه يمكن يكون هناك ناس طيبين وجهم تساعدني على هم الغربه وهم التعب ولان الغربه صعبه
ولاتسكي عن حقك في المتطلبات كوني متعاونه ومتفائله ولاتفكري كثير لان التفيكر يهد الحيل

والله شوفي انا مجربه الغربه من جد تعب نفسي اكثر ماهو جسدي
وانا لو كنت في نفس الموقف تبعك راح انسحب لان مافيه شيء يستاهل علشان اتحمل
غربه وراتب قليل وايجارات.....الخ
وش مستفيده انا طيب من الوظيفه والقرار لك واكيد انتي ادرى بمصلحتك
وبعد مثل ماقالوا البنات لاتسكتين عن حقك
والله يوفقك وييسرها لك يارب

تعليق ع ردود بعض الاخوات ..

ولنفرض البنت مو محتاجه الراتب ولا اي شي .. وبس تبي تتوظف عشان تضيع وقتهاا ..

في بنات قالوا وش تستفيدين ..!! اخواتي يكفيها الخبرره ..

شي يرفق مع شهادتهاا .. كم فيه خريجه بالمملكه .. بالالاف .. لكن قد مايكون معك خبره ودورات

تتميزين عن غيرك ويصير لك اولويه بأي وظيفه بإذن الله .. هذا غير انها تحتك في الناس وتكون علاقات

وتتعود ع جو العمل والضغوط .. والناس المختلفه في شخصياتها وافكارها واطباعهاا ..

< مو كأنك قمتي تتفلسفين

بالتوفيق حبيبتي ..

الله يعينك اختي لاتسكتين عن حقكك واهم شي راحتك

من راي اجلسي مو خسرانة شي جربي شهر شهرين و بتتعدوين على الوضع
و بهالفتره قدمي اماكن ثانية غير المدرسة الي انت فيها اقصد بمدينتك

اذا جاتك وظيفة كويسة روحي وقدمي استقالة بالمدرسة
اما الحين تتركينها ماتدرين بتجيك وظيفة او لاء

الله يوفقنا