صبحكم الله بالخير

بالبدايه انا متابع لمشاريعككم .. وافكاركم عاجبتني بجميع المواضيع ..

ومساعدتكم لبعض دلاله على طيبتكم واخوتكم وحبكم لأخوانكم ماتحبون لنفسكم ..

الموضوع واضح .. انا شاعر متمكن فكرة بمشروع قصائد للمنناسبات وللأعراس ..

بس بيني وبينكم خفت ذنب المسيقى وماشابهها من المؤثرات ..

سؤالي / هل هو مشروع ناجح وكيف ابداه ..


اكون لكم شاكر ..

اخوكم

موفق بإذن الله ... لك مني أجمل تحية .

وياك ربي يسعدكك لاهنت

من ترك لله شيئ عوضه الله أحسن منه ..

دامك تعرف أنه في معازف وغيره أتركه ..

و المشروع مربح


وفقك الله لمايحب ويرضاهـ ..

تصدق والله اني أمس كنت بزوآج حق واحد من كبار رجآل الأعمآل الحضآرم في السعودية ان واحد قآل شعرر بس شعر طنآآآن يعني شعر مو أي كلام إلآ ماشاء الله شعررره مرره متمكن الشيخ عطآه نص مليون ريآل الزوآج كان بصآلة ليلتي الي بجدة بدون ذكر اسم الشيخ

شف بقولك شي

كنت باستراحه قبل اسابيع ودخل علينا بزر سلم وقال لاهنتو عندي قصيدتين

اعجبت الشيبان وطلبو قصيده ثانيه وقالهم وعطوه ماادري يمكن 100 ولا خمسين (مجرد توقع)

المهم انه ماكمل خمس دقايق يبي يروح للاستراحات الثانيه يعني بيحصل خير
واحد من الحضور جنبي يقول اذكره ياستراحه قبل شهور
يعني واضح الشغله مطلعه له فلوس
(انا برأيي انها تطفل على اصحاب الاستراحه)
لكن ماادري وش يستفاد من السالفه ههههههه

قلت اقولها يمكن يطلع لك فكره ولا شي هههههه


وخر عن القصايد الغنائيه ( من ترك لله شيئا عوضه الله خيرا منه )

خطرت لي فكره وانا اسولف معك خخخخخ
ليه ماتسوي كتاب اناشيد لنادي جماهيري (تطبيل يعني ) هههههه
وتروح لإدارة العلاقات العامة او الرئيس بنفسه
وتقول هذي تنفع لرئيس الرابطة عندكم عشان تتحمس الجماهير

المهم اطلب مبلغ عشرين الف ولا 15 ولا حتى لو عشره لانهم راح يستفيدون منها سنه ولا سنتين قدام ويمكن سنين اهم شي يكون كتاب فيه قصايد كثيره وحماسيه
وسوي قصايد لاكثر من نادي ورح بعها عليهم
يارجال من اذا بعت كتابين وكل كتاب بعشره هذا مصروف سنه كامله كل شهر 1600


الله يوفقك
النجاح بالتجاره يبدأ من فكره

بالنسبة للاخ الي فوق الي يقووول كتاب الاهازيج

ترا اصلن رئيس الرآبطه هو المكلف بجمع الاهازيج وتاليفها

الله يــوفقك ويــرزقنا وياك الــرزق الحلال المــبارك ...


بما انك شاعر ما شاء الله ..أنــصحك بالتــعاون أو الــبيع على المنشدين ..فهم بحاجة لأمثالك الغيورين والـباحثين عن الــرزق الحلال والنــفع والإنتفاع ,,,


مــــــــــوفق إن شاء الله ,,,

اللهه لايهينكم اجمعين ..

واشوف اقرب حل وانسبه حل اخوي القارب ..

لان ورب البيت ما لنا بالذنوب اسأل الله العفو والعافيه ..

ولاهنتوا اجمعين تسلمون يالغوالي

الله يوفقك ويرزقك الرزق الحلال .