السلام عليكم ورحمة الله وبركاته


اتمنى ياشباب اللي عنده خبره في الديوان وضوابطهم يفيدنا ,, بالموضوع

اخوي متخرج وعاطل من 7 سنوات وبما انه عاطل لما طلع لزوجته ابتعاث سافر معاها كمرافق امريكا ومالهم غير سنه

وبفضل الله ودعاء امي ودعائه طلع اسمه اليوم من ضمن الوظائف الاداريه بالديوان ,

الحين استفساراتي هل تستوجب المطابقه حضوره الشخصي ؟ ولا يكفي ابوي او اخوي يروح عنه ؟

هل اذا عرفوا انه مسافر من ضمن البرنامج يستبعد ؟ لانه بيترك الابتعاث ويجي بس هو يخاف ان هالاسماء

مايترتب عليها شيئ فيصير ضيع عليه فرصه الدراسة ..

اتمنى اللي يعرف يفيدنا وله دعوة في ظهر الغيب .

يروح لهم ابوك ويشرح لهم الوضع ويقول لهم الولد مسافر برى وفي اقرب وقت بيجي

الاب عادي يقدر يراجع بدال ولده بالدوائر الحكومية

الله يجزيك خير يا "يالبيه "

الاخت ام مروان
موضوعك سهل صعب
اولا- المطابقه اامامكم خيارين 1- ان يحجز تذكره ذهاب وعوده ويحضر بنفسه ويطابق اوراقه ويعود لزوجته بسرعه ( وهذا اضمن لان الفرص بالحياه مره وحرام تضيع )
الخيار الثاني 2- يذهب والده ويحضر معه مايثبت ان اخوك خارج المملكه وفي هذه الحاله لابد يرسل لكم باسرع وقت شهاداته الاصليه بالدي اتش ال ولكن انتبهي لهذه الملاحظه ( لابد يذكر لهم انه سوف يعود للملكه في حالى صدور قرار تعيينه ومباشرته ويذكر لهم لهم ان الزوجه سيذهب لها اخوها ويرافق معاها او والدها ) بمعنى ثااني يقولهم اذا صدر قراره اهم شي الوظيفه ولن يغامر بترك هذه الفرصه مهما كاان ويطلب منهم ان يقبولوا المطابقه حتى لو كتب والده تعهد انه سوف يباشر العمل عند صددور القرار
--------------
الموضوع الثاني
في حالة صدور قراره وطلبوا منه ان يباشر عمله فعليه ان يحضر ويباشر عمله وبعد ذلك يقدم قرار ابتعاث زوجته ويطلب اجازة مرافق للزوجه المبتعثه وهذي محلوله لانه صدر بها قرار ملكي يلزمهم باعطائه اجازة مرافق للزوجه
هذا رائي وعن خبراه والله الموفق
تذكري ان امامه ثلاث مراااااااااااااحل
1- المطابقه ( تحتاج يوم واحد فقط ) 2- صدور قرار التعييين ومن ثم يرفع له مباشرة العمل 3- طلب اجازة مرافق زوجه مبتعثه ( لتنفيذ المرحله الثانيه والثالثه يكفيه فتراة شهر الى شهرين بالكثير وينهي الاجراءات)
الله الموفق

السلام عليكم ورحمة الله وبركاته

يطلع اخوك للسفاره ويسوي توكيل شرعي للوالد انه يراجع بالنيابة عنه ويرسل له جميع الاوراق اللازمه

اتمنى له التوفيق

الله يوفقك ياناسينا ويا فارس الصاعدي مشاركتكم افادتنا وبرسلها لاخوي ...

الله يجازيكم بالخير .

ام مرواان اعيدي قراءات الرد بعد ماعدلت عليه

والله حلو ياناسينا ان حصل اجازة مرافق للبعثه لزوجته بيكون اضمن لمستقبلهم اكثر واكثر الله يوفق من حط هالقرار خصوصا ان زوجته ممتازه وتدرس ماستر خلصت سنه ونص وباقي عليها حول سنه ونص

طيب ياناسينا بما انك خبره ومرت عليك تجربه , هل يعطونه معلومات الوظيفه في المطابقه يعني منطقه الوظيفة ؟ تبع اي وزارة ؟

اتوقع ان شاء الله تعيينه في وزارة الزراعه ياارب
وهذي ممتازه لان فروعها في كل مدينه ومحافظه وسهل التنقل فيها