السلام عليكم ورحمة الله وبركاته

أسعد الله مساءكم جميعا

بالبداية أسأل الله التوفيق والرزق الحلال لاخواني العاطلين

والف مبروك للمعينين بالوظائف الحكومية واللي طلعت مباشرتهم وين

انا طلع اسمي من ضمن 14 الف والحمدلله على كل حال مايندرى وين الخيرة فيه

من الفرحة أوراقي مجهزه لها سنة بملف أخضر اخذت الملف وعلى ديوان الخدمة



ديوان خدمة => مكتب العمل => ديوان الخدمة => مكتب العمل => ديوان خدمة => مكتب عمل



تخبرون عاطل فاضي لهم كل يوم عندهم <-- وعلى هالموال كل يومين


قالي أحد الادارين بديوان الخدمة أن الدفعة الثانية فيها أمور تبشر بالخير

وإن شاء الله مابتحصلون إلا اللي يسركم <- بعد ماجيت بدخل على المدير بعد المرمطة

وراح يفاضلونكم من جديد

ياحبيبي كيف يفاضلون 21 الف على 4000 وظيفة حكومية يعني كنك يابو زيد ماغزيت

وقال رح مكتب العمل ورحت مكتب العمل قالوا الموارد البشرية مالنا دخل حنا

ونروح الموارد البشرية ببريدة وعطاني ورقة فيها كشف اسماء

قالي سجل اسمك ورقم بطاقتك ومن أي مدينة ورقم جوالك

سجلت اسمي من ضمن اللي مسجلين اساميهم

وقلت له طيب لي مانكتب التخصص قال مايحتاج

نشفت ريقه بالأسئلة قلت طيب متى نتوظف ..!!!!

قالي جاري حصر الوظائف الشاغره بالقطاع الخاص و المستشفيات الاهلية

قلت اها جاري أجل الأمور طيبة وحنا بخير <- من القهر أطق اصبع وأرقص

قلت له طيب شلون توظفونا وانت ماتعرفون تخصصاتنا وش معنا شهادات ودورات ...إلخ

ترانا عاطلين ماحنا بسيطين معنا دورات حاسب وتسذا

قال حنا بندق عليك ونأخذ معلوماتك كلها

قلت اها مره جاري الحصر للوظائف الشاغرة و مره بتدقون علي شغل شركات القصيم

حط ملفك وندق عليك ولا اشوف شيء ولا أحد يدق علي


زبدة الحتسي وش السواهـ هالحين لمن المشتكي

لكن قالها عزازي بعد التعديل قال

لمين أشكي لمين وابث مرمتطي لمين
وابث حزني لمين ومين يرحمني مين ومين يسمع شكواي
أشكي حكاية بطالة لها كم عام معاي
حكايتي صدر الامر الملكي بشهر 4 العام
وبعد سنة وجهوني قطاع خاص ولا تحقق مناي
لمين أشكي لمين اروح لمين



يأخوان صدر الأمر بشهر 4 العام وهالحين جاء شهر 4

طلعت الأسامي واستبشرنا خير وهم يقولون تونا بدينا نحصر الوظايف

لا لقينا وظيفة مناسبة لتخصصك دقينا عليك

<- ليه طيب وش ذنبي أن الله ما خلقني معي واسطة

وش ذنبي أني مو خالي وزير الصحة ولا هو عمي وزير الخدمة المدنية

وش ذنبي ياخوان متخرج كلية حكومية بتقدير ممتاز وأخر شيء قطاع خاص

أوكي قطاع خاص الشكوى لله بس وينهي متى تجي ماهو معقولة توكم تسون حصر وظايف


إذا احد عنده خبر له مدير يقرب له مسئول يصير خال ابوه حك ظهره يسأله ويرد لنا خبر

<- مع ان ماظتني يقرب له مسئول ومسجل بمنتدى البطالة


الله يفرجها يارب ملينا بطالة وملينا طفرة



وش الحل يا جماعة الخير ؟؟؟؟




بالأخير إهداء لاخواني المتخرجين من الصحة والتقنيات العاطلين

جورج وسوف الصبر طيب يوم قال فيها


بيقولو الصبر طيب و كفاية العمر عدا و انا واقف مكاني
والي يعدي النهر دا مش راجع بكرا تاني
ولي اديتهم زماني نسيو زماني بثواني
ولي ضحيت عشنهم مضحوش عشاني
لا حد لقيتو طيب ولاحد الجرح طيب
اديني على ايامي صابر و كل جرح وله اخر
عملت اللي عليا و بايديا يلي ممكن اعملو
معرفش الدنيا مالها بيا تيجي عليا ليش مش ليا
صبرت كتير عليها و علي فيها شفت الي بيعيش يشوف
معرفش الغلطه فيها يا حبيبي ولا فيه ناس و ظروف
ولي ايدتهم زماني نسيو زماني بثواني



اي والله يابو وسوف الصبر طيب شكرا على النصيحة


والسلام خير الختام

ههههههههههههههههه الله يرزقينآ انا وياك والجميع المسلمين ,.

آآآآآآآآآآآآآآآآآآآآه يالقهر آنا إسمى لا طلع حكومى ولا خاص الشكوي لله

السلام عليكم ورحمة الله وبركاته
الشكوى لله ونشكر ابو وسوف على النصيحه ههه

انا مثلك طلع اسمي بالخاص ولاني طابهم

ربك كريم

حسبنا الله ونعم الوكيل حتى حقك بالتوظيف ماتاخذه الا بالملعنه ياخي من الاخير انت خارج حسبه نصب الوزارات والوزاره تاخذ الارخص والباقي بالجيب

الحل بسيط وبايديكم كوووون قدهاااااا لا للخووووف

شكرا لكم

انا طلعت خاص ودقو على الموارد البشرية قال لك وظيفة سالته عن الراتب قال بس 3000 قلت له فارق لا احد يرضى بالخاص تفالو بالخير