المشاركة الأصلية كتبت بواسطة ضمير مستتر

شوف اخ العمودي

هذا شغلهم و مالهم منة بالعكس يفترض يكون أفضل من كذا عشان تعرف إنهم بياعين حكي زي بقية ربعنا اليك الاتي :

من ضمن ما ذكر عن تعريف جدارة ... :
- التدقيق الفوري للمعلومات التي يتوفر لها قاعدة معلومات.
- فتح التقديم على مدار العام مما سيمكن المتقدمين إضافة ما يتوفر لديهم من مستجدات على مستوى التطوير الذاتي و التأهيل العلمي إلى سجلهم لدى الوزارة.
- بناء خطة المفاضلات طوال العام. حيث سيسهم في إيجاد مرونة في تحديد فترات إجراء عملية المفاضلة واختصار الوقت والجهد المستغرقين لإجراء المفاضلات. والتي من المتوقع أن تكون في البداية بين ثلاث إلى أربع فترات في العام .
- يوفر نظام (جدارة) آلية تواصل مستمرة بين المتقدم والوزارة من خلال رسائل الجوال النصية والبريد الإلكتروني.
- يوفر نظام (جدارة) للمتقدم الشفافية لمعرفة ماذا تم بخصوص طلبه والمفاضلات التي تقدم لها والنقاط التي حصل عليها عند دخوله المفاضلة المناسبة لمؤهلاته.
- عدم حاجة المتقدمين للوظائف للحضور الشخصي لمقار الوزارة لمعرفة ماذا تم بخصوص المفاضلات.
و من أهم مميزات النظام انه يحقق بناء سجل موحد لكل متقدم حتى مع تعدد فرص تقدمه على أكثر من سلم وظيفي وهو ما يتيح للوزارة قراءات دقيقة جدا وسريعةً تساعد الوزارة والجهات المختصة عند التخطيط واتخاذ القرار.

الحين نظام جدارة له حوالي سنة اظن اكثر وش جاب جديد غير التسجيل الالكتروني و كذابين لا متابعة للمفاضة و لا غيره .. اتحداااااااااااااااااااااك اخي العمودي تسأل او تستفسر و احد يجاوبك من الخدمة المدنية عن طريق جدارة خلي التلفون قول قديم .. طيب خانة الدعم والمساندة بالله قد احد سأل وجاوبوه ؟؟؟

أنا عند رأيي انه نظام جدارة فاشل ماجاب جديد .. حتى لمن قفلوا تقديم التعليمي-نساء ..

رجعنا بتاريخ 12-3 نشيك لقينا البيانات انمسحت .. اش التخلف ذا ؟؟

وين اللي يقولوا "فتح التقديم على مدار العام مما سيمكن المتقدمين إضافة ما يتوفر لديهم من مستجدات على مستوى التطوير الذاتي و التأهيل العلمي إلى سجلهم لدى الوزارة." حسب كلامهم

فاشليييين اش يجي منهم الا الفشل ..

المشاركة الأصلية كتبت بواسطة مسترالعمودي

يااخي ضمير ..
انا رديت عليك في نقطة واحدة ..
بس انت سردت نقاط كثيرة .. ويبغالنا صفحات وصفحات عشان نتناقش فيها ..
وبعدين انا عبرت عن وجهة نظري الخاص فيا .. انت عندك وجهة نظرة خاصة وانا احترمها ..
بس الحكم بالفشل تماما .. اعتبره ظالم وقاسي جدا ..
وخليني اضرب مثال لك عشان اقرب الصورة لك ..
زي دحين واحد يدخل سباق وعلى مستوى العالم .. وطول السباق هو منافس على الصدارة .. بس في نهاية السباق صار ترتيبه الثاني أو لنقل الثالث .. تجي انت تحكم عليه انه فاشل .. مو تحطيم .. وظلم .. يعني مو يعتبر شيء جميل انو حصل على الثالث على مستوى العالم ..
واذا فاشل احسن له يعتزل .. ومايدخل سباق ثاني وينتهى كل شيء .. لانو فاااشل بكل بساطة ..


بس ليه مانقولها بطريقة ثانية اكثر دقة .. يمكن غلطت في لحظة من السباق يمكن قصرت في شيء ما .. ويبغالك تطوير وتدريب اكثر وباستمرار .. الواحد ينظر الى الجانب الايجابي الثالث على مستوى العالم ..


وهذا الحال ينطبق على جدارة .. اذا قلت انه فاشل .. يعني خلاص قفلوا جدارة وكل واحد يروح لبيته وينام ومافي وظائف بهذه الطريقة ..
بس طبعا هذا الكلام غلط .. هي بدأت فكرة .. وسنة أو حتى سنتين ماتوصلك الى ان جدارة تصير كاملة من غير اخطاء دايما هناك فجوات وثغرات وهناك اخطاء ودايما يكون هناك عمل وتطوير لتلافي الاخطاء والفجوات ..
عندك مثلا شركة مايكورسوفت برنامجها الأشهر على الاطلاق في العالم وندوز .. هل هذا البرنامج كامل .. هل مافيه اخطاء وثغرات .. واذا افترضنا انو كامل ومافيه اخطاء طبعا هذا غير صحيح ..
كم سنة اخذوا عشان يطوروا هذا البرنامج ليصل لهذا المرحلة في طريقة الاستخدام .. سنة سنتين ثلاث اربعة خمسة .. ولديهم عباقرة العالم في البرمجة والتطوير ... طبعا سنوات طويلة من العمل والتطوير .. وبشكل مستمر .. ودايما عندهم اخطاء وكل مره ينزلوا نسخة يحاولوا يعدلوا في النسخة القديمة ..
ومثال آخر .. جميع برامج الحماية .. دايما هناك ثغرات والهكر يصيدوا الثغرات .. ماوصلوا الكمال .. ولن يصلوا ..
وبعدين مسألة عملهم هذا ولا منة منهم .. طيب عارفين هذا الشيء وفعلا صحيح .. لكن مين جاب سيرة منة أو عملهم .. بس انت فاهم الموضوع مدري كيف ..

لما نقول جدارة ساعدنا في التوظيف .. يعني نقصد لاقينا وسيلة تساعد للتوظيف الحكومي عبر النت بطريقة اسهل وفي متناول الجميع .. اول الوضع كان لازم تروح وزارة الخدمة المدينة ويمكن ماتقدر .. بيتك بعيد .. ويمكن يجيك الترشيح وانت ماتدري .. لازم تتابع الجرايد كل يوم .. واشياء كثيرة كانت تمنع تلاقي وظيفة حكومية وتصعب الموضوع وماافي داعي اذكرها كلها ..

وبعدين اعترفلك صح في نواقص في جدارة بس يعتبر فكرة رائعة .. بس تحتاج مزيد من التطوير ..

وبعدين تقولي لما تقفلت الوظائف التعليمية .. اتمسحت البيانات .. مين قال تسمحت ..
لا ماتسمحت .. ابدا عملوا تحديث لبرنامج جدارة .. وعادة البرامج لما تسوي تحديث لها .. يصير هذا الشيء .. انا اشتغلت على ادارة شبكة المعلومات في المراكز الصحية في جدة .. وعادة لما تسوي تحديث .. تتمسح بعض البيانات .. مثل الجنسية .. طبعا هذا مجرررررد مثال .. بس البيانات الاساسية تكون موجودة .. ويقدروا يحتفظوا بجميع المعلومات قبل التحديث (الابديت) .. بعمل باك اب .. وانا تكلمت عن هذه المشكلة في مشاركة في موضوع اخر ..

اخيراُ ..
انت تطالب الناس تفهمك ..
طيب ليه ما نعكس الايه والمطلوب منك .. انك تفهم أنت الامور بشكل صحيح وايش المقصود وكيف طبيعتها ..

المشاركة الأصلية كتبت بواسطة مصرفي متميز

[align=center]
صعب ان تتحول من حكومية بيمقراطية الى حكومة الكترونية في يوم وليلة .... فالمعوقات كثير
وتحتاج الى سنوات حتى نصل الى مستوى الذي نصبو إليه .
برنامج جدارة برنامج وطني طموح ولكن ايضا هذا البرنامج يعمل ضمن منظمومه و لا يمكن الحكم عليه طالما هذه المنظمومة لم تكمتل .
تحياتي للجميع
[/align]

المشاركة الأصلية كتبت بواسطة مرسى الاحبة

في احد سئل او شم ريحة خبر

المشاركة الأصلية كتبت بواسطة ضمير مستتر

والله يا أخ مستر العمودي لو تكتب من الحين لبكرة صراحة ما اقتنعت بس اختلاف الرأي لا يفسد للود قضية
أنا أرى بإنهم .. لم يصلوا واقولها بكل آسف لن يصلوا للمأمول واقرأ الخبر ذا عشان تعرف انهم سنة عشان يضيفوا فققققققققط الاستعلام عن المفاضلة
http://alweeam.com/archives/62305

شغلة بسيطة زي ذي ماهم قادرين يضيفوها لجدارة مع انهم ذكروها ضمن مشروع جدارة اول ما شغلوه و ذكروها في الخبر اعلاه .. و حيذكروا غيره و حنسوي و نفعل ووووووو الخ !!
و لن يفعلوا شيئاً .. وهذا ضمن نفس المنظومة اللي يتكلم عنها الاخ مصرفي سنفعل و خططنا و نضع خطط وووو ...الخ وكالعادة لا جديد

بمناسبة المنظومة معليش خرجنا على الموضوع بس شوفوا الموقع ذا عشان تعرفوا صح ما هي البيروقراطية صححححححححح و وعلى اصووووولها..
http://3addad.com/index.php


اكرر معليش خرجت عن الموضوع .. وخلاص هذا اخر رد ليه


خلونا في الموضوع افضل ..

ان شاء الله الترشيح يكون قريب ..