ياجماعة انا كنت في وزارة الخدمة المدنية اليوم وماخليت شيء الا فهمته وبحثت عن اجابات مقنعة لكل علامات الاستفهام اللي كانت في رأسي بسبب الترشيح الأخير دفعة 823 اللي تمت امس ..

طبعا انا كنت عارف ان ترتيبي او رقمي هو 172 .. هذا الترتيب على مستوى المملكة .. ومن المفترض حسب ترتيبي يجيني ترشيح وأكون ضمن اسماء المرشحين امس ..
ولكن المعلومة الجديدة ان الترتيب كان فقط في تخصصي .. يعني ليس الترتيب بشكل عام وجميع التخصصات .. تخصص واحد فقط وهو : ادارة الأعمال - تسويق . طبعا على مستوى المملكة .. وركز هنا جدا على التخصص الفرعي التسويق وحط عليها مية خط
وحتى الان تم توظيف 5 اشخاص من نفس التخصص ( التسويق)..
هذا معناه ترتيبي يتقدم في السرى .. ويصبح ترتيبي الجديد هو 167
وبالنسبة الي تخصص ادارة الاعمال بشكل عام .. وصل السرى أو الترتيب الى مايقارب فوق 280 واحد توظف ..

بس الملاحظ ان التخصص الفرعي حقي صعب تلاقي وظائف له .. وهذا حسب كلام الموظفين ايضاً .. هذا لو شلينا من حساباتنا ان تخصصي بشكل عام ادارة اعمال للأسف الشديد .. (عليها علامات استفهام في نظام وزارة الخدمة المدنية للتوظيف)

اللي مزعلني ومضايقني ان جاني ترشيح بالمطابقة .. مدام مافي وظائف متوفرة لجميع الدفعة وحسب تخصصاتهم ليش يرشحوني .. والمشكلة الثانية والأهم اللي توظفوا في دفعة امس من تخصص ادارة اعمال كثير .. وتقريبا السرى وصل فوق 280 يعني لو اعتمدوا على تخصصي الاساسي كان من المفروض اني توظفت .. يعني مافرقت كثير التخصص انا اصلا تخصص ادارة اعمال - مسار التسويق .. يعني تخصصي الاساسي ادارة اعمال .. بس نظام الجامعات سابقا ماكان فيه تحديد مسارات زي التسويق أو نظم معلومات أومسارات اخرى ..
وكأني مالي علاقة بالادراة لما حطوا تسويق وفوتوا عليا الفرصة عيال اللذين .. ايش ااقول .. استغفر الله بس ..

الموظفين في وزارة الخدمة المدنية مو فاهمين شكلهم ان ادارة اعمال - تسويق هي نفسها ادارة اعمال .. للأسف الشديد .. نحن تخصصنا اشمل واوسع .. يعني كان وظفونا ومافي داعي للتقسيم الشديد والتعقيد حسب مسار التسويق .. اللي ماله داعي .. وتضيعوا علينا الفرصة ..


مدري هذه الشغله يبغالها طلعه للرياض واعيد ترتيبي في قائمة المفاضلة حسب تخصص ادارة الأعمال .. ويعطوني الاحقية في التوظيف بحكم ترتيبي وتخصصي .. لازم نشتكي مسؤول التوظيف في الرياض ومديرهم اللي مقسم الوظائف على اساس ادارة اعمال - مسار التسويق .. والتقسيم والتعقيد اللي ماله داعي وعلى أساس غير صحيح في نظري ..

رحت اليوم الخدمة المدنية والحمدلله طلع ترشيحي في مدينة الرياض الرغبة الاولى

ماشاء الله ولاحول ولا قوه الا بالله
الله يتمم لك على خير ويعطيك من خيرها ويكفيك شرها
وعقبالنا وباقي الاخوان

ماشاء الله ولاحول ولا قوه الا بالله
الله يتمم لك على خير ويعطيك من خيرها ويكفيك شرها
وعقبالنا وباقي الاخوان

طيب مستر العمودي وش الي فهمته منهم زي حالتي ما طلع ترشيحي وش السبب

وبعدين في دفعات جايه ولا نخش مفاظله من جديد

جزاك الله خير

انا جاتني وظيفة الدفعه 823
مدقق شئون الموظفيين في وزارة الصحه

والوظيفه الثانيه مع الشباب 3500

مساعد اداري في المدارس

بصراحه محتار ويش اختار المهله اقل من 5 ايام لابد من الاختيار او تضيع الفرص كليهما خارج منطقتي

ياشباب ادلو علي براي سديد ومفيد

اخوي كنت والآن اصبحت
شوف مميزات وعيوب كل وظيفه واسأل اهل الاختصاص وموظفي كل وزاره وماخاب من استشار
اللي اقدر أفيدك فيها نمسك اولا الراتب كلها على السادسة يعني الراتب واحد
ومن ناحية الدوام والإجازات فالكفه بصالح المدارس
من ناحية الترقيات اعتقد وزارة التربيه بطيئه بها الموضوع والصحه لا اعلم عنه
اخوي اولا وآخرا
أستخير وقلب المؤمن دليله
الله يكتب لك اللي فيه الخير